وفي صباح اليوم التالي على الفطار
ماس : فين تقى محدش شافها النهاردة
هند : اااا سافرت مع رعد امبارح علشان كان في شغل مستعجل وضروري للشركة
ماس : طب ومقالتش ليه
هند : الرائد قال ليها في الفجر اكيد مرضيتش تصحيكي
ماس : طب هتصل عليها
هند : صحيح الرائد بلغني ان تليفون تقى وقع منها واتكسر فهيجيب ليها تليفون جديد لما يرجعو
ماس : طب اتصلي برائد خليني اكلمها
هند : مش هيرد علينا علشان اكيد معاه اجتماع
ماس : اوكي شوية نبقى نكلمهم ... صح مقالتش هترجع امتى
هند : لا الفترة غير محددة يعني ممكن اسبوع او شهر او اكتر
ماس : شهر دا كتير اوي
ريان : ايوا دا كتير اوي مش معقول الفترة دي كلها
هند : هو محددش يعني ممكن يرجعو بعد اسبوع او قبل شهر
ريان : هما سافرو فين
هند : اااااا سافرو ايطاليا
ريان : تمام لو كلمك رائد قوليلنا
وبعد وقت خلصو الفطار وكل واحد راح شغله
حور : باي بقا هروح جامعتشييي
امينة : ايوا ياريت تباتي هناك وتخلصينا منك كم يوم كدا
حور : يعني كدا يا مامتشي
امينة : ايوا كدا يا روح امك
حور : والله الولية دي جابتني من على باب جامع
الكل فضل يضحك على مجنونة البيت الصغيرة
ريان : والله يا حور انتِ الوحيدة اللي بتضحكيني في البيت
حور : من غير غرور كدا يعني دا طبعا هو البيت ليه حس من غيري
عدي : ايوا يختشي ليه بدل الصداع اللي بتعمليه لما تكوني قاعدة
حور : جرا ايه يا عدي انت هتعمل زي الولية دي ولا ايه
عدي : عدي عدي يا اللي مشوفتيش بربع جنيه تربية
حور : ايه دا هو انت مش اسمك عدي برضو ولا خليتو هدهد
عدي : طب تعالي بقا
وفضلو يجرو في البيت كله
ريان : ههههه والله انتو الاتنين مسخرة
عدي وهو بيجري : مش هسيبك يا حور الكلب
حور : مخلاص بقا يا هدهد نفسي اتقطع
عدي : احسن خليه يتقطع
حور : اهون عليك يا هدهد
