هبطات زينب وهي مبدلة .. بسورفيط رمادية
سورالها عريض وقبيتها طويلة .. طالقة شعرها وهازة ساك كبير فإيديها
زينب : صباح الخير
ياسمين : (بتاسمات ليها ) صباح النور
زينب : باقا مجاتش (شافت ساعة من تيليفون ) تعطلات
تجاوزاتها هزات ساشية الحمرة لي كانت فالصالون ولي جابتها كريمة لبارح كانت فيها التقدية حطاتها فالكوزينة ورجعات خرجات عندها
زينب : أنا عندي دروس لغة غايبداو دابا غانمشي .. عطيني نمرتك حتى الى مجاتش صوني عليا ولا حتاجيتي شي حاجة تما دوي معايا
عطاتها نمرتها دخلاتها عندها ... أو ودعاتها ونصحاتها حيث كانت كتبان مثوثرة عباش خرجات ..
بقات مدة وهي كتسنا ورعشة الخوف تسربات داخلها .. وكأول مرة غاتخدم فحياتها جاوها بزاف تخيّلات فدماغها .. حاولت تهدئ راسها وتفكر فواليديها وبلي الخدمة غاتعطيها لفلوس وغادي يرجعو كي كانو وكلشي غايولي بيخير مبعدة من إحتمال متعجبهمش و يرفضوها تاتحل لباب عباش فيقها من سهوتها ..
كانت كريمة لي غير حلات لباب طلات عليها قالت ليه تبعها بإيديها .. ناضت هازة ديك لپوشيطة قدامها وتبعاتها .. شافتها طلعات فطونوبيلتها الكحلة .. طلعات لقدام مسيراها
كريمة : ديري سمطة
ياسمين : (ضورات راسها هزاتها وضارتها ) واخا
كريمة : تعطلت عليك غير سمحي ليا كانت عندي واحد لبنت مريضة فالجمعية مقدرتش نخليها بوحدها
ياسمين : ماشي مشكيل
كريمة : (ديمارات لوطو وهزات كتاب صغير فالحمر داكن مزخرف من كرسي لوراني وعطاتو ليها وعينها فالطريق) قرايه فيه كلشي لي خاصك ديري .. الأكل اليومي لي خاصك تحطي لأيام لي خاصك تكوني فيهم لأيام لي مخاصكش .. الماكلة حتى لا معرفتيش كيفاش طيبيها راه كاينة تما كيفية الطبخ .. صالير يوصلك على شهر .. وبما انك خدامة بوحدك راه تزاد ليك .. نوغمالمون خاصكم تكونو جوج حيث ل Beach house كبيرة شوية مغاديش تقدي عليها بوحدك ولكين البنات ناقصين تانقلب على شي وحدة من الجمعية ونزيدها معاك .. تما كاينين البلايص لي مخاصكش دخلي ليهم راه غتلقاي الهندسة تاع الفيلا والطبقات لي فيها وحتى عدد لغرف ياك فهمتي مزربتش عليك
ياسمين : لا فهمت كلشي
كانت كتقرا فالكتاب لي كاع المعلومات لي فيه بالفرونسي .. وكتحول تفهم سيستيم الخدمة والحاجات لي خاصها ديرهم قبل ما توصل لبلاصة لي خاصها تخدم فيها حتى سمعات صوت كريمة ثاني
كريمة : اه المكتبة الداخلية لي تما خاصها تنظف كل نهار .. سمعتي .. راه كتبقا محلولة كطل على بحر فاش كتجي راه كتحليها كيدخلها الضو فاش كتبغي تخرجي كتسديها ركزي على هادي عفااك كعما مكتوبة تما
أنت تقرأ
العـشــق الصــحــيــح 𝐓𝐡𝐞 𝐂𝐨𝐫𝐫𝐞𝐜𝐭 𝐋𝐨𝐯𝐞
Romance🦋🍷༺العـشـــق الصــحــيــح༺🍷🦋 بأنـــمـــال : 𝐋𝐚𝐦𝐲𝐚𝐞 𝐀𝐥 𝐒𝐡𝐚𝐫𝐠𝐡𝐚𝐧𝐢 الـقصــة تثــحدث عـن يـاســمين الإبنـة المدافعــة الــذي تذهــب فـي رحلــة إلـى المـدينـة ساعــيـة لإنقـــاذ عــائلتــها مــن الفــقر فيــرميهـا القــدر فــي يــدي...
