بارت الࢪابع
بقَلمي: الكاتبة رَيريَ
افرَزن ريحِتك من يا درُب مرّيت
اليجي مشتاگ يثگل والهَوى يدِفعة
اختصر كُلشي واطول مِن اريد انسَاك
واحس كُل صبح بارِد وجهكّ يتبعَة
__________________________________
(شادن)
صافنه بروحي لابسه بدله ك اي عروسه عراقيه بس جنت مرتبه الحمره كتلت روحي عليها لونها يجي ماروني يجنن والمكياج جان حيل مرتب ومراهم ملامحي التسريحه مرفوعة والبدله ختاريتها مابيها اي شي ساده وردانها تور يجنن صفنت ليش اني مو فرحانه؟ هذا اليوم كل عروس تتمنا وفرحانه بس اني لا بعد كلام مروان الي تغيرت طفت روحي 180درجه حرفياً
فزيت من صفنتي ع هلاهل عمتي وامي الي تبجي وتگول گولات ايام زمان رحت يمها واني ابوس بيدها وبراسها
مريم: تمنيت ليان ويانه
وغطت وجها تبجي نزلت دموعي لا أرداي وحسمت قرار اني عندي بس حور! اي لاتستغربون من يوم عرفنه ليان شارده ويه حبيبي انتهت بل نسبه النه ولا نعترف بيها اخت جابت العار ل كل عائلتنه بس هذا مايوقفني انو احبها وانسى اني عندي اخواتي بس اكو حزه بخاطري ليش هيج سوت
الماكيرا: عينيي موو جايي احجي وياجج زوجج يكول يلاا الزفه صارلها ساعه منتظرتچ وانتِ توزعينن صفناتتت تفكرين بحبيبب الكلببب هههههههههاااايي
باوعت الها بقرف شتحجي هاي هسه؟
شادن: عفواً شهل اسلوب؟؟
كلبت عيونها وراحت تدردم لبستني عمتي البركع وطلعنه بعدني ب بدايه الباب واسمع هوسه وصياح وركص طلعنه وحسيته لزم ايدي بس بهدوء؟ لاا عتني عتت لمن صاحت بي حور
حور: شبيككك راحح تغلعع ايدهااا شبيكك؟؟
اجه يحجي ونسمع الطلق صار بفلسس وصياحه وهوه يصيح لاترمون لا اكفر بيكم وجماعته تصيح وهذا واحد لزك بي اله يشوفني لمن عاط بي مروان
مروان: ابنن السطللل شنوووو اشوفككككك؟؟ روح لانعلل والدي والدككك يابن الخره
وهذا اسمعه يضحك مبينه علاقتهم خايسه مو قويه، وصلنه لل سياره الي اني اصعد بل صدر وهوه يسوق نزع الستره وهوه يغلط خلاها ع الجام اليمي
مروان: شيلي هذا الخره عن وجهج اختنكتي
وخرت شويه البركع والتحركنه وهوه منطلق يطحن جكاير والسيارات اليمنه فرحانه اكثر من عدنه صارت صَمت عجيب بهذا اليوم مو طبيعي أبد
وصلنه ل بيتنه الجديد طبعاً اشترينه بيت بعيد شويه عن فرعنه وهذا الشي كلش زعجني ونرفزني حيل بس الشي العجبني هوه تصميم البيت رغم جنه بوكت كلشي بي يتسمى (كرنچ) بل وقت الحالي بس بيتنه تصميمه عبالك جاي من المستقبل كلش حلو لونه واجهيه للبيت ابيض ورصاصي ساحه صغيره اول متدخل ممر عريض شويه وبعدين صاله چبيره حيلل ومطبخ مفتوح ع صاله وغرفه جوه والدرج صاير ع صفحه والطابق الثاني ثلاث غرف وهذا زاد أستغرابي حيل وحمامين وصاله صغيره
