مالهاش مبررر انتي شيطان ي زينب ماشي ع الارض حتي صوره ابويا بوظتيها ياريتني ماعرفت حاجه
قربت منها زينب
زينب. طيب اهدي
روح. زقتها اوعي تلمسيني
وفي الوقت دا رن موبايل روح وكان رقم غريب ردت روح واتصدمت اول ما سمعت الخبر
زينب. بقلق في اي
روح. بصدمه سيف عمل حادثه وفي المستشفي
زينب. بتصوت ابني
نزلت روح بسرعه وماكنتش قادره تسوق ونزلت زينب وسعيد وراها واخد سعيد منها المفتاح وساق وهي كانت في حاله صدمه مش مصدقه اللي بيحصل ووصلو المستشفي وسالت روح عن سيف وطلعت وقفت قدام باب اوضه العمليات وماكنتش بترد ع حد ولا بتتكلم ولا حتي عارفه تعيط وبعد وقت طلع الدكتور واول روح ما شفته افتكرت يوم موت اهلها ورنت في ودنها كلمه البقاء لله زادت دقات قلبها واغمي عليها وفي الوقت دا كان ناجي في المكتب هيتجن ويعرف مين اللي بلغ عن الشحنه وجاله تليفون بان سيف عمل حادثه ونزل عشان يروح المستشفي وشاف سعيد
ناجي. انت اي اللي جابك هنا
سعيد. انت اللي اي جابك هنا ي ناجي انت فاكر اني نسيت حق اختي اللي ماتت بسببك
ناجي. انا ماليش ذنب
سعيد. مش انت اللي ضحكت عليها ولما طلعت حامل اتخليت عنها ورمتها
ناجي. ماانا اكيد ماكنتش هتجوز واحده سهله ورخيصه زيها
سعيد. اخرس قطع لسانك انا اختي كانت اشرف بنت هي وثقت فيك وفكرتك راجل بس للاسف طلعت واطي وقليل الاصل وحقها عند ربنا قادر يحيبهولها
ناجي. انت اي اللي جابك هنا
وفي الوقت دا شافت زينب ناجي مع سعيد وراحت لهم
زينب. بتوتر بصت لسعيد شكرا جدا يا استاذ سعيد انك وقفت معانا وبصت لناجي دا ناجي جوزي
سعيد. بص له وضحك الدنيا دواره ي ناجي الرخيصه اللي معاك مش اختي
وسابهم ومشي وكان ناجي هيتجن ويعرف قصد سعيد اي
ناجي. يقصد اي بكلامه دا
زينب. مش عارفه
ناجي. انتي تعرفيه منين
زينب. لا مااعرفهوش انا كنت مع روح وقت ما جاه الخبر وماكنتش قادره تسوق فهو عرض المساعده فوافقنا
ناجي. طيب الراجل دا لو شوفتيه تاني ماتتكلميش معاه
زينب. لي ي ناجي انت تعرفه
