"කට්ටියම එහෙනම් ටිකක් රෙස්ට් කරලා හවසට pool එක ගාව සෙට් වෙමු..."
කැස්බෑ සංරක්ෂණ මධ්‍යස්තානය බලලා ඊට පස්සෙ කට්ටිය හික්කඩුවේ තියන ප්‍රසිද්ධ තරු පන්තියේ හෝටලයකට එන්න පිටත් උනා... එන අතරේ එයාලා දවල් කෑමට restaurant එකකින් නවත්තලා කෑම ගත්තෙ එයාලා නවතින හොටෙල් එකේ කෑම වේල් තුන පටන් ගන්නෙ රෑ කෑම වේලේ ඉදන් නිසා...
"කීයටද පවිත්‍ර එන්න ඕනේ..."
Annual trip එකේ වැඩ සේරම පිළිවලට සැලසුම් කරන්න පැවරිලා තිබුනේ පවිත්‍රට නිසාම පවිත්‍ර හැම තැනකදිම මූලිකත්වය ගත්තා... කලින් ගිය චාරිකාවෙදි සිහිනයි පවිත්‍රයි දෙන්නම එකතු වෙලා හැමදේම plan කලත් මේ පාර සිහිනගෙන් කිසිම සහයක් පවිත්‍රට ලැබුනෙ නෑ, සමහර වෙලාවට පවිත්‍ර ඒකට සිහිනට විහිලුවට දොස් කිව්වත් සිහින ඉන්න පීඩනය ගැන වෙන විදිහකට හරි යම්තාක් දුරකට දන්න නිසා පවිත්‍ර සිහිනට මුකුත් කියන්න ගියේ නෑ...
"දැන් තුනයි...4.30 වගේ තියාගමු නේද සර්...ටිකක් pool එකේ ඉදලා හයට වගේ සෙට් වෙන්න පටන් ගමු... dinner වලට අටට වගේ ගියහම ඇතිනේ..."
"Ok then...I'm going to my room...enjoy guys..."
ශේනුකට ඕන කලේ එයාගේ සමාගමේ එයාලා වෙනුවෙන් සේවය කරන අයට නිදහසේ ටිකක් විනෝද වෙන්න අවස්ථාවක් හදලා දෙන්න විතරයි, ඒ ඇරුනම ශේනුකට විනෝද වෙන්න තරම් මානසිකත්වයක් වගේම උවමනාවක් තිබුනේ නෑ... ඉතින් පවිත්‍ර සැලසුම් කරපු විදිහට වැඩේ කරන්න එකඟ වෙලා ශේනුක කාමරේට යද්දි අනිත් අයත් එයාලට වෙන්වුන කාමර වලට ගියේ ටිකක් විවේක ගන්න...
"අනේ සිහින අද නම් බොන්න ලෑස්ති වෙන්න එපා හොඳේ..."
"ම්න්..."
"ම්න් නෙමෙයි...ඔයා දන්නවනේ බිව්වම ඔයාට වෙන දේ, අනේ මෙතන නම් ලැජ්ජ වෙන්න බෑ සිහින, මෙච්චර පිට මිනිස්සු ඉස්සරහා company එකටත් එක්ක ලැජ්ජ වෙන්න වෙන්නේ..."
"හරි බන්...කිව්වනේ එක පාරක්..."
සිහින සෙනුරියි බබයි එක්ක එයාලගේ කාමරේට ගියාට පස්සෙ සෙනුරි මුලින්ම කලේ සිහිනට බොන්න එපා කියන එක... දේශීය විදේශීය ජනතාවගෙන් පිරුන මේ සංචාරක හෝටලයේ සිහින බීලා පිස්සු නටයි කියන සාධාරණ බයක් වගේම ලැජ්ජාවක් සෙනුරිට තිබුනේ සිහිනගේ පෙර වැරදි නිසා... ඒත් ඒ උපදෙස් අහන මානසිකත්වෙක සිහින හිටියේ නැති නිසාම සිහිනට කේන්ති ගියා...
