طحت بـ الزين و انا عن الحب تايب

Part 3

ردت الزين و طلع المتصل ابوها
~ نرجع كم من دقيقه ورا ~
ابو سعود : جايين نبي  الزين لسعود
ابو الزين : والله انها الساعه المباركه و سعود احسن من الغريب و انا عني موافق بس بشوف راي البنت اهم
سعود حس بفرحه الدنيا كلها بصدره ما يعرف ايش يسوي وده يقوم يبوس راس عمه و ابوه
لانه اخيرًا بياخذ الي يحبها من لما كانوا صغار
ما كان منتبه لأبتسامته الي شافه وجهه و هو يتمنى انها توافق عليه نفس ما طلب منها
ابو الزين ناضر بـ سعود و ضحك و قال : اهم شي تأكدنا الولد مهوب مغصوب
الكل ضحك و استوعب سعود و نطق : شسالفه وافقت
ابو الزين ضحك و قال : الحين ادق عليها
اتصل نايف على الزين و ردت
الزين : هلا بابا
ابو الزين : يا مرحبا بـ بنت ابوها الي كبرت
الزين و هي نست كلامها مع سعود : شفيك بابا
ابو الزين : سا بابا سعود جاي يبيش على سنة الله و رسوله هاه موافقه ولا
الزين الي انصدمت و تذكرت ان سعود حكم انها توافق عليه
نطقت : بابا بستخير و برد لك
ابو الزين : تمام يا بابا
عند سعود الي التوتر بيذبحه يخاف تغدر فيه و ما توافق و هو صدق يبيها ينطق في نفسه " الزين تكفين وافقي جيتش و انا عن الحب تايب لا تكسريني يا رجعان قلبي "
قاطع تفكيره ابو الزين من نطق : البنت قالت انها بـ تستخير و ترد لنا خبر
سعود : تكفى استعجل يا عم
ضحك ابو الزين : لا واضح الولد رايح فيها
حك سعود جبينه و قال : واضح لذي الدرجه
~ عند الزين الي قفلت من ابوها ~
شافوها البنات توترت و معد تبي تلعب

نوره : الزين شفيش
الزين بتوتر : سُ سُع سُعود خطبني
ضحت وسن : شفيش تعلقن بـ الكلام ترا عادي
نوره الي فزت بـ فرح تحضنها و قالت : بتصيرين زوجه اخييي اخيرًا
الزين : وش زوجه اخيش توني حتى ما استخرت
نوره : يالله يالله استخيري الحين
ناضرت الزين بـ نور الي تناضرها
الزين : شبلاش ؟
نور : بتتزوجين و تتركيني
ضحت الزين : وين اتركش كلنا بنعيش بنفس البيت
نور زفرت براحه : اف الحمدلله خلاص وافقي
الزين : امحق من بيتزوج انا ولا انتوا
البنات : احنا
صحكت الزين عليهم و توجهت لغرفتها
نوره : يا رب توافق بنات احسهم لايقين لبعض
وسن : موب هو دايم يبكيها
نوره : عشان يتكلم معها بس ما يقصد انه يبكيها و انتي تعرفين الزين حساسه
وسن : صح بعد
عند سعود الي عطش و قام يبي يروح للمطبخ
و هو رايح صدمت فيه الزين الي توصل لـ صدره
ناضر فيها و ابتسم و بدت نبضات قلبه تزيد من قربها منه
سعود : ها عطيتيهم الموفقه
الزين : مصدق نفسك بوافق
ابتسم سعود و سحبها للمطبخ و قفل الباب
الزين : سُعود ليش تقفل الباب
بدت نبضات قلبه تزيد ولا يبي يتهور عشان ما ترفضه
بعل ريقه و نطق : للمره المليون لعد تقولين اسمي كذا الا اذا تملكنا ما ابي اتهور
الزين : تتهور بـ وش ان شاءالله
سعود : تصيرين حلالي و تعرفين
الزين : ما رح اوفق عليك

سعود : بتوافقين
الزين : و ليش ان شاءالله
سعود : حكمت عليش توافقين
الزين : بوافق بشرط
سعود ابتسم : وش
الزين : اي شي ابيه تجيبه
سعود بدون ما يستوعب : بدون الشرط بيصير لو تعطينها شويه دلع مع شويه بوس مع شويه احضان يالبيه
الزين الي انصدمت : ناقص حنان انت
سعود : ها وش قلت
الزين : تقول لي اتدلع و ابوسك و احضنك جد ناقص حنان
سعود : ها ترا منيب ميت عليش على فكره يعني ولا شبي فيش انا اصلاً ليش خطبتش
الزين الي حزنت من كلامه لانها حبته و هو وعدها معد يزعلها نطقت بحزن و الدمعه بعينها : تمام
استدارت تخرج و دمعتها تنزل على خدها
استوعب سعود الي قاله و ان كلامه جرحها و ذهب مسرع لها يمسك معصمها و يلفها عليه
سعود : الزين والله اسف ما كان قصدي
الزين بغصه : تمام اصلاً عادي
سعود : من وش الدموع طيب
الزين الي انهارت ولا قدرت تكتم اكثر : سُعود خلاص ياخي دايم تبكيني و تنرفزني مدري شفيك علي مو وعدتني ما تزعلني الحين زعلتني الي يحب ما يزعل يا سُعود ما ابيك تزعلني تكفى سُعود
كانت تقول كل كلامها بشهقاتها
عند سعود الي تقطع قلبه عليها و عارف انه غلطان تقدم يحضنها يخفف عنها لو شوي " ما صرتي حلالي بس ان شاءالله اللهم اغفر لي ما قدرت اتحملها تبكي قدامي و ما اهون عليها "
حاولت الزين تبعد بس شدها له زياده
و نطق : اسف يا ابوي انتي والله موب قصدي و قسم الي قلته قبل شوي كذب احبش و لو توافقين علي بكون بـ اقصى مراحل سعادتي بس انا ما ابيش تقولين عني خفيف يا رجعان قلبي والله موب قصدي اسف لو الاسف تكفي