*|📖|:طحت بغرامك، واناطبعي، ثقيل:*
*|🔢|:☟البـــ{الثلاثون}ـــارت☟*
➖➖➖➖➖➖➖➖➖
صالح بن حمد يقول:
"دوّري لي كل ما دمعك على خدك سال
دوري لي..وازهلي من يمسح الدمعة بيدينه.
فلاش باااك
قبل ثنيان يروح القسم
رجعوا نجد وثنيان بيتهم وجلسوا ب الصاله لحالهم
نجد لفت على ثنيان شافت انه سرحان ومو يمها : ثنيانووه وش فيك سرحان حتى انك مارحت دوامك اليوم
لف لها ثنيان: الحين بروح لا تستعجلي على عمرتس
نجد: هههههههه مو هذا قصدي بس شفتك سرحان ومو يمي
ثنيان : يعني شردت شوي
نجد: ثنيان ترا انا اختك بعد مو بس اريج ليه ما تحب تقول لي وش فيك
ثنيان بضحكه: ليه وانا وش فيني
نجد: مادري حالتك مو عاجبتني
ثنيان: تطمني بخير واحلا مايكون والله
نجد بغمزة: اي عشانك شفت الحب هااااه
ثنيان يحك شعره من ورى وبضحكه: اي حب واي خرابيط
نجد ب ابتسامة: ع بالك انا مو ملاحظة نظراتك غلطان ي اخوي والله ان انا ملاحظة ويمكن أكثر منها هي
ثنيان تربع: تهقين هي حاسه فيني
فزت نجد بتصفيق: هييييييييه طلعتها طلعتها
ثنيان: وش طلعتي
نجد: الكلمه منك يعني تحبها صح
ثنيان بضحكه: وانا اقول وش فيتس اقول اجلسي اجلسي الله يصلحتس ماحد يجلس مع بزر ويحكي له الا انا
نجد: مالت عليك بس تراني بعلمها عليك واخليها تكرهك وانت تشوف
لف لها ثنيان: ش..شنو
نجد بضحكه: ماتت الولد من الخوف اقول رح ل عملك رح القسم ب انتظارك حضرت اللواء ثنيان ولد محمد ال جدي هههههههه
ثنيان يطق راسها بخفيف: مادري متى تعقلين
نجد: زوجوني واعقل وتشوفون
ثنيان: يعني ادور لتس على عريس
نجد: عليك نووور اي دور لي وحتى انا بروح اخطبه لا يجي هو
ثنيان بضحكه: اي ما طلبتي شي اشوف لتس اي حد من الشارع واجيبه
نجد تدفعه يطلع: رح رح انا اصلآ شايفه لي عريس حليوه بالمول وانت بس تطلع بروح اخطبه
ثنيان: خلاص تم يلله انا رايح وقولي ل امي يمكن اتأخر الليلة لا تحسبوني معاكم بالعشاء
نجد: ليه وانت مو من عوايدك تتأخر بالقسم
ثنيان: مو بالقسم معزوم
نجد بغمزة: اوووووه لايكون ببيت الحب
ثنيان: لا بس مع عبدالله
نجد ماتدري ليه فز قلبها ل ذكره: هااا اجل يلله توكل
طلع ثنيان: خلاص طلعت وش فيتس
نجد: ولاشي الله معاك
راح ثنيان دوامه ونجد رجعت البيت
نروح المستشفى نشوف نواف
ابو نواف: اليوم سجلوا لك خروج
نواف:اي الحمدلله
الهنوف: انا بسبقكم للبيت عشان اجهز غرفتك
نواف: مع من بتروحين
الهنوف: عمر هنا بروح معه
نواف: تم وحنا شوي ونجيكم
الهنوف: تم يلله مع السلامة
ابو نواف: فمان الله ي بنيتي
طلعت الهنوف متوجه ل بيت ابو نواف مع عمر...
نرجع بيت ابو عبدالله..
أنت تقرأ
|📖|:طحت بغرامك، واناطبعي، ثقيل:
Romanceروايتي تحكي عن مجموعة أبطال مو اثنين بس ،فيها من الحب والعاطفة وفيها من الاكشن والمشاكل وفيها من المرح والفرفشه والتعب والألم والانكسار ، لخصت روايتي بهالاسمكثير بيكرهون بعض وبعدها يحبون بعض والبعض بايكابر على الحب ويعترف ب النهاية مو كل حب نهايته ف...
