قواعد الجنس العشر 🔞

🔞7

💥 قواعد الجنس العشرة 💥
بقلم: Basma Mokhtari & Nohaila Atzli
الفصل الأخير 🌃 الليلة الأخيرة 🌃
بارت 61:
رجعت لدار باها و طلعت للبيت لي كان الشاهد على الجريمة لي ارتكبت لقات كلشي فبلاصتو واخا كيبان أنه البوليس كانت هنا و غدي يكونو جمعو الدلائل.. تفكرت البرة لي ضربت بيها مارك بلي مكايناش و هنا طاح ليها فالركابي غدي ياخدو البصمات و يعرفوهم دياولها
جلست على طرف الناموسية و الرعدة شادة فيها شوية صونا تلفونها و ضارت دغية كتقلب على المصدر ديالو لقاتو طايح فالأرض هزاتو و بقات شاداه حايرة واش تجاوب مريم ولا بلاش و لكن هدي المرة المليون تصوني عليها الا مجاوبتش غدي تخلع عليها و دير قربلة
فتحت الخط بدون ما تجاوب مخلياها هي تهدر
مريم بصوت مخلوع: ياسمين؟؟ فينك اصاحبتي؟؟
ياسمين بالسيف كتحرك شفايفها: I am home ( أنا فالدار)
مريم: أنا عند الباب فتحي
قطعت معاها مبغاتهاش تجي دابا و لا من بعد بغات تبقا بوحدها حتى تعرف شنو دير و كتفضل تحتفظ بلي وقع لنفسها واخا مريم بحال ختها مقدرتش تزعم تعاود ليها و لكن دابا فين جات و غدي تقابل معاها وجها لوجه تقدر تنهار قدامها
هبطت كتمشي ببطء بحال الزومبي فتحت ليها و بدون لا سلام لا كلام مشات جلست فوق الكنابي و مريم كتشوف فيها مستغربة.. سدت الباب و جلست حداها
مريم: مالك اختي كتباني مصدومة؟ خلعتيتي عليك من البارح و انا كنتاصل بيك و هاد الصباح جيت عندك شي جوج خطرات
ياسمين غير ساكتة و كتشوف فالخوا
مريم ضورت عينيها فالصالون لي مقلوب كلو: مال هنا مرون؟ it looks like a crime scene ( كيبان بحال مسرح الجريمة)
ياسمين نطقت فجأة : is it that obvious؟ (واش باين)
مريم: واش كان عندك شي حد هنا؟
ياسمين كتهدر و هي ساهية قدامها: they were many ( كانو بزاف هوما)
مريم: ممكن تهدري عادي بلا ألغاز؟
ياسمين ضارت عندها و ضحكت: I had a damn crazy party (درت حفلة مجنونة)
مريم: how come I wasnt invited؟ ( و كيفاش معرضتيش عليا؟)
ياسمين: it was just for me and Marc, we celebrated our separation ( كانت غير بيني و بين مارك احتفلنا بطلاقنا)
مريم: اااه عاد فهمت عرضتي عليه و جا بكل وقاحة.. برافو
ياسمين دمعو عينيها: no he was so gentle, I don't deserve him ( بالعكس.. كان ظريف بزاف أنا مكنستاهلوش)
مريم: لا هو لي مكيستاهلكش and you need to get over him he is not the end of the world ( و خاصك تنسايه عليك هو ماشي نهاية العالم)
ياسمين: you don't understand.. ( نتي مكتفهميش..)
قاطعتها: yes I do! you need to move on with your life find another guy.. someone that values you ( أنا فاهمة! خاصك تكملي فحياتك و تلقاي راجل تاني يعطيك قيمة!)
مبقاتش تجادلت معاها و خشات وجهها بين ايديها.. طبطبت مريم على ظهرها.. خلاتها تفكر فهدرتها و مشات فحالها
بقات بوحدها داك النهار كامل لا ماكلة لا راحة غير جالسة فالصالون و كتستمع لأفكارها كتسنا شنو غدي يطرا من بعد واش غدي يكونو البوليس شاكين فيها و كيتسناو غير مارك يفيق و ياخدو شهادتو باش يحبسوها
فالاخير رجعت فكرت فأول فكرة طاحت فيها و هي تهرب تسمح فكلشي و تهرب لشي بلاصة ميعرفها حد مشات ليها و لكن فين؟
ناضت بالزربة متوترة طلعت للبيت جمعت لباسها و الفلوس لي غدي تحتاج و گاع الحوايج الغالية و الضرورية و هي خدامة كتجمع صونا تلفونها.. بانت ليها نمرة الصبيطار و هي تخلع
جاوبت مترددة: Yes؟
الطبيب: Mrs Jonas congratulations your husband is awake ( مدام جوناس مبروك عليك راجلك فاق)
غير قالها طاح التلفون من ايدها كان كيصحاب ليها باقي معطل باش يفيق و دابا هي مشات فيها ديال بصح مارك غدي يديكلاري بيها و هي مغديش تلقا الفرصة باش تهرب
خلات الطبيب يهدر يعيط ليها من التلفون و هي حالة فمها حايرة شنو دير الا مشات عندو غدي يشدوها البوليس و لكن غدي يكونو متتبعين تحركاتها الا مشات للمطار غدي يتبعوها و الا قطعت فالطيارة غدي تطلع ليهم فهديك الساعة
بعد تفكير طويل و صراع داخلي قررت تمشي و لي ليها ليها حتى الا شدوها غدي تاخد أحسن محامي و تخرج منها كالشعرة من العجين و يمكن هاد الزيارة غدي تخدم لصالحها و تحيدها من الشبهات
طرفت حالتها لبست لباس عادي و دارت مكياج خفيف تحيد بيه شحوب وجهها و علامات التوتر و الخلعة و تنفست شهيق زفير عاد خرجت متوجهة للصبيطار لمارك لي خبر فياقو خلاها تخاف بدل ما تفرح💥 قواعد الجنس العشرة 💥
بقلم: Basma Mokhtari & Nohaila Atzli
الفصل الأخير 🌃 الليلة الأخيرة 🌃
بارت 62:
وصلت للصبيطار و قلبها كيضرب هي بغات تجي و لكن فنفس الوقت كتفكر دير بناقص و تمشي لبلاصة أخرى ساعة فات الأوان هي دابا حطت رجليها فالصبيطار و لا مجال للتراجع تعرض ليها الطبيب المتكفل بمارك  و ابتسم بواحد الطريقة دخلت فيها الشك
بادلاتو ابتسامة متوترة: good evening ( مساء الخير)
الطبيب: good evening Mrs Jonas your husband is waiting for you ( مساء الخير مدام جوناس راجلك كيتسنا فيك)
مرتاحتش للنبرة لي كيهدر بيها و ولا كيدخلها الشك حاسة بلي شي حاجة ماشي هي هديك.. دخلت معاه للشومبر الخاص بمارك شومبر خمس نجوم فيه بالكون كبير كيطل على جردة الصبيطار كيبان بحال شي سويت ديال شخصية كبيرة و مهمة و كان هو ناعس فوق السرير الطبي و كيشوف غير قدامو بحال الا هي مكايناش
الطبيب: Mr Jonas your wife is here and I am going to stay here until the cops come ( سي جوناس مراتك هنا و انا غدي نبقا هنا حتى تجي البوليس)
ياسمين غير سمعت البوليس وقف قلبها و صرطت ريقها: why they are coming؟ (علاش جايين؟)
شافتو سكت و هي ترجع تهدر كنوع من التبرير مبغاتوش يشك فيها ولا يحس بتوترها: I mean my husband is still recovering and he can't speak now ( بغيت نقول زعمة راجلي باقي عيان و ميقدرش يتكلم)
الطبيب: yes but they have to talk him the sooner the better ( اه و لكن من الأحسن يهدرو معاه فأقرب وقت)
مارك ضار عندهم:I am ready to explain everything to the cops and I want my wife outside for now ( أنا مستعد نشرح للبوليس كلشي و بغيت مرتي تكون برا دابا)
زادت تخلعت أكتر ما هي مخلوعة و خرجها الطبيب بلاما يخلي ليها الفرصة تقول شنو عندها أصلا مكاين ما تقول ليه و الطبيب معاهم و دابا جات لحظة الحقيقة اللحظة لي كانت منتظراها من البارح.. 24 ساعة دازت عليها فالجحيم بين تأنيب الضمير.. الندم.. الخوف و الترقب
جاو البوليس و دخلو لعند مارك قدام عينيها و قلبها كيضرب بواحد السرعة خارقة بقات كاتمة أنفاسها طول وقت الاستجواب و ما خرجاتو حتى خرجو هي عند بالها غير يخرجو يحطو المينوط فايديها و ياخدوها للتحقيق ساعة وقع الغير متوقع مشاو فحالهم
الأفكار ياخدوها و يجيبوها ما بقات فاهمة والو.. دخل الطبيب عند مارك شوية تاني رجع خرج لعندها و قاليها بلي مارك باغي يشوفها.. هي هنا تبلوكا عقلها شنو كيدير مارك و لاش باغي يوصل بهاد الحركات؟
دخلت مترددة و بقات غير هي و هو الراس فالراس
نطق فجأة: black widow you came ( الأرملة السوداء جيتي) ( ضحك بطنز و كمل هدرتو) كنت كنسمع بلي أنثى العنكبوت كتقتل راجلها و دكشي علاش كيسميوها الأرملة السوداء
ياسمين وقفت قدامو و هدرت بجمود: اه كتقتلو فين تحصلو يخونها ( كتهدر و تعابير وجهها خالية من الندم)
مارك جمع الضحكة و هدر بجدية: نتي مريضة و خاصك تعالجي
ياسمين: حيت قلت الحقيقة وليت مريضة؟
مارك انفعل : اشمن حقيقة و اشمن زفت؟؟ باز لدمك البارد! كيفاش حتى تجرأتي و درتيها؟؟ دابا بسبابك تشللت!! بسبابك عاجز و ما قادر نوقف و نشد ديلمك نشبعك تصرفيق و ضرب حتى تعرفي شنو كتسواي عندي!!
ياسمين بقات جامدة كي الصنم مكترمش كلامو ما بدل فيها والو و مازال زايدة فيه و كان جوابها مستفز:I know we weren't perfect but I never felt this
way with no one and I just can't imagine to live without you.. I had to kill you although I didn't have the courage to let you die.. I know that I missed up but you should know that you are mine and I won't let you go that easily! (عارفة علاقتنا مكانتش متالية و لكن أنا معمري حسيت بهاد الاحساس مع حد آخر.. أنا منقدرش نتخيل نعيش بلا بيك كان عليا تقتلك و لكن ملقيتش الشجاعة الكافية باش نخليك تموت.. أنا عارفة بلي درت غلط كبير و لكن خاصك  تعرف بلي نتا ديالي و مغديش نخليك بهاد السهولة)
مارك: واش سامعة راسك شكتقولي؟؟ فوعيك نتي؟؟ فراسك بلي ندمت علاش قلت للبوليس بلي نتي ما درتي والو أنا لي بغيت ننتاحر و حقنت راسي بالسم كان عليا نقول ليهم بلي مرتي السايكوبات هي لي قتلتني و أنا ناعس حداها! هوما كانو شاكين فيك من الاول و دابا الشكوك تحيدت منك بسباب اعترافي و حتى الطريقة باش هدرتي مع 911 خلاتهم يقولو مع راسهم بلي وحدة كتبكي بهاد الحرقة و باغية تعتق راجلها مغديش تتجرأ تقتلو مفراسهمش بلي نتي تقتلي القتيل و تمشي فجنازتو!💥 قواعد الجنس العشرة 💥
بقلم: Basma Mokhtari & Nohaila Atzli
الفصل الأخير 🌃 الليلة الأخيرة 🌃
بارت 63:
ياسمين زادت قربت منو: غدي يسمعوك كتغوت و يقولو كاينة شي حاجة بما أنك نتا دافعتي عني كمل اجرك ومتغوتش عليا باش ما يشكو
مارك: كانت اغبى حاجة درتها فحياتي نتي متستاهليش
ياسمين: ايوا علاش درتيها؟؟
مارك: حيت انا لي باغي نعاقبك و مغديش نخلي حد آخر يعاقبك و حيت باباك وصاني عليك عند بالو نتي ملاك مكانش شايف حقيقتك
ياسمين: أنا هي أنا معمري تبدلت حاجتي منبغيهاش تكون لغيري و نتا حاجتي امارك
مارك: شفت حتى عييت فالسايكوبات بحالك عمرو داز عليا و زيدون اشمن خيانة كتهدري عليها؟؟ أنا فين عمري خنتك؟؟ ياك كلشي عارفاه و قابلة بيه؟؟
تحنات عندو و هدرت بانفعال: صاحبتي امارك؟؟ من بين گاع البنات ما بانت ليك غير البيست فريند ديالي؟؟
مارك: و أنا شعرفني هديك صاحبتك؟؟ فين عمري شفتها؟؟
بعدت منو و عينها على رجليه المغطيين و لي مكيتحركوش: مزيان فيك تبقا مشلول خلي الدودة لي فيك تبرد
مارك خنزر فيها: بالرب حتى سايكوبات
ابتسمت بحال الا بصح سايكو: admit it you love (غير گر نتا كتبغيني)
مارك: بغيت غير نعرف where  did you get the nerve (فين لقيتي الجرأة) باش تشري سم قاتل بحال التيترودوتوكسين تحقنيه فجسمي؟ و نتي عارفاه كيقتل.. الطبيب قال ليا لو كانت تحقنت البرة كلها كون مت و لكن من زهري الكمية كانت قليلة.. علاش عتقتيني و عيطتي ل911؟
ياسمين: تنادم معايا الحال فاخر لحظة و مقدرتش نخليك تموت و أنا كنتفرج.. مارك انا سوري ( آسفة) اوك؟
مارك: اعتذارك مكافيش اياسمين نتي كانت فنيتك تقتليني
ياسمين: let me make it up to you ( خليني نعوضك على گاع لي درت فيك) ( جات بغات تقيسو و هو يخوي بيها)
مارك: متقربيش ليا
ياسمين: ok honey sleep well
مارك بسخرية: كيفاش غدي ننعس و نتي حدايا؟ مكنتيقش فيك وليت متوقع منك كلشي
ياسمين هزت كتافها: well get usted to it because I am not going anywhere ( ايوا تعود على هدشي حيت انا ما غادية فين)
مشات للبلاكار جبدت غطا و نعست فوق الكنابي بكل أريحية و متجاهلة نظراتو لي متبعينها.. و هو بقا شاد العسة طول الليل أصلا مجاهش النعاس مع من البارح و هو ناعس و منها نيت يبقا حاضي جنابو حتى صبح الحال و بداو الفرمليات يدخلو و يخرجو و الحركة برا عاد طمئن و غفى شوية
فهاد الاثناء فاقت ياسمين لي عنقت بسباب نعستها الغير مريحة مموالفاش تنعس فوق كنابي و خصوصا واحد صغير و بلا مخدة توسدها.. طلت على مارك بان ليها غارق فالنعاس و ناضت تمشا على رؤوس أصابعها باش ما تفيقو دخلت للدوش و هي فيه صونا تلفونها خرجت دغية تسكتو خوفا لا يفيق مارك لقاتو ناعس كي البيبي و خدات التلفون معاها للحمام
جاوبت بصوت خافت: وي مريم
مريم بنبرة حماس: صباحو النعاسة فيقي و قادي ليا الحالة جاية ناخدك معايا نفطرو عند البحر و من بعد نديرو شوبينغ اليوم مخصصاه ليك!
ياسمين: اممم مريم أنا ديجا خرجت
مريم: وايلي على خرجتي؟؟ يا ختي فين مشيتي مموالفاش ليك تخرجي بكري
ياسمين: اه خرجت نقضي غرض
مريم: شنو هاد الغرض؟؟ و مالك كتهدري بشوية بحال الا خايفة يسمعك شي حد.. ياسمين عندي احساس خايب متخبيش عليا نتي فين؟؟
ياسمين تنهدت باستسلام: أنا فالصبيطار
مريم بهلع: الصبيطار؟؟ علاش شنو طرا ليك؟؟