طحت بـ الزين و انا عن الحب تايب

Part 5

اما عند سعود
جات الساعه 9 الليل و حس انه خلاص يبي يدق عليه ولا يقدر يصبر زياده
اتصل و انتضر منها ترد

~ عند الزين ~

كانت ترطب بشرتها و تفكر بـ حياتها الجايه مع سعود الى ان استوقفها صوت رنه جوالها
فزت من نص هواجيسها و بسبب الرنه و رفعت جوالها تشوف المتصل كانت متوقعه انه احد البنات لاكن صدمها انه سعود
بدأت تفكر هل ترد او لا الى ان نطقت بـ نفسها
" ياخي شفيني انا خلاص بـ النهايه صار زوجي
خلاص برد عليه "
و بـ الفعل ردت و قبل لا تنطق بـ حرف نطق
سعود : ارحبي هلا بحبيبه سعود و روحه و دنيته ما بغيتي تردين بعيده ولا تغلي
الزين : الله يرحب فيك لا بعيده
سعود : ايه اشوى احسب من اول يوم تغلي
الزين ضحكت بخفه : لا لا التغلي نخليه لـ بعدين
سعود ابتسم : جعله دوم الضحكه يا رب
الزين : امين حبيبي وياك
سعود : يا جعلني قد الكلمه يا رب
الزين : اي كلمه ؟
سعود : حبيبي
الزين : قلتها بـ...
قبل لا تكمل قاطعها : لا تقولين بالغلط خلاص
ان شاءالله قريب تقولينها لي كل شوي
الزين : ان شاءالله بس انت الحين ليش داق
سعود : ابد ابي اسولف معش على ما انام
الزين : حشى للحين ما جاك نوم
سعود : سلامتش بسولف معش لين ما ربي يفرجها
الزين : تصدق حتى انا موب جايني نوم مدري ليش
بالعادة انام بدري
سعود : يقولون انه اذا ما قدرت تنام يعني الي يحبك يفكر فيك ، كنتي تفكرين فيني ؟ ، لاني كنت افكر فيش ولا طلعتي عن بالي
الزين و هي تحس بـ عواصف داخلها ما تدري هي تحبه او لا لاكن نطقت عكس العواصف الي متراكمه عليها بـ كل هدوء : لا ليش افكر فيك اصلاً
سعود : اح صريحه بزياده
الزين : لا يكون زعلت ؟
سعود : مره انا عشان ازعل و اطلب منش تراضيني
الزين : وش تقصد
سعود : ولا شي
الزين : سُعود بلا عباطه وش تقصد
سعود : ابد المره تدلل و تطلب الي تبي و تبكي و تزعل و كل شي لها سمي و حاضر
اما الرجال شديد و مل يزعل على الكلمه و هو الي يقول سمي و حاضر
الزين تطمنت شوي : اها تمام
سعود : شرايش نسولف عن ماضينا مع بعض ؟
الزين : ما اذكره عدل
سعود : انا اذكر كل صغيره و كبيره
الزين : يالله قول

سعود : شوفي تذكرين يوم جيتيني تنحاشين من سلطان و تبكين ؟
الزين : لا متى
سعود : يوم كنتي حاطه حنا
الزين : لا ما اذكر
سعود استلقى على السرير و حطها سبكر و بدا يقول لها : شوفي كنت جايكم في يوم الجمعه نجتمع نفس دايم
الا جده تروح تستلمكم يا بنات تحط لكم كلكم حنا و مسكتش اول وحده
الزين الي انتهت من عنايتها و استلقت على السرير و حطت سبكر : تمام و بعدين
سعود : كان سعود واقف على راسش و يسأل جده وش ذا الي تحطينه على راسها ؟
تروح جده تقول له  هاذا حنا و من ذا الكلام
بعدين جاش و شم راسش و قعد يقول يع ريحته خايسه و انتي بديتي تكرهينه وقتها
الزين : كم كان عمري ؟
سعود ابتسم : خمس ست سنين كذا
الزين : وقلبي عادني نونو
سعود : اكمل ؟
الزين : كمل كمل
سعود : طيب ، تروحين تجين عندي تقولين سوسو شوف سلطان
الزين : كنت اناديك سوسو ؟
سعود : اجل ليش احب اسم سوسو
الزين استحت و اردفت : تمام
سعود : المهم ،  اجي اقول لـ سلطان خير وش تبي بـ الزين ولا يقول بعدها بعدها عنك ريحتها خايسه
ولا انتي وقتها دلوعه تروحين تبكين
الزين : انا دلوعه ؟
سعود : احلا و افضل دلوعه بـ الدنيا تدلعي جعل ما يتدلع غيرش
الزين كانت بـ تقفل من شده خجلها بس فضولها لـ السالفه خلاها تكمل نطقت : تمام كمل
ابتسم سعود من عرف انها استحت و قال :
بعد ما بكيتي رحت كفخته على راسه لين جا و اعتذر منش غصب
الزين : ما توقعتك كذا لما كنا صغار كم كان عمرك
سعود : كان سبع او ثمان سنين
الزين : فيه تكمله ؟
سعود : ايه
الزين : كمل
سعود : رحتي حضنتيني تقولين شكرًا بس لا تضرب سلطان
الزين : يعني فوق ما انه منرفزني خايفه عليه
سعود : طيبه بزياده فديتش
الزين : عندك سوالف ثانيه ما جاني نوم و الكل نايم  ؟
سعود : و انتي ما عندش اذا ما عندش انا بقول
الزين : دقيقه اتذكر
سعود : ما ورانا شي يالله
الزين بحماس : اييي تذكرت
سعود ابتسم على حماسها و انها دخلت معه بـ السوالف : قولي جعل ما يقول غيرش
الزين : ذي ما تعرفها لانه كنا بس البنات و كنت اتغطى عنك
سعود : سمي
الزين : قبللل لما كان عمري 14 او 15 كذا
سعود : قولي اسمعش