Last Devoted ( Mafia )

Last devoted - 6

Chapter - 6

BY - GRAPESY

( MAFIA|| ROMANCE )

" Lo ding lawk teh Abigail, sawi dun tur kan ngah in ka hria " tiin Raphael chuan min en reng a, min vawnna ka en rual in min thlah nghal a, kei pawh chuan sawisel miahlo chuan a bulah chuan ka ding zui nghal a, kan ngawih rauh ruah hnu chuan a rawn thaw deuh hawk in

" Ka nawr lui lo ang che, mahse ka nawr luih loh vang che a min zuam a nih erawh chuan I ti fuhlo ang, kei chuan fa neih chu pawi ka ti tawh hranlo, kei ni ang tan chuan engtik lai pawh a kah hlum theih leh hrai hlum theih reng kan ni a, lo thi pawh nila ka rokhawm tur leh ka hnungzui tu tur ka mamawh " a ti a, ka rin ai deih chuan sawi tur a hre phian mai. 

Amelia sawi ang tak takin Raphael chu a puitling a, in ngahna tlak tak pawh a nih ka ring, mahse fa neih lam erawh chu ka la ngaihtauh chhin miahlo a, rilru in kum ka la tlinglo tih min hrilh ve reng bawk a, a tan chuan fa hrin saktu tur leh a chakna hrik thlak na ang lek ka ni a, Mafia te khawvel ah hi chuan hmeichhe chan hi a sang lemloh zia ka hre thar bawk.

Chu tih rual in, a ni ber a thih chuan ka zalen thei ngei a nga, mahsela Sicily te nen a kan in zawmna a chat ngei a nga, ka naute lam thleng in nghawng a nei leh ngei ang.

" Ka hrelo le " tih chu ka sawi theih chhun a ni rih, rilru erawh chuan sawi tur a ngah a, sâwi chhuak tur erawh chuan huaisenna a neilo thung " Nghah I ngaih dawn pawn rei suh ang che " a  ti thum leh dut a, ti em em a fa awt te chuan nula dang mutpui in fa hrin sak sela ka lo ti leh thawt thawt tawh.

" Italy ah kher a mi kan awm dawn? " ka tih leh chuan " I tan Italy a him zawk, Unite state hi Ndrangheta lal ram a nia, Italy ah awm la I him zawk a " a ti leh mauh mai si, reilo te chhung in thil tamtak ka hre thar a, Chiara thil sawi ho pawh diklo leh dawt pakhat mah a awmlo.

Sawi hreh a neiloh dan ah ka-pa hna thawh ťhin ka hria tih a hre tawh phawt a, mahsela ka naute hian hrelo se ka duh ngei mai.

" A nih thlakhat ah vawithum tal tlawh ila " ka tih chuan min chhang lawklo, a in ngaigtauh buai ve te pawh a nia nge " Vawithum em em lo deuh pawh pawilo, ka naute ka ngai ve thei lutuk a " min chhan hra em vang chuan keimah zawk chuan kan ti kual leh vel a, Italy a awm chu peihlo tak ka ni, mahse he ti lam a kan awm lah in Chiara a man chhuak ang tih ka hlau leh lawi si.

Chiara khan Raphael in a puih thu a sawi langlo kha nia, ka tan pawh Raphael lak ah ka lei ka ven ťhat hle a ngai a ni, ka ťawng sual a nih veih chuan Chiara tan a pawi dawn emai.

" Ka hman chang chang in kan tlawh dawn nia " a tih chuan ka lo phur leh hawr tawh a, rin ai tak chuan a bulah chuan ka ťawng duh a, mahsela a amah a vawt a ni, a sawi chhun tawi viau ťhin mahse a nghet a, a thusawi ah a ding nghet hmel hle bawk.

" Naktuk tut tut a mokawr en kher a ngai a mi a? " ka tih chuan min en deuh ha a, a hre thiamlo em maw ni   " He lamah pawh a en ve theih tho a, ka pa in Italy kher a tia " ka tih leh chuan min en reng a, sawi sual ka nei emaw ka ti hman hial. A ngawih rauh ruah hnu ah.

" Naktuk ah Italy ah kan phei phawt a nga, I duh ber mokawr I thlang dawn nia, mahse tun tut tut lo deuh ah " a ti ve leh ta hram a, ka rin ang em em a sual leh rothap chu a nilo, nuilo mahse a rilru chu a chhe miahlo ang.

" Unau engzat nge in nih a? " ka tih deuh thut vang chuan min rawn en deuh ha a, a nui bawk silo nen kan nuih ta ringawt a, mahse min nuihloh chiang khawp mai " Panga(5) kan nia, mipa pali leh hmeichhe pakhat " a tih chuan, hriat belh chakna in ka khat leh tawh. Chiara eng ang in nge a hmuh tih te leh Salvatore chung chang nen.