Last Devoted ( Mafia )

Last Devoted - 11

                     Chapter - 11

LAST DEVOTED

BY - GRAPESY

( MAFIA|| ROMANCE )

" I dawn tawi lua a ni Abigail, thi ta la Alistair chhungkua hi engtin nge a awm tak ang? "

Chu âw ka hriat rual chuan ka taksa a peng tam tam tak thi mek te chuan damna an rawn chang ťha leh ni mai ang hian ka hria a, ka mit ka men rual a mi hmuh vang chuan rang takin ka chhing leh a.

Ka dawn tawi zia ka hre chhuak a, keimah chauh ka lo in hmangaih a ni tih ka hre chhuak bawk, ťullo zet ah na ka in siam a, Alistair chhungkua ka hum hman lo ťhelh a ni.

Ka meng leh siar siar a, ka awmna hmun chu damdawi in a ni tih ka hre nghal a, ka dar na ut ut kan en nak chuan tuam luk alo ni a, ka ban ah venflon an vuah bawk a, ka lu a na nghalnut ut bawk.

" Ka tihpalh Abigail " a kâ aťang in he thu hi a chhuah ka beisei ngailo, hun kallai te chu an chawl ťhuap a, Raphael thawk la ri leh hak ťhin tihloh chu thawm dang a awmlo.

Keimah chauh ka lo in ngaihtuahna lam ah thil pawi tak a thleng a, keimah vek ka in ti na leh bawk a, a tuartu ka ni leh zel bawk. Ka naute ka ngaihtuah chhuak a, tunah hian enge an lo tih ve ang, Raphael thu ka awihloh a amah kalh zawng a ka awm leh zel a nih chuan ka naute chuan din hmun ťha tak an nei thei ngai dawnlo.

Alistair chhungkaw in nghah ka nihna ang in hei tal hi chu ka tuar chhuak tur a ni.

" Abigail "

Raphael bawk chuan a rawn ti leh a, ka ngaihtuah chang hi chuan a phur rit thlen tu mai ka ni hian ka hre ťhin.
Hun rei tak kan la awmdunlo a, mahse reilo te chhung pawh hian buaina ka thlen ťeuh hman tawh thung.

" Abigail " Raphael vek chuan a rawn ti leh a, amah lam ka hawi chuan chiang zet hian min rawn en a " Ka tihpalh " tih bawk chu a sawi leh tawh.

Chhan let dan ka hrelo a, a in thiamlo leh tih zawng chu ka hriat chhun a ni
" Min ngaidam rawh, i ťhianpa pawh ka chhuah tawh " a rawn ti leh pawh chuan chhan dan ka la hrelo cheu, keimah vang a atlawm lai hmel hmuh hi nuam ka ti bik hauhlo..

Sakawlh leh misual tak anga ka loh ngaih ťhinna te kha tunah chuan a bo zo a, mi dang ten an hlauh em em kha ka tan chuan ka himna a ni.

" I lung a leng tih ka hria Abigail, ka dem hranlo che mahse kei min kalsan tum zawng chet i la leh a nih chuan..."

A ti a, a sawi tur pawh a sawi zawm theih lo " Ka chakloh na i nih hi Abigail " tih leh ka hmui a rawn fawh a rual a, ka thinphu a rang a ka mipa fawh hmasa ber leh tawpna ber tur a ni tih ka chiang a, alak ah ui reng nei thei ka nihloh zia ka hre thar bawk.

" Ka ta chauh i ni Abigail " a chawlh dat lai chuan a rawn ti a, zah avang in ka sa pup pup a, ka hmui zawn ah a thaw lum ham ham bawk.

Rawn kun hniam leh a tum lai takin a phone a rawn ri thut a, ui ru zet in a kal liam lai chu thlir a, hun reilo te chhung a he tiang khawp a ka pawh hman hi mak ka ti tawplo theilo, a tir kha chuan ka haw ngei mai, mahse tunah chuan a danglam tawh.

Ka duh em? Tih hrelo mah ila a engkim mai hian min hneh tih erawh ka hre thung, a rawn let har zek a, chu tih chhung chuan ka ngaihtuahna ka seng ťeuh hman a, thu awih tak leh tih nuam taka awm chu ka thupui a ni a , zah tak a biak a, ťha taka lo dawngsawn nen mahse ka zawm rei thei angem tih chu buaina a ni.

A rawn let chu ka bulah bawk a rawn ťhu leh a, a hmel hmuh erawh ka zak tlat thung, ka laih deuh ťut vang chuan awm ngaihna ka hrelo a, ka kutna lo lam in ka hmui chu kan han khawih leh zauh a, ka nui leh ver ver zel.

Lawm loh in ka khi ver ver a, a hmui mawlh ka lo mitthla lai chuan âw a rawn thian kharh a, a awm ve a ni tih hre leklo a ka thil lo suangtuah vang chuan ka zak chem chem a, in leh mai ka tum chu ka rak ťhat a, na ka nei tih reng ka lo hre chang tawhlo.

" Naupang fimkhur ta che " tiin Raphael chu a rawn tho kang deuh zawk a, a nat em vang chuan kei erawh ka ťhen tlawk tlawk a, ka lo in kap khanglang pawh kha ka i chhir rum rum bawk.

" I ťha em? " a rawn tih thum leh dut a, mi na tawrh lai alo ni vei nen, vin fahran hian " Tha hmel ka pu a mi? " ka ti chiam a, ka dan thar siam pawh ka bawh chhe nghal pang bawk.

A in thlahrung deuh chu a ding ngawi ngul a, a in cheina kan en chian nak chuan ka hmul thi te chu a rawn ding sung sung nimai hian ka hria, a kimis var hak ah chuan thisen tam tak a kai a, ka thisen tih lah hai rual a nilo.

" Doctor kan ko a nge aw? " tih leh chhuah a rual a, Sicilian Mafia Boss tu te pawh in an hlauh rawn leh an zah em em chaklohna ka ni mai chu mak ka ti a, kei hmeichhia satliah thinchhe tak laka a in phah hnuai viau hi mak ka ti bawk.

Thisen ka hlauh hnem em vang in ka lu a rawn hai chiai chiai reng a, men luih ka tum pauh leh ka mut chu a chhuak zawk nimai hian ka hre bawk.
Ka naute leh ka nu ka ngai a, an bul a thlamuang taka awm ka chak hle bawk.

Ka pa erawh ka huatna ala tawp theilo a, mahse kei leh Raphael min in tawn tir tu a ni lawi si. Ka tana khuarel zawng zawng ah hian lawm famkimlo mahila, a hlut zia ka hre thar thung.

Chiara ka ngai a, tun a thil thleng zawng zawng te hi hrilh ka chak a, a ťhian ťha ber he tia ka awm mai hi min hmu sela chuan, nat avang in a mittui a tla thei hial ngei ang.

( Hei bak ka ziak hman ta thlawtlo, hostel kan lut leh nghal dawn sia min lo hre thiam hram rawh u aw guysss )

To be cont..........