وسابتها وقامت وكانت زينب هتتجن ازاي روح عرفت ان القهوه فيها حاجه ومرت الايام بسرعه وخلصت روح توضيب المحل وعملت افتتاح جديد واثناء الافتتاح جاه لروح تليفون
مجهول. انا مراقبها من ساعه ما نزلت من البيت وهي حاليا لسه مانزلتش
روح. طيب ابعت لي العنوان بس اعرف لي هي في الدور الكام
وانهت روح المكالمه مع المجهول وكانت بتفكر هتعمل اي وقطع تفكيرها صوت تصقيف نادين التفتت لها روح
نادين. بتصقف برافو عليكي اخدتي خطيبي مني واتجوزتيه انا كنت مسافره فماعرفتش اجي ابارك للك ولما عرفت ان المحل ولع والله فرحت اوي ما دا جزاء المؤذي اللي زيك اللي بيخرب حياه الناس
سيف. بعصبيه. انتي اللي حرقتي المحل
نادين. لا مش انا اللي عملت كده انا مش مؤذيه زيها انا بسيب حقي لربنا يجيبهولي
سيف. طيب اطلعي بره
نادين. بس انت مبداك اتغير واتجوزت واحده بتشتغل عادي اهو لا ومش بس كده مطلقه كمان
سيف. امشي ي نادين من هنا عشان لو فقدت اعصابي هتزعلي مني
نادين. بتتكلم بكل برود هتعملي اي يعني اكتر من اللي انت عملته انت كسرت قلبي ي سيف
سيف. انا ماكسرتش قلبك انتي اللي اختارتي مش انا
نادين. يعني معني كلامك لو كنت اخترتك كان زمانك معايا
سيف. بكل اندفاعيه. ايوه كان زماني معاكي
انصدمت روح من رد سيف ع نادين ازاي كان بيقول ان اللي بينهم دا ماكنش حب وازاي دلوقتي بيقول انها لو كانت اختارته كان هيكمل معاها
سيف. حس انه كان مندفع وبص لروح انا مش قصدي حاجه انا والله بحبك
نادين. بتضحك انا عرفت اللي كنت عايزه اعرفه ان انتي مجرد واحده بينساني بيها مش اكتر
سيف. بعصبيه بس بقي وامشي من هنا
ومشيت نادين وكان سيف بيحاول يتكلم مع روح بس هي رفضت
روح. مافيش كلام يتقال ممكن تسيبني اشوف شغلي
وفي الوقت دا جاه ياسين ومعاه علبه شكولاته
ياسين. اللهم صلي ع النبي الصرف باين عامله شغل عالي
روح. بتضحك تسلم يا ياسين
ياسين. تسلملي هاالعيون هذه الشكولاه لاجمل عيون
روح. بتضحك مافيش كلمه مظبوطه خالص ومدت ايديها اخدت علبه الشكولاته من ياسين
ياسين. مد ايديه ليها وهي كانت مستغربه هو مادد ايديه لي
روح. في اي ي ياسين
