وَهَـم إبليـس 69

البـارت السـابـع والعشـرون🔥

#وَهَـم إبليـس69
بقلـم الڪاتبة فيـࢪوزة🦋

تحِن كُل ظَلمة بعيونيّ لضوهَ عيونَك ❤️‍🔥

متابعة للحسابfe_ro21 +التصويت + التعليق بين الفقرات=♡
╺────────╸⋆╺────────╸

وَهَـم:-

أرض صحراوية يحيطها القليل من الاشجار من بعيد مطر خفيف يُبلل الأرض الصاخبة فراغ شاسع في الارجاء أرض الچبيرة العملاقة الخالية من البشر..

جو مُغيم والغيوم سوداء تارسة السماء هواء نقي صافي وبرودة قليلة لكن تصل بالعظم صوت القُرآن يريح السمع و الهدوء يجول بالأرجاء...

الطريق حيل طويل گدامنا وكُل عشر دقائق تُعبر سيارة من يمنا يمشي بسُرعة چبيرة احس شوي ونطير بس لان الطريق فارغ عدلت ملابسي ونزلت ردن الأيد لان بردانه رجعت ظهري ساندته للخلف وعيوني على الطريق رمقت أور بطرف عيني أنتبهت عليه يعاينلي ويدور وجهو...

تحمحمت ورجعت شعري للخلف اردفت واني اعاين ؏ الجام والأراضي الصحراوية الفارغة يلي دانتعدى عليها...

وَهَـم: يمتى نوصل؟

أور: بعدنا بأول الطريق...

وَهَـم: تعبت شنو هاي...

أور:ترجعين ورى؟ تمددي ونامي!

وَهَـم: لا مااريد انام شبعانة...

أور: بردانة؟

وَهَـم: اي بردانة...

أور: دقيقة...

مشى بطيئ ووگف ؏ الرصيف نزل من السيارة ونزع سترتو تالي صعد مد ايدو وقدمها الي...

أور: هاچ لبسيها علما نوصل...

وَهَـم: تحسسني گاعدين بـ فلم...

اخذتها وخليتها ؏ كتفي وهو شغل السيارة ومشى دار الهدوء بيناتنا بس المسجل مفتوح بصوت قارئ ضحكت تك خد بس سمع صوتي التفت عليه وحكى...

أور: ها شنو يضحك!!

وَهَـم: اسألك سؤال؟؟!

بضحكة: اي ليش لأ سألي!!

وَهَـم: انت هم تخاف من الله؟

دار عليه بعدين توجهت عيونو ؏ الطريق اردف..

أور: اي ليش ما اخاف وحد؟؟

وَهَـم:هم تصلي وتصوم..!؟

أور: ما الچ حق تسأليني هالأسئلة هذا شي خاص بيني وبين ربي وتالي اني اتحاسب مو احد غيري!!

سكتت ما حچيت شي من تغيرت نبرة صوتو شوي شوي بطئ السُرعة من اشتد المطر وصوت الرعيد صار قوي لفيت روحي اكثر بالسترة ورفعت رجلي لصدري وحضنتها...