بسْمِ الله الرَحمٰنِ الرَحْيِم
#في_عينيك_قدري
بقلم : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
دائماً الأفعال تثبت ، أن الكلام لايعني شيئاً ."🖤
••••••••••••••••••••
: اني برير ممكن احجي ويا حضرتج
عزا يمه يا برير خفت هنا گلت معقولة الي دخلنا الهم زين منين جاب رقمي كتبت اله
ديار : منين جبت رقمي ؟
برير : نسيتي شنو غير انتِ انطيتي رقمج لأمي
هنا ادركت انهُ خالة آمنة من دخلنا الهم گالت انطوني رقم وحدة منكم حتى من توصلون اطمأن عليكم واني چنت حافظته رقمي فانطيته الها كتبت اله : اي وليش اخذت رقمي شنو تريد ؟
برير : على كيفچ انسة على اساس رقم الوزير هو
ديار : من الاخير عيب عليك تراسل بنات العالم ترا اني انطيت رقمي لخالة مو الك
برير : هسه على كُلٍ تجون لبيتنا نحچي لو نحچي بالتليفون عندي موضوع مهم وياكم
عزا يمه معقولة صاير شي يربي سترك كتبت اله : اختي مو هنا اليوم متجي بس اني فمن ارجع من المدرسة اجيكم
برير : تمام انتظرچ باي
ديار : باي
گطعت الاتصال منه واشوف الساعه ب 10 واني دوامي ب 12 يجي الخط گمت سبحت وبدلت ونزلت اتريگ
ديار : صباح الخير حبايب
نرجس : صباح الظهر حبيبتي يلا تريگي بعد ربع ساعة يجيچ الخط يوگف على راسنا
كميل : تعاي بابا اگعدي يمي
ديار : فديتككمم شگد احبكممم واحب دلالكم
كميل : هاچ حبيبتي هاي كاهي وگيمر اعرف بيچ تحبينه اليوم جبتلچيا من الصبح
نرجس : لا اني اغار يعني انت گتلي جبته علمودچ
ديار : فديت ابويييههه
نرجس : اكلي ام خشم وراچ دوام يلا
ديار : لعد وين ايمن ؟
نرجس : اليوم دوامة صباحي حقچ متدرين بأخوچ
ديار : يمه شمدريني قابل مو تعرفين ملتهية بالدراسة
كملنا و اجه ابو الخط صرعنا گمت بسرعة صعدت خليت واقي شمس ومسكارة
نرجس : ولچ المصگوعة الرجال واگف برا صرعنا وانتِ ملتهية بهاي سوالف
ديار : يمه غير اخلي واقي
نرجس : هو وينها الشمس ديلا اطلعي
أنت تقرأ
في عينيك قدري
Romanceرغم الظروف الذي كنت امر فيها عندما تأتي على بالي فجأة ! وتقابل عينياك عيناي شوقاً ، ونظرة الحُب الذي أراه ، وتحديات الصعاب الذي مررت بها من اجلي ، وتشجيعك لي بكل تعب أتعب فيه ، كل هذا يثبت لي ان في عينيك قدري. ___________________ #في_عينيك_قدري بقلم...
