طحت بـ الزين و انا عن الحب تايب

Part1

في مكان بعيد ب الرياض تصحى الجده نوره على صوت كح قوي مستمر حاولت تمشي لـ اتجاه الصوت الي طلع بـ الحمام ( يكرم القارئ ) حاولت تفتح الباب مرات عديده بس ما قدرت و بعدها بلحضات توقف الكح و خرج الجد جراح من الحمام ( يكرم القارئ ) حطت الجده نوره يدينها على فمها و امتلت محاجرها ب الدموع و اردفت بصوت راجف
نوره : ج جراح ايش هاذا الدم و ليش ما قات لي من قبل
جراح بنبره حنيه : حبيبه قلبي انا تذكرين ليش كنت اقول لك ابي عيالي يجتمعون عندي كلهم قبل لا الله ياخذ امانتي هاذا السبب يا حبيبي انا
نوره و الدموع تكسوها : الحين اكلمهم بس حبيبي تكفى عشاني اذا مو عشانك تعالج ما ابيك تتركني بروحي بـ ذي الدنيا
تقدم جراح يحضنها : حبيبت قلبي خلاص يكفي دموع و ما طلبتي شي الحين اروح المستشفى بس ما ابي اشوف دموعك تمام يا قلبي
نوره بخوف عليه : تمام بس ابي اروح معك
جراح : ما يصير يا حياتي الحين رح تكلمين العيال يجون عندنا و البيت كبير و يكفي لنا كلنا و زود
اردفت نوره و هي تبتعد عن حضنه : خلاص حبيبي بكلمهم بس وعد الحين تروح المستشفى
ابتسم جراح على خوفها عليه حتى بعد مرور كل ذي السنين و تقدم يقبل خدها قرب ثغرها و نطق : و حبيبتي تطلبني شي و ما انفذه تمام يعيني الحين رايح بس خلي العاملات ينضفون البيت عشان يكون نضيف على جيتهم
ابتسمت نوره على تعامله معها حتى بعد سنين طويله من زواجهم : تمام الحين تعال عشان اطلع لك ثوبك
اردف جراح و هو مبتسم : ما فيني حيل اقوم تقدرين تجيبين الثوب هنا
ردت نوره : تمام حبيبي لا تتعب نفسك
طلعت نوره من الغرفه متوجهه الى غرفه الملابس
ابتسم جراح و نطق في نفسه " حتى بعد كل ذي السنين يا حبيبه قلبي للحين حبش لي ما تغير  الله
يجعل يومي قبل يومش يا حبيبتي " ابتسم جراح على حبهم الي مكمل لين نهايه عمرهم و بعد لحضات دخلت عليه نوره ابتسم جراح من دخولها و هي ماسكه ملابسه ب يدها و تقدم ياخذها منه و يبدل و توجه للمستشفى
~ عند نوره ~
نوره : الو يا ماما وينكم
ردت خلود : ماما انا و عيالي ب البيت ليش
ردت نوره : يا ماما انا و ابوك ما باقي لنا وقت طويل ب ذي الحياه فـ قررنا قرار انه كلكم تجون عندنا و نسكن مع بعض تمام
خلود : بسمالله عليكم ماما وش ذا الكلام لا تقولون كذا و تمام ان شاءالله الحين نجهز كل اغراضنا و اذا خلصنا نجيكم
نوره : خلاص يا ماما الحين بكلم اخوانش و لا تنسين ترتبونها كلها بتسكنون عندنا خلاص
ابتسمت خلود : تمام يا ماما الحين نجهز
قفلت نوره من خلود و اتصلت على رقم ملهم
ملهم : ارحبي يا الغاليه بغيتي شي
نوره ابتسمت : لا يا ماما بس انا و ابوك قررنا قرار
ملهم : افا عليش يا يمه من الخين تم بس وشو القرار
نوره : شوف يا ملهم انت اكبر عيالنا و المفروض تكون اول من يوافق عليه
ملهم : افا يمه و انا اقدر ارد للغاليه طلب امري
نوره : شوف انا و ابوك قرب ربي ياخذ امانتنا و ابيكم كلكم تجون تسكنون عندنا و البيت يكفينا و زود نفس ما انت عارف
ملهم : الله لا يقولها يمه وش ذا الكلام
نوره : يا ماما خلاص حن كبرنا و نبي نعيش معكم اخر يامنا
ملهم : يمه لا تخوفيني و تامرين امر الحين اكلمهم يجهزون اغراضهم
نوره : تمام يا ماما الحين بكلم اخوك توصلون بـ السلامه
ملهم ب خوف : مع السلامه يمه
قفلت نوره من ملهم و توجهت ل رقم ولدها نايف
اتصلت نوره على نايف
رد نايف : هلا والله ب امي تامرين ب شي
نوره : لا يا ماما بس قررنا قرار انا و ابوك
نايف : من الحين تم بس وشو
نوره : يا ماما حن قدنا على نهايه عمرنا
قاطعها نايف : يمه وش ذا الكلام لا ان شاءالله ب تبقون معنى و بلا كلام فاضي وش القرار
نوره : ابيكم تجون تسكنون عندنا خلاص
نايف ب ابتسامه : ابشري يمه الحين اخليهم يجهزون الاغراض ولا الغاليه تطلب شي و نردها
ابتسمت نوره : خلاص يا ماما الحين روحوا جهزوا اغراضكم
رد نايف : ابشر يمه مع السلامه
و قفلت نوره الخط
توجهت نوره للعاملات
نوره : ميري روزيت
العاملات : ايش مادام
نوره : ابيكم تنضفون البيت كامل عيالي بيجون يسكنون عندنا
العملات ب ابتسامه : مادام زين في يجي
ابتسمت نوره : اي الزين ب تجي بعد
حضنوا بعض العاملات ب فرحه و قالوا : الحين ننضف البيت كامل
ابتسمت نوره : تمام و اذا فيه اشياء ناقصه قولوا لي
~ عند خلود ~
اتصلت على مسفر
خلود : الو مسفر
مسفر : هلا يمه
خلود : تعال الصاله انت و حرمك
مسفر : تمام الحين جايين
قفلت خلود من مسفر و اتصلت على متعب
متعب : هلا هلا بدهر قلبي و رجعانه
خلود ابتسمت : هلا فيك يا ماما بس ابيك تجي للصاله
متعب من عيوني يا الغاليه
قفلت خلود من متعب
اتصلت خلود على وسن
خلود : وسن يا ماما وينش
توي ب الطريق و معي عنود
خلود تمام اذا وصلتوا تعالي الصاله
وسن : تمام
دخلوا عيال خلود عليها