Last Devoted ( Mafia )

Last devoted

                    
Prologue -

                   LAST DEVOTED

Hmanlam pan a ka pen chhuah hma chuan thawk kan han la vang vang phawt a. Carpet dum maicham thleng a an phah zuar ah chuan zawi muangin ka kal a, mipuiin min hmuh rualin zi mur mur leh phun ri sep sep pawh chu a tawp zui a, an reh ťhup a, ka ke pen thawm chauhlo chu thawm dang reng a awmlo.

Ka thil hmuh engkim mai leh an thil buaisaih dan chu sawisel bo vek a ni a, an uluk hle bawk, ka mokawr hak chu mawi viau mahse ka tan chuan a rit hret a, kal a ti harsa lek lek bawk.

Veil vang chuan mipui tam tak min lo thlir mek tu te chu ka hmu chiang hlei theilo a, hmu chianglo mahila min ti zam lek lek thei thung. Engkim mai chuan duhthu an sam vel vek a, mahse ka zamna leh huhphurhna erawh in min kian san thei derlo thung.

An carpet dum hman te leh, ka sir a pangpar mawi tak tak an hun thliah thliah te chuan a ti ropui leh zual a, mipui chen in, hausa tak tak leh mi langsar tak tak chauh an ni tih a hriat theih.

Maicham lam chu ka hnaih zel a, nakin lawk a ka pasal la nimai tur Raphel Messina Denaro chuan dawhthei takin minlo nghak reng tawh bawk.

A mitmeng chu nidang ang bawk a chhiar thiam harsa tak ang kha ala ni reng a, enge thil chiah nge a ngaihtuah tih chu hriat harsa tak a ni, ka nalh le nalhloh thu sawi a neilo a, a mi melhna avang ringawt pawh chuan ka khur chhe lo chauh a, ka zam a, ka ke pente chu a buai nuaih lo chauh a ni. 

A bul ka thlen chuan ka thaw deuh hawk a, ka zam a ni tih chu thup ka tum buai hranlo bawk, a coat dum hak zet chu inhmehlo tih chi rual a nilo, khawvel a ka mipa hmuh tawh zawng zing a ťha ber ka mit ah chuan a ni ngei ang, kan bul ťan dan leh hunte hian zir se ka ti ngei mai. .

Inremna chuah nilo in, duh tak a in tawng dun ni thei ila, a hmangaih ber leh a chak lohna lai nih ka duh bawk.

Puithiam in thu a sawi zawh hnu chuan thu kan thiam dun ve leh a. Dam chhung leh thih hnu piahlam thleng pawh a, in ťhenlo tur leh engdin hmun ah pawh inťhen hranglo turin. Min ťhen hrang thei tu awmchhun pawh thihna chauh tiin. Kan tiam dun a, rei erawh a daih ka ring hauhlo.

Ka kut chu rawn la in zungbun chu min rawn bun tir a, chu zet chuan nupa leh pumkhat kan nih zia a ti lang chiang kher mai. Ka veil chu ka lu ata a la sawn a, rawn kunhniam in ka hmui ah tak chuan a vawikhat nan a fawp vang vang a, rei a ni hranlo mahse hun kallai chu an chawl ťhuap ni mai hian ka hria, ka lungphu a mumal lo a, ka tal buai lo chauh a ni, ka ding khawng reng a, Raphael chu ka melh kar bawk.

Lo dawngsawn dan tur tak ngial pawh ka thiamlo a, ka ding chawt a, ka khur nasa hle bawk, a in lak hran hnu ah pawh kei chu ka la pangai thei hauhlo. Ka hmui te chu a chhah tap nimai hian ka hria.