وقف صالح هو لأول من مكانو أو نطق بطمأنينة ..
صالح : غايكون خير أو القلوب غادي ترطاب وغانرجعو نساب وهادشي غادي يدوز ويبقا غير ذكرة فالبال
وقف أو أومأ جَلال راسو مأيدو فكلامو .. خاص غير الوقت أو كلشي غادي يفوت ..
عند ياسمين
لي كانت نازلة من دروج دموعها مضببين عليها الرؤية .. هازة ساك فٱيديها .. مبدلة حوايجها بجلابة فالكحل أو زيف منافسو فالون .. الأم تاعها وراها كتحاول تحبسها أو ياسمين فلسانها غير ......
" با مبقاش قادر يهز عينو فيا "
"با سخط عليا "
" با شافني عريانة فالزنقة "
هبطات فالدروج أو توجهات لباب الخارجي مباغاش تهز عينيها فالأب تاعها مزال .. كتحس بقلبها كيحرقها .. وبراسها كيضرها ومتأكدة إلى مبعداتش على كلشي .. شي حاجة غادي طرا ليها ..
حلات لباب بإيدين كيرجفو .. أو غير تفتح تلقاو عيونهم .. تلاقات زرقة عينيها الغارقة فحمرة دموعها .. معا سواد عيونو الغارقين فهمو ..
كان واقف مايل على جانب الباب غير تحل أو لمحها .. تقاد فوقتو .. بلع ريقو من دقات قلبو لي ترفع عددهم ..
تسمع صوت الباب تاع الصالون لي تحل أو خرج منو جَلال او صالح .. بقا كيشوف فيهم عدنان .. ومن ملامح تاعهم .. باين بلي طرق صالح المسمار معاه ...
رفع شعرو من الفكرة لي زاحمات عقلو .. وبدون تردد تقدم عند ياسمين هبط راسو لرجليها أو هزها .. مخلي راسها مقلوب ورا ضهرو .. حتى بدات كتغوت أو كضرب فيه باش ينزلها ..
جَلال غير شافو بغا يتوجه عندو حتى حبسو العكاز تاع صالح .. نطق عدنان قبل ماينطق صالح
عدنان : صلحتو لي بيناتكم نصلح لي بيني وبينها .. راه لا مصالحتها مغترجعش ليا .. ( شاف فجدو وقدم ليه نضرة طامع فمساعدتو ) صالح ( رجع شاف فجَلال ) راها مرتي مغنآديهاش دابا نرجعها لدار باها .. غير نبرد خاطرها من جيهتي ونرجعها ...
ضار عاطيهم بالضهر مخليهم مصدومين ...
تمشى بيها .. أو ضحكة مشققة على وجهو .. مخلي وراه ناس مصدومين من فعلو أو كلامو .. ومخليها هي كتبكي أو تغوت ورا ضهرو ..
الغوات أو البكا لي كان مخلي فرحة كبيرة داخلو .. داك الصياح او العتاب لي كيخرج من فمها .. كان باغي غير يسمعو لبارح .. أو هاهو دابا كيتنغم بيه ..
بقا كيتمشى بيها حتى عيات بالغوات .. دخل لأرض كبيرة عامرة زرع .. إلى أنه موقفش .. تمشى حتى وصل لأرض ثانية كانت عامرة كلها ربيع .. الشيئ لي خلاها تفتح نفس من أول نضرة ..
تمشى ناحية الربيع .. حتى وقف وسطو أو حس بالمكان مناسب لكلام لي باغي يقول ..
هبطها أو غير شاف فوجها دفعاتو من كتافو أو طبعات صفعة على يسار حنكو .. صفعة حاولات تقويها .. نطقات بصوت رهيف باكي وعالي فنفس لوقت
أنت تقرأ
العـشــق الصــحــيــح 𝐓𝐡𝐞 𝐂𝐨𝐫𝐫𝐞𝐜𝐭 𝐋𝐨𝐯𝐞
Lãng mạn🦋🍷༺العـشـــق الصــحــيــح༺🍷🦋 بأنـــمـــال : 𝐋𝐚𝐦𝐲𝐚𝐞 𝐀𝐥 𝐒𝐡𝐚𝐫𝐠𝐡𝐚𝐧𝐢 الـقصــة تثــحدث عـن يـاســمين الإبنـة المدافعــة الــذي تذهــب فـي رحلــة إلـى المـدينـة ساعــيـة لإنقـــاذ عــائلتــها مــن الفــقر فيــرميهـا القــدر فــي يــدي...
