6 🔥
بارت 6
وكل الفساتين ينقصها جسدك
كي تبدوا جميله
ذهب : حطت ايدها على صدره وكلت بثبات ، حيدر اهدأ
حيدر : رغبته السادية بدت تسيطر عليه وبدا يفقد اعصابه و بهمسات كال أني آسف... بس...، بس ما أريد أذيج. جانت نظرات عينه خليط من الرغبة والخوف
ذهب : بهدوء كالت، حيدر لازم توكف إذا شفت نفسك راح تطلع الأمور خارج سيطرتك .
حيدر : يهمس اني... أحتاج مساعدتج ذهب ، باوع عليها فجأة، وعبالك مجاي يكدر يسيطر على رغبته بلسيطرة ويلزمها قوي من جتفها ، ويكول أني .. لازم أتحكم بكل شيء... ويدفعها على السرير ويطلع من الغرفه
متت من الخوف والرعب نظراته لمساته جانت قويه ، دخلت الحمام اخذ شور دافي اهدي بيه نفسي وأعصابي ، طلعت بعده مو موجود ، بقيت انتظر شوكت يرجع حتى أتفاهم وياه بس تاخر حيل ، واني جنت امسح دموعي الموقف جان كلش صعب خوف مو طبيعي ، وما حسيت بنفسي غير نايمه
حيدر: بعد ما دفَع ذهب على السرير وطلع من الغرفة، حس بشي داخله يغلي. خطواته جانت سريعة، يريد يشرد من نفسه. طلع من البيت بدون مينطق باي كلمة، بس كل تعابير وجهه صراع. ركب سيارته، وساق بسرعة، الشوارع جانت شبه فارغة ، وذاك الهدوء زاد من توتره. وصل لمكان بعيد، مكان منعزل عرفه قبل سنين، مليان صخور وشجر قليل، والهواء البارد جان يضرب بوجهه وعبالك يريد يبرد النار اللي بداخله.
نزل من السيارة ومشى خطواته بسرعة، إيديه جانت مشدودة بقوة، جان يريد يفجر شي بداخله. وكف على حافة جرف عالي يطل على الوادي، بدأ يتنفس بعمق وعبالك يريد يهدأ. جان محتاج يفرغ الرغبة السادية اللي داخله بأي شكل، بس بدون مياذي ذهب.
حيدر (باله): شنو اللي صار بيه؟ ليش أحس فاقد السيطرة؟ ما أكدر أعيش هيچ... لازم أتحكم بنفسي... لازم أوقف هاي الأفكار ، ليش هي بالذات ؟ ليش اريد احميها واخاف عليها ؟
بدأ يضرب إيده على الشجرة الكبيره الي بصفه بكل قوة، وعبالك جاي يفرغ كل عصبيته وقوته وغضبه ورغباته من خلال الألم الجسدي. جان الألم الجسدي أهون من إنه يؤذيها (ذهب) بقى يضرب لحد ما حس بإيده متأذية، والدم بدأ يسيل منها، بس بعده مستمر.
حيدر (يهمس لنفسه): لازم أتحكم... لازم أكون أحسن... ما أقدر أخسرها.
كعد على الكاع ، حس نفسه تعب بقى كاعد جوا الشجره لساعات، والليل مر ببطء، وهو يحاول يرجع لنفسه.
رجع بعدها للبيت، جسمه مرهق وروحه تعبانه . دخل البيت وهو يتنفس بعمق، ومشى مباشرة لغرفة ذهب. فتح الباب ببطء، شافها نايمة بهدوء على السرير. اقترب منها، كعد يمها وحط إيده على شعرها، يمسحه برقة.
أنت تقرأ
جنون الحرمان 🔞♨️
Romanceاقترب مني خطوة، حسيت قلبي صار يدك بشكل سريع و مجنون. جنت متوقعة أي شيء منه... بس اللي صار؟ صدمني وفاجئني كلي بهدوء يخوف: أنتي هنا مو كزوجة... ولا كطبيبة. أنتي هنا حتى تعرفين وين حدودج ... وأني اي أني اللي أقرر شوكت نكسرها.
