جمعه مباركه
.
.
.
" اللهم صل وسلم على نبينا محمد "
________
الا تسمع صوت بوري السياره بمعنى اطلعي
ركبت السياره والقت السلام بصوت خافت عشان ما تقطع على ابوها اذكاره وتوجهوا لمزرعتهم عند البل
بعد مرور وقت وهي تشوف من بعيد بيوت عمانها القريبه من مزرعتهم وهي تشوف البيوت القديمه وبيت جدتها اللي من طين وهي تقول في نفسها " ليه روس عمانها محصيه وقاعدين هنا ليه ما يسكنون عندنا هناك كل شي متوفر "
ثم جلست تتفقد بعيونها مين موجود ومين اللي مو موجود
بسياراتهم قاطعها صوت ابوها وهو يكلم العامل : ي محمد افتح باب المزرعه عاني جاي وقفل منه والتفت على ريم وهو يقول ببتسامه : يالله تحيي ريم وشلونس
ريم وهي مبتسمه بخفه : يالله تحيي ابوي الحمدلله شوفت عينك بعافيه
ابوها ببتسامه وهو يناظر قدام : الحمدلله على نعمته
دخل السياره مع البوابه الكبيره ولبق جنب بيت الشعر
سمو بسم الله ونزلوا
حطت الصينيه على الطاوله اللي متوسطه ببيت الشعر وطلعت وهي تفك لثمتها وتمدد يدينها بانتعاش مع ريحة التراب بعد المطر وهي تناظر السماء وتقول : الحمدلله
انزلت نظرها وهي تبحث عن ابوها اللي راح مع العامل يتفقد الابل
مشت بخطوات هاديه تبي تلقي نظره على المزرعه اللي من فتره ما جتها وهي تشوف النخل والرطب اللي توه ماستوى وتشوف انواع النباتات اللي ابوها زارعها لفت للجهه الثانيه وهي تبحث بعيونها عن شي من زمان ما شافته مشت بحذر وهي تدور عنه
رفعت نظرها لمسافه بعيده شوي الا وتطيح عينها عليه
مشت بخطوات متزنه له اقتربت وهي تشوف الحواجز الخفيفه عليه اللي وجودها وعدمها واحد رفعت راسها شوي الى الامام وهي تناظر داخل البير المظلم
تنهدت بصوت خفيف وفي نفسها ودها تدفن ذا البير ولا تخليله اثر تكرهه
تراجعت خطواتها للخلف واتجهت لبيت الشعر
