وقفلت روح مع سيف وقامت لبست وراحت الترب كانت واقفه قدام تربه باباها ورحيم
روح. وحشتوني اوي انتو مش عارفين قد اي انا محتاجه لكم انا لوحدي هنا ي ريتني كنت مت زيكم استغفر الله العظيم ي رب سامحني ع اللي انا بقوله بس انت عارف ي رب اللي حصلي من بعد متهم الناس بتنهش فيا من غير رحمه عشان ماليش سند ولا ضهر حتي عمي كان السبب في متهم انا مش هسامحه انا هاذيه زي ما عمل فيا كده انا همشي اروح اتكلم مع ماما شويه عشان وحشتني اوي وهاجي تاني ازوركم سامحوني لو اتاخرت عليكم
ومشيت روح راحت المكان اللي مامتها مدفونه في وكانت بلد ارياف لان دا كان طلب والدتها انها تدفن مع امها
روح. وحشتيني اوي ي حبيبتي وحشني حضنك وحنيتك عليا اتبهدلت اوي من غيرك ربنا يجمعني بيكي ع خير انا موصيه امجد ان لما اموت يدفني هنا جنبك
وسمعت روح صوت بينادي عليها وكان خالها صالح والد عزيز التفت روح لي
صالح. عامله اي
روح. الحمد لله
صالح. انا اسف اني ماكنتش ليكي السند ومشيت ورا رشا وكلامها انا وعزيز
روح. مبقاش هيفيد يخالي الكلام انا شوفت منكم قسوه قلب ماشوفتهاش من حد انتو محسوبين عليا اهل بالاسم بس
صالح. حقك تقولي اكتر من كده انا اتعمل في شذى بنتي اللي احنا عملناه فيكي واطلقت
روح. الدنيا دواره وداين تدان انا مش شمتانه فيها عشان هي في الاول والاخر بنت زي وهي كانت بتعاملني احسن معامله وبجد زعلت ان حصل فيها كده لانها ماكنتش تستاهل دا زي بس الفرق بيني وبينها انها عندها اب واخوات سند وضهر ليها بس انا اتعمل فيا كده وانا يتيمه وماليش ضهر بس ربك كريم والقوي في اقوي منه
صالح. سامحيني وتعالي نفتح صفحه جديده
روح. اللي بيتكسر ي خالي مابيتصلحش
صالح. انا بجاي كل اسبوع ازور امك واطلب منها السماح اني ما صونتش الامانه اللي امنتني عليها
روح. الكلام مش هيفيد
وسابته ومشيت وركبت عربيتها وكانت منهاره من العياط لدرجه انها ماكنتش قادره تسوق وركنت ع جنب لحد ما هدتت وكملت طريقها وهي في الطريق كان سيف بيرن عليها وهي ماكنتش بترد عليه وكان هيم وت من القلق عليها وبعد وقت وصلت روح عند البيت وركنت العربيه ونزلت ولاقت سيف قدامها
سيف. بعصبيه مابترديش لي انا قلقان عليكي
واول ما شاف عنيها مليانه دموع سكت وحضنها وهي بدلته الحضن كانت اول مره بعد موت اهلها تحس بالامان في حضن حد مسك سيف وشها بين ايديه
