بعد 10 دقايق وصلو مها وفيصل وبدو يحققون معهم
ماريا ببكي:والله والله انها زمان وكانت غصب
الضابط:مافيهه اي دليل يثبت ان كلامكم صح
فيصل تقدم:انا معي الدليل
فتح فيصل جواله وحط المقطع الصوتي واعطاها الضابط
ناظرت نجد فيصل بصدمه:كيف سجلت
فيصل رفع اكتافه:ممكن سمعت كلامكم
خلص التسجيل وطالب الضابط بحضور ميرا وجودي
بعد مده دخلو ميرا وجودي بكل ثقه
الضابط:ي تعترفون ب الطيب او نحطكم ب الامر الواقع
جلست جودي رجل ع رجل:انا مالي دخل وفيصل بعد بس الباقي مدري عنهم الصراحه
ميرا بصدمه وهمس:جحدتيني يحقيره
تكتف فيصل ب ابتسامه:لا تهمسين جميع من ب الغرفه سمعك
انكرو ميرا وجودي كل الكلامم والتفاصيل
طلع الضابط التسجيل الصوتي وانصدمو ميرا وجودي
ميرا:مستحيلل مستحيل اكيد فِيك
جودي استسلمت للأمر الواقع وفضحت نفسها بنفسها
ميرا:الله لا يوفقكك فضحتي نفسكك بنفسك
جودي ببكى:شسويي خلاص هم حابسينا حابسينا ليه م اتكلم ليه
ب الفعل حطو الكلبشات ع ميرا وجودي وطلعوهم للحبس
الضابط:اسفين اننا ضلمناكم لاكن ظهر الحق وان شاءالله ياخذو العقوبه اللازمه
ابتسمو البنات وخرجو
تقدمت مها تحضن لاريا:الحمدلله الحمدلله
ماريا بهمس لميلان:ولا كأنها السبب بكل ذا
ميلان طقت كتف ماريا بكتفها:اسكتي
طلعو البنات وتقدمت ماريا لفيصل:يعطيك العافيه
فيصل وهو يناظر بنجد الي كانت تحاول تصد وتنهد بضيقه:هاذا واجبي
ركب سيارته وتوجهه للبيت وهو ضايق وبنفس الوقت غاضبب من جودي
وصل البيت وفتح باب البيت بقوه ونادا ب اعلى صوته ع امه وابوه
ام فيصل وهي تنزل من الدرج بسرعه:خير خيير ي فيصل شفيك
ابو فيصل وراها:شفيك ي فيصل صار لك شي؟
فيصل ضرب يده ب الطاوله الي كانت ع يساره:الانن وبدون تبريراتتت تفصخون الخطوبه من جوديي
ابو فيصل عقد حواجبه:ذا الشي الي منزلنا عشانه وتصرخ ب اعلى صوتك
فيصل ب استغراب:ها؟
ابو فيصل ضحك بخفه ومسك كتف فيصل:تم بفصخ الخطوبه لأني ادري اصلا ليه تبيك
فيصل بعدم استيعاب:وليه م فصختها من زمان
ابو فيصل ابتعد عن فيصل وهو يمشي:عرفت فعايلها قبل اربع ايام تقريباً بسبب اني سمعتها وهي تتكلم وجيت بفاتحك بموضوع الخطوبه بس قلت اشوف اي اخرتها
فيصل بصوت هادي:يعني تجرب فعايلها ع ولدكك تخيل لو صار لي شي منها؟
ابو فيصل وهو عند الدرج:م تقدر
ابتسم فيصل ابتسامه عريضه والتفت ل امه:يعنيي بتفصخون الخطوبه
ام فيصل بحزن:شكله بس....
قاطعها فيصل:ادريي ادري ي يمه انك ندمانه
لف وراح لسيارته وفتح جواله
دخل ع نجد وكتب لها
فيصل"نجد ابي اقابلك ضرورييي في الممشى"
——~——
عند البنات
توجهت نجد للصاله وجلست ع الكنب وتنهدت براحه
عند ماريا وميلان كانو يرقصون ويغنون
ماريا:اصبروو بشغل اغاني
توجهت ماريا للسماعات شغلتها وربطت الشال ع خصرها وبدت تتمايل ع خصرها
نجد:يالله تونا خارجين من القسم ترا وبعدين....
قاطع كلامها رساله فيصل استغربت
نجد"ليه شسالفه؟"
فيصل"نجد تعالي وبتعرفين كلشيي"
نجد"خلها بكرا احس مالي خلق الان"
فيصل"الا لك خلق تعالي"
تأففت نجد و م تنكر انها ابتسمت بخفه انها بتشوفه
بدلت لبسها وحطت ميكب خفيف ولمت نص شعرها والباقي مفتوح
راحت للصاله وكانت بتطلع
وقتها ميلان وهي تطفي السماعات:وينن وين نبي نجي معك
نجد افتحت الباب وبحده:لا احد يلحقني
قفلت الباب وخرجت
كملو البنات رقص الا لاريا الي اكلها فضولها وراحت ورا نجد
عند نجد شافت فيصل يمشي ويرجع ويناظر خطواته
وقفت عنده ورفع انظاره لها وتقدم يحضنها بكلل م عنده من قوهه
كان يبيهاا
يبي حضنها
يبيها تبادله ولو بشعور
ثبتت نجد بمكانه بصدمه
شد عليهاا وهو مو حاس بنفسه
مررت نجد ايدها لظهره وبادلته الحظن بهدوء
كأنها بحاجه له
بحاجه لحضنهه وهو بنفسه
تركها وتقدمت هي تجلس وهو جلس جنبها
التفت نجد عليه برأس شوي مايل وشعرها طايح:شفيك
ناظرها فيصل:انا
نجد:وفيه غيرك
ابتسم فيصل وناظر السماء:كنت احتااجك ي نجد احتاجك واحتاج حضنك "التفت لها"كم مره جيتك انا؟ كم مره جيتك وانا ابيك وانتي تصدين"ناظر للأرض" افهميي ي نجدد اناا ابيك افهميي اخر مره يوم كلمتك فكرت بنفسي شفت اني جيتك كم مره جيتك ولهان وابيك وتصدين حطيت كرامتي فوق كلشي الا لك نجد افهمي تكفين"تنهد بضيق" اليوم فصخت الخطوبه من جودي بسبب الي كانت تسويه خلينا نرجع مع بعض وافهميي يبنت اني احبك
ناظرت نجد فيه بصدمه:بس هاذا الشي مو بيدي
ناظرها فيصل ب عدم فهم رجعت انظارها للسماء:فيصل انا اخاف من الحب اخاف من كل انواع الحب سواء الكتروني،واقعي، او التواصل ع الرسائل ،او حتى محبه عاديه اخاف اتعلق ب الشخص وافقده مثل م تعلقت ب امي وابوي وتركوني
ناظرها فيصل:تقدري تتكلمي عن اهلك
تنهدت بحزن ونطقت:اسمع
فلاش باكك لقبل17 سنه
"في احدى البيوت التي لم تخلى من المشاكل
الام:رجعت لذاك الطريق ي حقيير ليهه ومتىى ومين علمكك
الفتى الي كان مو بوعيه:مالك دخل
الام:كيفف مالي دخلل انا امكك افهم وجاوبب ع سؤالي ليه رجعت لذاك الطريق
ضرب الفتى امه من كتفها مما جعلها تطيح:قلت لك مالكك دخل فيني وان تدخلتيي ولا قلتي شيي والله م اتركك
راح لغرفته وتقدمت الفتاة الصغيره والهاديه انحنت ل امها:ماما شفيك تبكين
الام وهي تبكيي:ارجعي لغرفتك وان طلعتي منها والله ل اذبحك
ركضت نجد غرفتها وهي خايفه
لاكنها سمعت امها تدخل ع اخوها الي كان ب الغرفه:يمهه حبيبي افتح لي الباب
تقدم الابن وفتح لها الباب لاكن من فضول نجد ناظرت لهم من باب غرفتها
اشر اخوها عليها وهو معصب:اخررر كلمهه عندي يا اناا او هيي ب البيتتت
الام:شتقولل انت؟؟
اخوها:اخر كلمه م اصحى بكرا الا واحصلها مو موجوده
دفها ع ورا وقفل الباب
بكت الام الي م كانت تقدر تتحمل فراق ولدها
راحت نجد لغرفتها تبكي خوف من امها واخوها
مرت ساعتين ودخلت الام ب شنطه وقعدت تجمع اغراض نجد
نجد:ماما شتسوين
ام نجد:بنسافر لمكان قريب ونجي
نجد:كلنا
ام نجد وهي تحط الاغراض:اي اي
خلصت ام نجد ومسكت بيد بنتها وخرجتها برا البيت
حطتها بدار للأيتام وطلعت
فيه جهت البيت "ونجد م كانت تعرف ب السالفه ذي وكانت تضن ان حتى ابوها استغنى عنها"
دخل الاب والي كان حنووننن حنون ع بنته
سأل عنها و م حصل جواب
الاب بغضب راح لغرفتها م حصلها موجوده ورجع للصاله:نوررر البنتتت فيينن
الام"نور":بقولك كلمتي وم راح اغيرها والبنت م راح اقولك فينها ولا راح ترجع
ابو نجد:انا اعطيتك البنت امانهه مو تجين وترمينها ب اي مكان
نور:والله انا مو مسؤوله اربي عيال الناس
ابو نجد:لا تربينهاا بس مو ترمينها البنت ويننن
نور:ابحث عنها بنفسكك وولدك رجع للي كان يسويه"
نرجع للواقع
نجد والدمعه بعينها بس تحاول م تبكي:وهاذا الي صار "ابتسمت بضيق"عاد تدري كنت بنت هاديهه و م اختلط ب الناس وحتى امي وابوي م كنت ازعجهم بس مدري ليه قلبو علي
ناظرها فيصل ومسك يدها:معليكك انسي الماضي وارجعي للحاضر حاولي م تلتفتي للأيام الكئيبه الي عشتيها
وقفت نجد ولفت له ب ابتسامه وراها ضيقهه:بروح احس اني نعسانه
وقف فيصل وراحت نجد:استودعتك الله
سمعته نجد وهي تمشي وابتسمت بخفه
ركضت لاريا للبيت قبل توصل نجد
دخلت نجد البيت وراحت لغرفتها كانت بتقفل الباب لاكن منعتها لاريا ب رجلها
دخلت لاريا وقفلت الباب وراها وسحبت نجد تجلسها لسرير
لاريا وهي ماسكه نجد:نجد فيك شي
نجد بنضرات الاستغراب:لا ليه
لاريا اخذت نفس وورتها صوره لها ولفيصل يوم كانت تقوله عن اهلها:انا لحقتك وشفتك معه
كانت بتتكلم نجد لاكن كملت لاريا:ادري بتعاتبيني وتقولين ليه لحقتيني بس الي استغربت منه اول مره تفتحين قصتك وقلبك لشخص كذا نجد تحبينه؟
تنهدت نجد مو قادره تكتم مشاعرها اكثر من كذا:لارياا فيصل اجا لي تقريباً 4 مرات وغير الي قبل 5 سنين بس انا اردهه مثل الغبيهه ولا انا مشاعري ناحيته مو اعجاب مثل م كنت اقول لا انا احبهه وتأكدت اني احبه من قبل بس مو قادره اعترف حتى بمشاعري ودي اعيش مثل كل شخصين يحبون بعض مو مو قادرههه
لاريا ناظرت فيها:وليه م تعترفين
نجد رجعت راسها لورا:موو قادره احس م اتخيل شكليي وانا....
قاطعتها لاريا:الا تقدري بس انتي مو راضيه تعرفين بمشاعرك الولد يحبك وواضح وضوح الشمس انه يبيك ليه رديتيه بس انخطب
نجد:فصخ الخطوبه بسبب انه عرف بسواياها م سمعتيه؟
لاريا:لا م سمعت قال فصخت الخطوبه بس المهم انك حاولي ترجعي علاقتك معه انتيي تحبينه وهو يحبك تكابرين ليه؟؟
نجد تنهدت:لاريا اخرجي بنام
"البارت الي قبل دا كان فيه خطاً من الكيبورد واضطريت اعيدو"
