جنون الحرمان 🔞♨️

13

13 🔥

و يا هلا ويا مرحبا

بارت جميل لعيونكم الحلوة

مكتوب بحب وكيك وغيرة وعشق لاحدهم او احدااهن

استمتعو بالقراءة واكتبو لي تعليقاتكم و كرمكم بالنجوم الجميله

ولندا ونقول بسم الله وعلى بركة الله

بارت 13

جنت كاعده بغرفتي، اباوع من الشباك للحديقة. حسيت كأن كل شيء وكف ، وكأن الحياة برا الشباك متسوه شي بعد . قلبي جان يصيح باسئله هوايه، بس ماكو جواب. حيدر جان يتجنب اي سوالف ويا

بذيج اليلة، جنت كاعده بالصاله بوقت متاخر ،  سمعت صوت خطواته وهو يدخل إلبيت. حاولت أن ما اباوع عليه مباشرة، بس عيوني خانتني. رفعت رأسي بهدوء، وشفت وجهه الي مبين عليه التعب والإرهاق ، وجانت نظره عيونه فارغة. مر من يمي بدون ميحجي اي كلم

حسيت سكوته مثل سكينٍ وتدخل ببطء بقلبي. حاولت اقنع نفسي أن الأمور اكيد راح ترجع زينه ، بس كل يوم يمشي جان يزيد حدة هذا السكوت والصمت . حتى بديت احس ان المسافه صارت تكبر وتكبر بينا ، ومجاي اعرف شلون ارجع علاقتنا .

حيدر : كل ما أدخل البيت وأشوفها كاعده بالصاله، أحس شي يهتز بداخلي. أعرفها، شلون تكدر تقرا ملامحي حتى من غير ما أحجي، بس هذا اليوم؟ ما أتصور تكدر لان عيوني جانت مثل الفراغ، مابيها شي ينقرا تعب؟ يمكن أكثر من تعب. شعور ثگيل جاي يكبر بيني وبينها.

أحس اني مقصر وياها، بس بداخل رجوليتي أكابر. الصمت بالنسبة إلي أسهل من أحجي وانهار قدامها لو أبين ضعفي . ما أريدها تشوفني ضعيف، أريد أكون الرجل الي يظل ثابت حتى لو الدنيا كلها تتعاون عليه. بس كل يوم أمر من يمها بدون كلمة، احس الحبل الي بينا يتسلت.