بسْمِ الله الرَحمٰنِ الرَحْيِم
#في_عينيك_قدري
بقلم : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
ماحچيتلهم عنك بس شافوك بعيوني .🫀
••••••••••••••••••
ميار : بايي
باوع بعيوني وگال بصوت راهي وحلو :جان كُلش طيب الكيك
ديار : اي والله طيب كُلش طيب
،،،،،،،،،،
ديار
بعد ما فرغ البيت وكلمن راح البيته اتصل عليه برير بـ 8 ونص بالليل
ديار : ها برير
برير : ها ديار اني اجيت
ديار : اها تمام هلا بيك
برير : فد 5 دقايق يمچ
غلقته منه ورحت گلت لامي انطيتها علم انو برير جاي
گالت : تمام هلا بي ما اوصيج من تكعدون سوا شعندج ويا احجي لا تستحين عادي صار زوجج بعد واتفاهموا عن كُلشي
ديار : صح كلامچ والله
نرجس : يلا غيري فُستانچ البسي شيء انزك وهادئ
صعدت فوگ غيرت الفستان لبست فُستان لون بَصلي هادئ ردانه تول مبين وطوخت مكياجي خليت عطر عندي شامة بخدي برزت الشامة اڪثر
دخلت ميار گالت : لج برير اجه انزلي
ديار : تمام نازله
ميار : هاج هاي دخليها
انطتني مُعلبات كيك وكرزات وعصير قبل ما ادخل للاستقبال خليت ايدي على گلبي و دخلت خليتها گدامه ايدي بقت ترجف خجلت بشكل استغربت الوضع اول مرة يشوفني بهالمنظر وهو ما نزل عينه مني ابد ضل يباوع عليه من دخلت لحد ما گعدت مسافة قريبة منه استحي ما متعودة
برير : هلا دياري الحلو ليش خجلانة ؟
ديار : لا مو خجلانة بس استغربت الوضع شويه
برير : ليش ؟ صرتي زوجتي بعد حلالي
ديار : عادي تصيررر
گعد يمي قريب سحب ايدي باسها وبقى لازمها حچيت بهدوء بس صوتي يرجف : شوف برير عندي شرط قبل كلشي
باوعلي بأهتمام ومركز وياي وگال : گولي شنو شرطج حبيبي
ديار : انه اكمل دراسة ؟
برير : ههههههه بس هذا شرطج ؟
ديار : ليش تضحك؟
برير : حبيبي أصلاً اساساً اني اريدچ تكملين دراسة فميحتاج تفكرين بهالموضوع
أنت تقرأ
في عينيك قدري
Romanceرغم الظروف الذي كنت امر فيها عندما تأتي على بالي فجأة ! وتقابل عينياك عيناي شوقاً ، ونظرة الحُب الذي أراه ، وتحديات الصعاب الذي مررت بها من اجلي ، وتشجيعك لي بكل تعب أتعب فيه ، كل هذا يثبت لي ان في عينيك قدري. ___________________ #في_عينيك_قدري بقلم...
