بسم الله الرحمن الرحيم
.
.
.
بيت عزام
دخلت المجلس وهي تحط الفراش وترتبه عشان بندر بطلب من روان فجاه انفتح الباب ولفت بسرعه كانت لابسه بنطلوب اسود واسع وبلوزه حمرا قصيره لين السره باكمام قصيره تجمدت مكانها من شافة فهد
فهد : انصدم من شافها قدامه ووراها العيال لو دخلو بيشوفونها رمرى شماغه من راسه عليها تغطي فيه بسرعه ركض يطلع يسكر الباب وراه
ساره : حطت يدينها على قلبها بخوف وهي ترجف متوقعت بيوصلون بذي السرعه
فهد : رجع عند العيال ووجه مخطوف
عزام : شفيك قفلت الباب بندخل
فهد : وهو متلعثم وميدري شيقول هل بيقول لهم بنت عمي اللي اعشقها داخل ومقدر ادخلكم ولا ويش يسوي
عزام : راح بيفتح الباب بس وقفته يد فهد محارمي ي ولد عزام عقد حواجبه باستغراب ايش يجيب محارمك هنا
فهد : اختي بالداخل ارسلتها زوجتك ترتب الفرش ل بندر وهي مو متستره يليت تصدوا عشان تطلع
بندر : حرمي
فهد : هز راسه بالرفض لا
لفوا العيال يصدون عن الباب عشان يطلع فهد اخته او بالاصح حبيبته اللي عروق رقبته برزت من عصبيته لو دخل قبله بندر او عزام وشافها كذا كيف بتكون ردت فعله دخل المجلس وهو يرص على اسنانه بغضب اطلعي ولي تفاهم معك بعدين ويش جايبك مجلس الرجال
ساره : لفت غترته على شعرها وطلعت من المجلس تدخل ل الداخل وهي ترجف من الخوف ومن الموقف اللي انحطت فيه ومتدري ايش تسوي دخلت عند البنات والدموع بعيونها
خلود : بسم الله عليك شفيك وغترت مين ذي
ساره : نزلت دموعها وهي ترجف
خلود : سارعت تحضنها وهي مستغربه شفيها ساره انطقي شفيك
ساره : العيال وصلوا وانا بالمجلس ودخل فهد ولما شافني انصدم ورمى غترته علي اتغطى فيها وسمعته يقول ل العيال اختى داخل ولما صدوا ركضت ادخل انحطيت بموقف محرج وبنفس الوقت يخوف
روان : معليش ساره ي عيوني انا اسفه ماكنت اعرف انهم قريبين كذا ولا ما ارسلتك ل المجلس
ساره : مسحت دموعها لا عادي بس خفت
جود بغمزه : اوه مين اعطاك غترته
ساره : يليل مو وقت طقطقتك
روان : شكل فيه كوبل جديد حب بالله اشرحي لنا كيف كان وجه من شافك
ساره : ضحكت وهي تتذكر كيف فهد مصدوم ويش جابها هنا ي بنات شكله يحسبني جنيه بس بعدين استوعب
خلود : ضحكت تمسك بطنها وهي تنسدح من كثر الضحك يوه احس يونس يليت شفتكم بسوي ريكشنات
ساره : خليكم من هذا كله مريم كيف صارت
روان : نامت من كثر مابكت وهي تهذي باسم بندر وانه هي السبب مافهمت شي قاطع عليهم دق الباب مين
بندر : انا افتحي الباب
روان : بس شوي بخلي البنات يتغطون رجعت لهم بنات ادخلوا بالصاله الصغيره بندر بيدخل راحت ساره ورغد اما خلود وجود اخوهم فضلوا ومريم زوجته
فتحت روان الباب وانصدمت من وجه بندر كله خدوش ويده ملفوفه شهقت تحط يدها على فمها بندر وبكت
بندر : فتح يده تعالي ي ابوي انت ويش له هالدموع شوفيني قدامك مافي شي
روان : بندر وجهك يعورك تحس شي
بندر : هشش انا بخير
روان : بعدت من حضنه ادخل لا تبقى واقف
بندر : دخل ل الصاله وشهقوا البنات بصدمه من وجه وركضوا يحضنونه وهم خايفين عليه بندر فيك شي تحس بالم وبعدوا يجلسونه
بندر : شفيكم مافي شي ليش كل هالخوف
روان : بجيب لك الشوربه ومابي اسمع اعتراض
بندر : لف براسه يشوفها قدامه مستلقيه على الكنب فز بخوف شفيها
جود : يوهه من يوم عرفة انك سويت حادث اغمى عليها وبعدين صحت ومن كثر ما بكت نامت
بندر : نزل على الارض يتامل وجهها ويمسح عليه بهدوء يشوف اثر الدموع على وجنتها وخشمها المحمر من كثر البكي
روان : اشرت ل البنات يتركونهم ل وحدهم وطلعوا ل الصاله الثانيه
مريم : شمت عطر مستحيل تشمه مع شخص ثاني الا هو فتحت عيونها ببطى تتامله قدامها ضلت صامته ثواني من الوقت واستوعبت شهقت من شافته قدامها وعيونه تتاملها ووجهها ووجه واضح فيه اثر الحادث فزت ل حضنه وهي تبكي وشهقاتها تعلوا
بندر : اوجعته بيده المكسوره بس تحمل الالم يشدها له ويقبل راسها باستمرار بس ي اهلي انتِ ليش كل هالدموع
مريم : بعدت تناضر بعيونه وتتحسس وجهه بانمالها وهي مو مصدقه انه قدامها بندر
بندر : عيون بندر امري
مريم : اسـ ماكملت كلامها من حط اصبعه على ثغرها يمنعها من الاعتذار هشش مابي اسمع شي شوفيني قدامك وهذا يكفي
مريم: وهي دموعها تنزل بغزاره رجعت تحضنه وهي تبكي اكثر
بندر : شدها لحضنه اكثر وحاوط خصرها بيده اليمنى وشالها يوقف يجلسها على الكنب يمسح دموعها بانماله دموعك غاليه علي ماودي تنزليها شوفيني قدامك بخير
مريم : بين كلمه والثانيه تشهق من كثر البكي خفت خفت بندر خفت تروح وتتركني
بندر : انا معك اقرب من انفاسك لك لا تخافي وقفي هالدموع ترها تكسرني مودي اشوفها
مريم : خليك بعقم جروحك
بندر : مسك يدها يرجعها بحضنه خليك مودي علاج علاجي اني بحضنك
مريم : رجعت دفن وجهها بصدره وهي تشم ريحة عطره الثقيله اللي تحبها جداً
بندر : مسح على شعرها بيده وهو يسمي عليها ويقراء عليها لين حس بجسدها يرتخي بحضنه دليل نومها سحب مخده من الكنب يزل راسها عليها وغطاها بفروته وطلع ل المطبخ يبحث عن روان ولما ما شافها بالمطبخ نادئ بصوت شبه عالي روان
روان : طلعت من عند البنات تركض سم ي عيني
بندر : سم الله عدوك انتبهي ل مريم بطلع عند العيال
روان : بعيوني لا تخاف عليها بس استنى اشرب الشوربه
بندر : اخلي عزام يجي ياخذها منك بروح ارتاح
روان : هزت راسها بالايجاب
رجعوا البنات ل الصاله وهم يضحكون الحين مريم صدق تحب بندر لذي الدرجه اذكر كانت تكرهه
جود : هذا بس كلام عندنا شفتوا كيف انهارت
رغد : كذابه تراها تموت فيه ومتقدر بدونه بس تكابر
دق الباب روان بشوف شكله عزام جاء ياخذ اكل بندر
راحت تفتح الباب عزام ابتسم
روان : ويش سر ذي الابتسامه
عزام : لا ابد طال عمرك بس ابي الشوربه
روان : تمام خليك هنا لا تدخل البنات فيه
عزام : غمز لها تغارين علي
روان : حست بقلبها يعلو ويهبط من التوتر ومتدري ليش لما قال لها كذا توترت وانخطف لونها لا تصدق نفسك اساسا لو شافوك بيهربون عشان كذا قلت لك لا تدخل
عزام : ضحك بصوت شبه عالي ايه ايه زين جيبي الشوربه
روان : دخلت تتجه ل المطبخ وهي تفكر بكلامه هي ماصار لها يوم معه شلون بتغار عليه اخذت الشوربه تحطها بالصحن وكانت بترجع ل عزام بس طاح الصحن من يدها على رجلها وانحرقت صرخت بالم ركضوا لها مير ونارين سلامات ي ماما والبنات ركضوا لها وانصدموا من رجلها صارت كلها حمرا اثر الحرق
روان : جلست تبكي وهي تقول اخخ رجلي
ساره : فتحت الثلاجه تحط عليها ثلج بسم الله عليك شلون انكب عليك كذا
روان : وهي تحس رجلها تتاكل من الالم اللي جالس يحرقها ابي المستشفى احس رجلي تحرقني
عزام : كان عند الباب ومن سمع صراخها ركض ل المطبخ وشاف البنات حولها ومو متسترين وصد بسرعه وقال بصوت عالي شفيك
روان : بصوت باكي رجلي انحرقت
عزام : تستروا بدخل
طلعوا البنات من المطبخ يلبسون عباياتهم
عزام : مسك رجلها يشوف الحرق وكيف رجلها حمرا نادا مير جيبي عباية روان
مير : ركضت تجيب عباية روان وهم خايفين عليها صح انها اول يوم تجي عندهم بس حبوها من اسلوبها وطيبتها
روان : بكت لانها مو قادره تمشي وهمست عزام
عزام : امري
روان : مقدر امشي يحرقني
عزام : مين قال لك بتمشي
روان : سكتت بهدوء وحست فيها ترتفع عن الارض شهقت ويش جالس تسوي نزلني البنات فيه والعيال برا
عزام : تبي تمشي عليها وهي كذا عشان تعورك اكثر واذا على الناس ماهمني احد ومشئ فيها يخرج من باب البيت شاف بندر واقف ويش الصراخ
روان : دفنت وجهها بصدر عزام من الخجل وهو حاملها قدام اخوها
عزام : ابتسم وهو يقول ل بندر انها انحرق ورايحين المستشفى
بندر : سلامتك ي عين ابوي
روان : وهي دافنه وجها بصدر بندر الله يسلمك
عزام : البيت بيتكم خذوا راحتكم
بندر : متقصر ي اخوي واحنا راجعين بعد شوي
عزام : بتتعشون عندي واقوم بواجبكم وبعدها خير ان شاءالله ومشي
روان : جلست تبكي اكثر وهي تحس كانه احد جالس يدخل رجلها بالنار
عزام : خلاص لا تبكي الحين يضمدونها لك ويخف الالم
روان : يعور مرهه
عزام بحنيه : قبل راسها بس ي بعدي لا تبكي فتح باب السيارره يحطها ويسكر الباب ويركب جنبها وينطلق ل المستشفى
مريم : صحت وهي تحس بصداع لانها نامت وهي تبكي وفزت تدور على بندر
رغد : صح النوم
مريم : وين بندر لا تقولي لي انه اللي شفته حلم وماعده موجود
جود : لا تخافي جنتل مان حقك ماصار له شي بالمجلس
مريم : فزت بتروح له
ساره : وين
مريم : بشوفه طلعت تركض ل المجلس ودخلت بدون تدق الباب
فز فهد من صقعت الباب مريم
مريم : وقفت عند الباب والدموع بعيونها وماتخطت من يوم سمعت انه سوا حادث
فهد : تعالي ي عين اخوك شفيك
مريم : حضنته وين بندر
بندر : دخل وهو يشوفها بحضن فهد موجود بندر بس ليت له نصيب من الحضن اللي توزعينه ذا بعدت من حضن فهد تروح له تحضنه باقوى ماعندها
فهد : حس مكانه غلط وطلع من المجلس ل الحوش يتركهم مع بعض وهو يعرف مريم خوافه وتخاف من الحوادث وهي جربت الفقد وماتبي تجربه مره ثانيه
عند البنات
ساره : ي بنات خلونا نطلع الحوش احس طفشت
رغد : والله مالي خلق ابد بجلس اسولف مع مير ونارين احسهم طيبين مره
جود : اي والله ي الله
خلود : انا بكلم وحده من البنات تبي تدق
ساره : انا بطلع الحوش اتمشي فيه شوي
خلود : العيال بالمجلس البسي عبايتك
ساره : لا بروح بالحوش الخلفي مالي خلق البس الصراحه
خلود : بكيفك
جود : اخذت رغد يدخلون المطبخ يسولفون مع مير ونارين
وساره : خرجت تمشي ل الحوش الخلفي وكان فيه لسعت برد خفيفه
وخلود : دق عليها سلطان وهو اشتاق لها
سلطان : وينك ي القاطعه ماتسولفي معي
خلود : مشغوله بعدين حبيبي شعندك داق
سلطان : يلبى حبيبي والله
خلود : كلزق بالغلط قلت
سلطان : الحين طمنيني عليك
خلود : ببعدك بخير
سلطان : امانه ماتحبيني ما اشتقتي لي
خلود : افكر بعدين اقول لك
سلطان: انتِ كل شي لازم افكر
خلود : ايه عشان ما اطيح بالغلط
سلطان : انا مو لعاب وبخطبك بعد زواج نادر وابي نسوي الزواج بسرعه مابي يكون بينهم وقت طويل جهزي من الحين
خلود : سلامات مين قال لك بوافق عليك
سلطان : اقول دقي علي سناب ونفتح كام
خلود : لا مو صاحي قسم بزر انت كم عمرك
سلطان : ناضر وقت المكالمه وكان ٢٩ عمري ٢٩ دقيقه
خلود : حلو يعني بزر توك مولود
سلطان : يخي ليش تستهيني بمشاعري كذا
خلود : يخي قلت لك انه مابيك بس انت متعلق فيني
سلطان : خلود
خلود : هلا
سلطان : احبك
خلود:........
البارت مره قصير بس اعذروني اختبارات وضغط اعتذر اذا فيه اغلاط املائيه موعدنا بعد الاختبارات ان شاءالله
