ကောင်းကင်တစ်ခွင်လုံး စိန်ပွင့်သဖွယ် တဖျက်ဖျက်လင်းနေသော ကြယ်များကြား ငွေစန္နာလမင်းကြီး ဝိုင်းစက်သာနေသည်။အချိန်အားဖြင့် မနက်မိုးသောက်ချိန် သုံးချက်တိတိ သာရှိသော်လည်း ရွာတန်းရှည်ရွာများမှ ရွာသူရွာသားများ ဖေကြီးကျော်ပွဲသွားရန် ပြင်ဆင်လှုပ်ရှားနေကြသည်။ပူပြင်းသော အညာနွေကြောင့် စောစောသွားရ၏။တပေါင်းလရောက်တိုင်း နှစ်စဥ်အမြဲကျင်းပသော ဖေကြီးကျာ်ပွဲတော်သည် အညာဒေသ၏ ရိုးရာဓလေ့ပွဲတော်ထဲကတစ်ခု။ကြက်များသည် အချိန်မှား၍ တွန်ကြူးနေ၏။
"အော်အီး...အီး!အွတ်!"
ညှိုးငယ်သောမျက်နှာဖြင့် အရီးလှသည် အညာချည်ပုဝါကို ခေါင်းပတ်ထာပြီး ဆေးလိပ်မွှာ၍ ကွပ်ပျစ်ပေါ်တွင် စောင့်စောင့်ထိုင်နေသည်။
"သား!လှလွန်ပို ယူသွားမယ့် ပစ္စည်းကို သေချာစစ်အုံး"
"ဟုတ်!အစ်မ"
"သားကလေး၊အိပ်ငိုက်နေသလား"
"မငိုက်ပါဘူးဗျ!"
နတ်ကွန်းပွဲမှာ တစ်ညအိပ်ရသောကြောင့် ချက်စားစရာများ ယူသွားရသည်။နတ်ပွဲလာသူများသည် ပန်းတော်ကျပန်း ရမှသာ နတ်ကွန်းပွဲလာတာ အထမြောက်သည်ဟု ယူဆ၏။
"သားကလေး!ပန်းတော်ကျပန်းကို ရအောင်ယူလာခဲ့ပါကွယ်၊ဖေကြီးကျော်ပွဲကို အစ်မအပျိုတုန်းကတည်းက သွားခဲ့တာ။သားကလေး အဘနဲ့ အကြောင်းပါပီးတောင် အတူတူသွားခဲ့တာကွယ်။နှစ်စဥ်နှစ်တိုင်းသွားခဲ့တာ။ဒီနှစ်မသွားရတော့ အစ်မ စိတ်မကောင်းဘူး။"
ဘုရားစင်ဘေးက ဝါးထရံတွင်ညှပ်ထားသည့် မနှစ်ကရခဲ့သည့် ရိုးတံသာကျန်တော့သည့် ပန်းတော်ကျပန်းကို အရီးလှ စိတ်မကောင်းစွာကြည့်၍။
"ဖေကြီးကျော်!သမီးတော်ကို ခွင်လွှတ်ပါ အဖေကြီး!သမီးတော်ရဲ့ ကျန်းမာရေးကြောင့်ပါ။သမီးတော်ရဲ့ ကိုယ်စား သမီးတော်ရဲ့ သားကလေးကို လွှတ်လိုက်ပါတယ်။သမီးတော်ရဲ့ သာကလေး ကိုလည်း မဆပေးတော်မူပါ။ ပန်းတော်ကျပန်း ရအောင် မဆပေးတော်မူပါ အဖေကြီး။"
စိတ်မကောင်းဖြစ်နေသော အမေဖြစ်သူကို ကြည့်၍ လှလွန်းပို အသနားပိုရသည်။ရှိတာမှ သားမိလေး နှစ်ယောက်ထဲ။အမြဲသွားနေကြ ဒီနှစ်မှ မသွားရတော့ စိတ်မကောင်း ဖြစ်နေမှာ။အမေ ကျန်မားရေး ဒီနှစ်သိပ်ဆိုးတာ။
YOU ARE READING
လက်ပံပွင်ကို သက်သေတည်၍
Romanceကိုခင်မောင်ကြီး+မောင်လှလွန်းပို လက်ပံရွာလေးတစ်ရွာဝယ်🌺🏕