عيناك قيدت قلباً كان بالأمس حراً

الفصل الرابع

الشركه

فهد :ميار نادي لي متعب
ميار:ابشر،ذهبت واخبرت متعب بأن فهد يبيه دخل متعب بأستغرب :ارحب بغيتني بشيء؟
هز راسه بـ اي:اجود وسعود ليه أخذوا اجازه اليوم؟ حتى الموظفه الجديده ما داومت
متعب بصدمه :ها؟... انت الي مفروض تعرف مب انا
فهد ياستنكار لنبرته : لا والله
متعب: اعتذر ما قصدت.. اتصل على اجود وسعود ما يردون بس ارسل لي سعود باليل انهم ما يقدرون يجون واني اخذ لهم أجازه
فهد بتفكير:اممم مشكور تقدر تطلع
هز راسه وخرج ودب القلق في جسده على اجود وسعود

منزل الجد هشام

نهى ببكي :يمه وين حسام ليه معاد يجي على بيت جدو
تنهدت ناهد :ليه تبينه يجي مو هو يعصب عليك وانتِ تخافين منه؟
هزت راسها بالنفي :لا ما يعصب عليّ وانا ما اخاف منه ابييه يجي علينا اشتقت له مالي دخل ابيه يجي... وبكت بقوه
رفعت يدينها وسحبتها وضمتها تمسح على ضهرها: يا عيوني انتِ حسام سافر بععيد بس يجي قولي له لعاد تسافر تمام؟
ونطقت من بين دموعها :لا لا ما ابيه يجي انا اكرهه ليه يسافر وانا ما ودعته ليه؟
حوقلت ناهد فإنها تعرف نهى اذا تعلقت بأحد ماتبيه يروح عنها تخاف الفقد مثل ما فقدت ابوها تخاف تفقد احد ثاني

منزل مهند

آمنه؛ مناف يمه مناف
خرجت مناف من غرفتها :عيوني امها انا... وش بغيتي يالغاليه أمري
آمنه بضحكه :للصدق كان ودي اهاوشك بس كلامك ذا شفع لك
ضحكت مناف ونطقت وهي تغمز :يمه لا تصيرين خفيفه حتى كذا تسوين يوم يغازلك مهند اغا؟
بققت عيونها بصدمه ولفت تدور شي تضرب فيه مناف
ضحكت مناف وفزت تسلم على راس امها :المعذره والسموحه منك يالغاليه

هادي

دخل إلى مكتبه عبد العزيز
هادي :بضحكه خير خير مافي احترام دق الباب يا شيخ
عبد العزيز بملل: اعتبرني دقيته... شوف يدي وش تحتاج
فز هادي وامسك يد عبد العزيز بصدمه تأوه بألم ونطق وهو يغمض إحدى عيناه بألم :شوي شوي على يدي يا هاديي
هادي وهو يشيل الشاش الي لفه عبد العزيز لجل ضرب طلال بقق عيونه بصدمه وهو يرى  تورم يد عبد العزيز :مجنون انت... علامها يدك ليه كذا؟
لف يده يناظرها وضحك بخفه وهو يتذكر منظر طلال : مافي شي... بسيطه
هادي:اي بسيطه يرحم والديك؟عبد العزيز :تعالجها والا اروح اشوف دكتور ثاني؟
هادي وهو يرمقه بطرف عينه :روح على دكتور ثاني
عبد العزيز :خلص خلص... عالجها وانت ساكت
هادي :لا تتمنن عندي لا اهفك بذا المحلول
عبد العزيز بضحكه :هفني واصير غير مرئي واسرقك
هادي :اقسم بالله منت صاحي
عبد العزيز :لو اني صاحب ما جيتك واكمل في سره لو اني صاحي ما جيتك صدق لاني ادري انك بتنبش ورا تورم يدي واختك تلقم يوم انك تدري
هادي :خلصنا،ابتسم عبد العزيز: مشكور ما تقصرت
هادي :حياك

منزل الجد خالد

مريم بحزن :وش صار معكم؟
سعود :ما صار شيء مالها أثر
مسح الجد على صفائح وجهه بتعب وارهاق فزت مريم للباب عندما دخل سلمان وعناد ومعهم محمد، ارتمت في حضنه واجهشت بالبكاء مسح على ضهرها :لا تبكين قطعتي قلبي لا تبكين ياروح محمد لا تبيكن طالبك لا تزيدين جرحي
نطقت من بين شهقاتها :كـ.. كيف ما تبغاني ابكي وبنتي لها يومين ماهي موجوده حوالي.. تـ..تكفى يابو اجود شوف بنتي رجعها لي رجع بنتي لحضني
رفعها من أكتافها ونطق وهو يركز عيناه في عيناها الذابله :وعد مني لارجع بنتنا لك وهو بخير وصحه... بس انتِ شدي حيلك ولا تكسرين ضهري بتعبك
اخذها عناد لحضنه ونطق هو يطبطب عليها :حبيبتي يا أمي سمعتي ابوي لا تكسرين ضهورنا بتعبك وداد برجعها لك
التفت نايف لـ سلمان :وين البنات؟
سلمان :دخلوا داخل من جا محمد... شوف ريوف تحتاجك الحين... وخلي الترف والريم يطلعون لي بالمطبخ
هز راسه ودخل للبنات :فزت ريوف له وضمته وبكت بضعف بكت على حال اختها على تدهور صحه امها على تعب ابيها على تشتت عيال اختها وضياع عيال اخوانها بكت وهي تشوف القلق والخوف بعيون بنات اخوانها تنهد ورفع نظره لـ الريم و الترف: سلمان يبيكم بالمطبخ
هزوا روسهم وتوجهوا للمطبخ وهن حقاً يحتاجن سلمان بذي الأوقات تجمع الدمع في مغيله عيون الريم وهو تشوف سلمان متكي بضهره على الباب ويزين ثغره بطيف ابتسامه باهته ركضت له وضمته وسمحت لـ شهقاتها بالتمرد لـ دموع عيونها بالنزول تسمح لـ بحر عينها بالأفاضه، رفع نظره الترف" وتمتم تعالي انتِ بعد "
هزت راسها بالنفي ونطقت :ما ابي
هز راسه ونطق: الا تبين تعالي
شهقاتها اخترقت مسامعه اغلقت عيناها وركضت له ضمته بانكسار  وبكت بقوه ونطقت بلعثمه :تـ تكفى سلمان تكفى رجع لنا وداد تكفى من راحت وداد انـ.. انطفى ضي بيوتنا وحل مكانه الضلام والحزن
نطق وهو يضع فكه على راسها :بيوتنا ما ينطفي ضيها يا ضي عيوني انتِ.... وبنت عمه مريم بترجع ما عليك يومين بالكثير ونلقاها
الترف :وعد؟
ابتسم لاستجابتها له؛ وعد يا ضي دنيتي انتن