هند : كنت بحسب
حور : خلاص يا ولية بقى هو قال نور
هند : بقىا أنا يتقال ليا ولية
حور : براحة على نفسك يا ولية لتطقي
هند : يا امينة انتِ متأكدة انك ربيتي البت دي
امينة : بصراحة لا دي مشافتش بربع جنيه تربية
حور: ايوا بأمارة الشبشب اللي بيلزق في وشي كل يوم
امينة : بس يا بت بقا قرفتينا
وبعد وقت من خناق حور وهند وامينة
عند دانا في غرفتها
امجد : دانا عايز اتكلم معاكي
دانا : ها عايز تتجوز على امي لو عايزة يابا براحتك الشرع محللك اربعة اقولك اعملها هي اصلا ولية خنيقة كل مرة اقولها مش بحب الملوخية وتتفاجأ كأنها اول مرة وتقولي ايه دا يا بت يا دانا انتِ مش بتحبي الملوخية اقولها ايه
امجد : قوليلها لا بستعبط يا روح امك
دانا : ما انا قولتلها كدا
وفجأة ابو وردة لزق في وشها
امجد : بتقولي لامك يا روح امك
دانا : مالك يا ابويا قلبت كدا ليه انا مش بقولها يا روح امك انا بقولها يا حيلتها
وفي الوقت دا كانت جهان سامعة كل الكلام وفجأة فتحت الباب ولزقت ابو وردة في وش دانا
جهان : تصدقي انك مشوفتيش بربع جنيه تربية
دانا : تصدقي انتِ ولية خنيقة صحيح
جهان : بقا انا خنيقة طب تعالي بقا وسكتها من شعرها
امجد : ما خلاص بقا يا ولية عايز اتكلم
جهان : علشان خاطرك انت بس يا امجد
دانا : شجرة واتنين لمون هنا يا جدعان
امجد : يا بنتي بقا انتِ محرمتيش من العلقة دي
دانا : لا ما انا كدا كدا باخدها كل يوم ايه الجديد
امجد : دانا
دانا : هو محدش في البيت دا يعرف بهزر معاكم
امجد : دا جاييلك عريس
دانا : ها حلو بيحب البيتزا عنده عضلات طويل ظابط ها قولي
امجد : لا مفيهوش ولا صفة هو ابن واحد معرفة اسمه عاصم
دانا : طب بيشتغل ايه
امجد : فاتح ورشة ميكانيكا
دانا : نعم.... يعني هنشحت سوا ومرمطة بقا ومش بعيد يكون طمعان فينا
امجد : الفلوس مش كل حاجة يا بنتي
دانا : بس انا مش موافقة يا بابا انا مش هرتاح
