ظل اسير في قلبه و نهر يسر في عينيها

المقدمة

السلام عليكم 

هذي روايتي الاولى وان شاء الله تنال على اعجابكم 

الشخصيات :

الجد متوفي 

الجدة مريم:  عمرها 64  قلبها حنون تحب احفادها و اهم شيء هم بنسبه لها و لا ترفض لهم  اي طلب و اي شيىء خاطرهم فيه تنفذه لهم و لا فيه احد يكرهها من جيران من صديقات الكل يحبها لها قبول خاص ساكنه ب نجد العذية ببيت كبير ومعها عيالها 

 عيالهم:

خالد :عمره 44 متزوج عنده بنت و ولد  اخذ من هيبه ابوه و حنان امه ساكن بالجنوب وتحديدا الباحة بسبب شغله 

طيف زوجة خالد:  عمرها 43 محبوبه الكل ما تضر احد و كافه شرها عن الناس قريبه من عيالها مرره صايرة كانها صديقه لهم مو بس ام 

عيالهم

مرام:  عمرها 20 جريئه مرره الحيا عندها معدوم شوي عندها طاقه عالية الكل يحب يجلس معها لي انها تعطي جو تخلي اللي زعلان يرضى  و الي منفس يروق غصب من فصلاتها و حركتها 

ماجد بطل قصتنا: عمره 22 محبوب الكل مع ان شخصيته هاديه و قويه وله هيبه و جيته يحسبون لها الف حساب و لا اي واحد يقدر يعرف شخصيته بشرته حنطيه و طويل  شعره اسود و عيونه لونها  بني غامق 

فيصل: ثاني عيال الجدة مريم عمره 42 عنده بنتين و ولد وزوجته توفت قبل سنه ساكن مع امه 

عياله

بيان : من اقرب الناس لي مرام عمرها 20 اذا اجتمعوا هي ومرام يصير اقوى فله و وناسة  بس بعد ما متت امها انطوت شوي و خف خبالها و صارت اهدء من قبل صح لسه تسويلهم جو مع مرام لاكن اخف من قبل 

بيسان: عمرها 18 اخر سنه بالثانوي وشايلة هم التحصيلي و موت امها اثر عليها شوي بس قررت انها تتحدى الصعوبات وتتخطى شوي عشان يكون لها مستقبل  شخصيتها ثقيلة شوي 

محمد: عمره 22  واقف مع ماجد بكل مشاكله معه سوا بخير ولا شر قريب منه مره 

فهد: ثالث عيال الجدة مريم  عمره 25 لسه ما تزوج بس خاطب  بنت جيرانهم غيم و عرمها 24 وينتظر ياثث بيته عشان يملك و يحدد يوم زواجه وراح نعرف قصته مع زوجته مع الايام  وقريب من عيال اخوانه بالحيل 

امل: اختهم الدلوعه اللي مايرفض لها طلب عمرها 23 و اخوها فهد هو اكثر واحد قريب منها صح تحب كل اخوانها بس فهد اقرب واحد لها و تحب بنات وعيال خوانها وقريبه منهم و معتبرتهم اصحابها  مو بس عيال اخوان 

باقي الشخصيات راح نعرفهم مع الايام 

اجازت الصيف بدت و مققريين يروحون للمزرعة  اسبوعين  الكل مجهز اغراضه من اسبوع من الحماس بس اللي دايم مئخرهم ورافع ضغطهم فهد بارد ولا مجهز شيئ كل ما قالوله يلا اجهز يقول باقي وقت لسه لما جاء اليوم اللي بيمشون فيه 

الجدة مريم بالصاله  تتقهوى جتها امل 

امل : ماما متى بنمشي ولهت للمزرعة مرره 

الجدة: لسه ننتظر خالد

امل: الحين ليه ننتطره ليش ما نروح ويجينا هو هناك 

الجدة : لي ان السيارات ماتكفينا حنا واغراضنا فهد سيارته بالورشة خربت عليه امس و مافية الا سيارت محمد و فيصل وكلهن صغار و اغراضنا واجد 

امل: طيب خالد وينه مطول؟

الجدة: الحين انتي وش معجل فيس مردك بتروحين و تملين منها بنجلس هناك اسبوعين و اصلا ماراح انروح الا العصر حتى لو جاء خالد الحين ترا الساعه 11 يعني مطولين انتي روحي بس شوفي فهد جهز ولا لا 

امل استانست لي انها تحب تتمشكل معه وتستمتع اذا نرفزته

امل : طيب و هي ترووح ركض لفوق عند غرفته وهي تضحك طقت الباب وهي تدخل بدون اي جواب 

امل : وجع وش ذا برد كيف عايش انت ثلاجة موتا والله مو غرفه اوادم وبعدين انت كيف عايش بظلام راحت لسريره وكان منسدح على جواله ولابس سماعاته ولا هو داري عن اللي حوله

امل: هيييي يا ابوي انت الوو تسمعني انت و اتاشر بيدها عند وجهه 

انخرش و فز من مكانه : بسم الله انتي من وين رسبنتي

امل : وش رسبنت ذي المهم ماالي بكلام حقين الالعاب ذا الحين خلصت اغراضك و لا تنتضرني عشان ارتبهم كل عاده 

فهد: الله عليك ذكرتيني اساسا ناسيهم بالله رتبيهم لي 

امل: لا ياشيخ احلف فاضيه لك انا اخ الله يعينك يغيم الله يكون بعونك انا اسفه لها الصراحة شكل بنصحها نصيحه تشكرني عليها الى ما تمووت وضحكت و بسرعه انحاشت بعد ما قام فهد من سريره بعد ما فهم قصدها انها بتشوش غيم عليه كان بيصفقها بس انحاشت جلس على سريره وهو يبتسم ل مجرد انقال اسمها و اخطرت على باله