وفي صباح يوم جديد
نزلت تقى ودخلت المكتب عند رائد علشان تاخد العلاج بتاعها
الرائد : اخبارك يا تقى يا حبيبتي
تقى : الحمدلله يا بابا
الرائد : حسيتي بأي تعب من امبارح ولا لا
تقى : لا الحمدلله
الرائد : الحمدلله بصي بقا يا تقى مفيش شرب شاي علشان مضر واحنا عايزين ناكل اكل صحي
تقى بزعل : ماشي رغم اني بحب الشاي اوي
الرائد : معلش يا تقى هي فترة وهتعدي بإذن الله
تقى : يا رب
الرائد : ايه رأيك هشرب معاكي لبن وهاكل زيك كمان علشان متضايقيش
تقى : اذا كان كدا يبقى فوريرة
الرائد : طب يلا روحي بقا ومتحطيش غير معلقة سكر يا تقى
تقى : حاضر
وبعد شوية كانت تقى عملت اللبن ورجعت المكتب
الرائد : تعالي هنفطر برا علشان ماس متحسش بحاجة
تقى : اوكي يلا بينا
وفي الصالون
ماس : كنتي فين يا تقى
تقى : كنت مع بابا رائد في المكتب
ماس : ليه هو في حاجة ولا ايه يا تقى
تقى : لا بس كنت بستشيره في حاجة في الشغل
ماس : ماشي يا حبيبتي
وقعدو كلهم على السفرة وكانت تقى ورائد بيشربو اللبن
ماس : من امتى وانتي بتشربي لبن يا تقى
تقى :عادي قولت اجرب ممكن يبقى احلى من الشاي
ماس : امممم
وبعد الفطار كلهم راحو شغلهم ماعدا رائد وتقى
ماس : مش هتروحي الشغل ولا ايه يا تقى
تقى : لا اخدت اجازة
ماس : ليه
تقى : قولت ارتاح اسبوع كدا
ماس : ماشي يا حبيبتي اللي يريحك
هند : انت مش هتروح الشغل ولا ايه يا رائد
الرائد : لا يا حبيبتي اخدت اجازة اسبوع
حور : طب وانا عايزة اخد اجازة زيكو
امينة : لا هتروحي شغلك دا انتي عيلة رخمة
حور : هو انتو بتكرهوني ليه يا جدعان هو انا عملتلكو حاجة
امينة : امشي يا بت بقا
اسر : لا انتي تقولي انا معملتش ايه
حور : طب وانت ايه اللي دخلك يا حشري انت بس ها
اسر وهو بيضحك : من الباب اللي دخلك
حور وهي متغاظة : ابعدو البني ادم دا عنيييييي
امينة : هو انتو متعرفوش تقعدو في مكان واحد الا وتقرفونا
طارق : لا دول القط والفار بتوع العيلة
زين : تصدق انا بحس اني قاعد مع اتنين مجانين
شادي : ومين سمعك يا اخويا دا انا هتجنن من جوز المجانين دول
حور : بقا انا مجنونة طيب والله لاوريكم كلهم بس
اسر : هتعملي ايه بقا يا اوزعة
حور : انا مش اوزعة
اسر : لا اوزعة وشبر ونص
حور : انا مش اوزعة انت اللي شبه الباب
اسر : بتغيري مني علشان احلى منك
حور : احلى من مين يلا ها
الرائد : بس بقا ايه اللي بتعملوه دا
وبعد وقت كلو طلع الغرف وتقى ورائد راحو المكتب
الرائد : معاكي محلول يا تقى
تقى : انا خايفة لماما تلاحظ
الرائد : لا متقلقيش انا قافل الباب بالمفتاح وانا فهمت هند وهي هتقعد مع ماس
تقى : اوكي
الرائد : يلا بقا هاتي ايدك علشان اركب المحلول
تقى : اوكي
وبعد ما ركب المحلول
تقى :عايزين نعمل المقلب بقا
الرائد : دا اكيد يخلص المحلول بس وهنجننها
تقى بحماس : ايوا بقا
الرائد : متنسيش تصوري كل حاجة بقا
تقى : ودي حاجة تتنسي
وبعد وقت خلص المحلول
تقى : يلا بقا نعمل المقلب
الرائد : اهو حماسك دا اللي هيودينا في سين وجيم
تقى : متقلقش انت بس حط في بطنك بطيخة صيفي
الرائد : انا مش خايف غير من البطيخة الصيفي دي
تقى : متقلقش انت بس
الرائد : اما نشوف
تقى : يللا بقا روح اعمل نفسك بتكلم واحدة وانا هسجل واروح اوريه لماما هند
الرائد : اوكي يللا بينا
وبعد التسجيل طلعت تقى عند هند وسمعتها التسجيل
هند : لا لا مستحيل رائد بيخوني
تقى : هو دا اللي سمعته يا ماما
هند : وهي نازلة تجري : بقا انت يا رائد بتخوني
الرائد : اخونك ايه انتي جبتي الكلام دا منين
هند : جبت مكان ما جبت طب ازاي هانت عليكي العشرة اللي ما بينا ازاي طلقني يا رائد طلقنيييييي واغمى عليها
الرائد : الله يخرب بيتك يا تقى
تقى : وهي بتضحك لا بس كان مقلب روعة
الرائد : تعالي بقا نفوقها
تقى : يللا خليني اكمل تصوير
وبعد دقايق فاقت هند وهي بتقول : لا لا مسحتيل مستحيل
الرائد : بس يا مجنونة دا مقلب
هند : مقلب !!
تقى وهي بتضحك : ايوا مقلب بس كان روعة
الرائد : استعدي يا تقى
تقى : هي بتتحول كدا ليه
الرائد : مش افكارك الزفت
هند : اه يا تقى يا جزمة
وفضلت تجرب وراها بأبو وردة
الرائد : بس بقا يا ولاد المجانين
بس في الوقت دا حس ان تقى بدأت تفقد اتزانها في الجري فجرى بسرعة ومسكها
الرائد : تقى حبيبتي انتي كويسة
تقى : اه .......اه ......ان......ا ..كو...يسة
وفقدت الوعي
هند : تقى يا بنتي فوقي
الرائد شال تقى بسرعة ودخلها المكتب وركب لها محلول وبعد وقت فاقت
تقى : هو ايه اللي حصل
الرائد : كنتي بتجرب وحسيت انك بتفقدي اتزانك فجريت ومسكتك وبعدها اغمى عليكي
تقى : كل دا حصل
هند : انتي كويسة يا بنتي
تقى : ايوا بس المقلب كان روعة بصراحة
هند : يا بت بقا هقوم اجرب وراكي تاني
تقى : لا لا وعلى ايه بس برضو البيت كلو هيشوف الفيديو
هند : دا انا هقتلك
تقى : واهون عليكي يا دودو
هند : اه تهوني
تقى : من ورا قلبك انا عارفة
هند : لا دي من قلب قلبي
الرائد فضل يضحك عليهم وعلى جنانهم
وبعد وقت خلص المحلول ماس نزلت لقت هند وتقى ورائد
ماس :في حاجة ولا ايه
الرائد : لا بندردش سوا مع بعض
ماس : اممممم
وشوية ورجعت المزعجة حور
حور : انا جيت نورت البيت فينكم يا اهل الدار
الرائد : ديما تقرفينا بصداعك نفسي في يوم تاجي وانتي خرصة
عدي : ومين سمعك يا رائد يا اخويا دا انا دماغي هتنفجر
حور : والله انا بسبوسة بالاشطا دا انا اللي بعمل حس للبيت
عدي : قصدك ازعاج للبيت يا حبيبتي
حور : جرا ايه يا بابتي هو انت معاهم ولا معايا
عدي : انا مع الحق يا حور يا اختي
حور : اختك منين انا ها دول عندهم فوق الخمسين سنة هما اتنين بس سما وجميلة انا مالي بقا
جميلة وسما في نفس واحد : مين دول اللي معديين الخمسين يا بت دا انا لسة مكملتش الاربعين
حور : اكدب يعني يا عمتو
عدي : كلام يا حور يا حبيبتي دا ايه الصداع دا يا ربي
حور : هو انتو كدا ديما مصدعين
الرائد : يا بت بقا بطلي لماضة
تقى : سيبها يا بابا عمرها ما هتتغير
حور : بابا مين يا بت يا تقى هو انتي مش ابوكي يبقى ريان برضو ولا انا اللي توهت ولا ايه
الرائد : لا يا لمضة انا اللي طلبت منها تقولي يا بابا
حور : طب وانا صحيح يا مظلوم ارتاح عمر الحق ما راح
الرائد : يا بت هو انتي شوية صداع وشوية شكل وشوية دراما
حور : هو انا كدا بقا متكلمونيش انا زعلانة منكو
سما : صالحها يا رائد علشان مش هنخلص
حور : بقا كذا يا عمتو انا اللي كنت بقول انك اعقل واحدة في البيت دا
امير : مين دي اللي اعقل واحدة
سما : ليه هو في كلام غير كدا ولا ايه يا امير ها
امير : دا في كتير اوي اه على الظالم والمفتري
سما : مين الظالم والمفتري يا امير ها
امير : انا يا حبيبتي انا
سما : اممم كنت بحسب
امير : لا متحسبيش
حور : خلصتو بقا يللا صالحوني انا زعلانة
راح عندها الرائد وهو بيقول : خلاص يا ستي قوليلي يا بابا
حور : لا دي مش من قلبك
الرائد : لا من قلبي يا حبيبة قلب بابا
تقى : طب وانا بقا
الرائد : وانتي برضو يا تقى يا حبيبتي
دانا : وانا بقا بنت البطة السودة
الرائد : تعالي يا لمضة التانية انتِ بصو بقا كلكم هنا تقولولي يا بابا اتفقنا
نور : طب وانا بنت البطة الكحلي بقا
الرائد : ايوا بنت البطة الكحلي
هند : مين دي اللي كحلي
الرائد : نور يا حبيبتي
وهنا يكون خلص الفصل الثالث
قولولي رأيكم في الكومنتس
