معليش اتأخر بس اختبارات وطفشت ..
خلصت سهرتهم وكل واحد راح غرفته
ديالا وعبدالرحمن طلعوا لبيتهم .
عند عبدالله وافنان
افنان لفتت على عبدالله نطقت عبدالله
عبدالله: عيونه
افنان: تسلم ، وين كنت اليوم
عبدالله: مع ديالا خلصنا كم شغله
افنان : تمام ، ماودك تنقلع بنام
عبدالله: انقلع ؟؟ عيب زوجك انا
افنان : عبود يلا سريع ولله بنام
عبدالله: طيب اسمعي شرايك نخلي الزواج بعد اسبوع
افنان: لااا وي
عبدالله: اقول بس انا نااخذ رايك وطلع
افنان : مو صاحي ذا ، غيرت ورقدت ..
عند عبدالرحمن وديالا
ديالا دخلت البيت وشغلت الابجور الصاله وشمت ريحه حريقه دخلت المطبخ وشافت الفرن كان شغال ويطلع دخان اسود ركضت تقفله وصرخت الم من يدها حرقتها
عبدالرحمن الي سمعها وركض لها وشافها ، شالها على طول وداها الغرفه
طلع السطح ياخذ الطفايه ونزل بركض يقفل النار
راح لديالا وقال صاحيه انتي تقربين من النار ! ديالا بس قفلته كان مفتوح
قال انا شغلته بحمي البيتزا وش حطتي انتي
ديالا تذكرت يوم كانوا جالسين تحت بغرفه افنان راحت البيت تخذت سناكات وحطيت زيت داخل الفرن عشان مايصير فوق الزيت اشياء
قالت لعبدالرحمن وقال صاحيه انتي تحطين زيت بالفرن ! ديالا اي صاحيه وين تبيني احطه يعني وبعدين لاتصرخ خلاص
حتى انتا غلطان ليه تفتح الفرن وانت ماتأكدت بعد وراحت الحمام تبكي واخذت دش وغيرت لبست بجامه حرير لون وردي وفي ريش عند الكمام
طلعت من الحمام وانسدحت على السرير جنب عبدالرحمن وعطته ضهرها، عبدالرحمن لف وسحبها مع خصرها وقال اسف لاتزعلين
ديالا: بس ، قاطعها وققال اش قلت اسف نامي
حطت راسها بصدره وغفت .
تعريف اقارب ديالا
عندها ٦ خالات امها السادسه
سميه (اصغر خالاتها ومره قريبه منها عمرها ٢٢ حامل ببنت الشهر الرابع)
لمياء (حتى هي مره قريبه منها وتحبها وتسولف معها وتحب عيالها وعيالها بعد يحبون ديالا ومتعلقين فيها عمرها ٣٠ اصيل ثاني متوسط ديالا تحبه مره لنه يضحكها مره اوس عمره ٨ سنوات متعلق بديالا مره ودايم يرقصون ويطلعون مع بعض )
اماني ( عمرها ٣٨ علاقتها حلوه مع خالاتها بس وعايشه معها بالمدينه ودايم يتمشون مع بعض لنها تسوق ويتمشون عندها توام عمره ٦ سنوات وبنت عمرها ١٢ سادس )
شادن ( نفس الحاله مع اماني بس ماتحب بنتها الصغيره حور الصغيرت ثاني ابتدائي لنها مره مزعجه وحد يحبها ورفيف رابع ابتدائى حنونه وامهم الثانيه وتحب الصغار خالد ثالث ابتدائي)
عبير ( مره تحبهاا وتحب عيالها الصغار فهد عمره١١ اول متوسط مريض قلب تعبان وماجد ولدها الكبير متخرج من الثنويه حور اقرببب بنت خاله لها وتحبها مره عز اصغر واحد عمره ٤ سنوات )
خوالها
بدر اصغر واحد ودايم تتهاوش معه ويتفزرن بعض ومستحيل يتقابلون بدون هواش ودايم ديالا تترجاه يطلعهم ويسحب عليها عمره ٢٥)
سعود هو اكثرر واحد ديالا تحبه وقريبه منه مره ودايم يتراسلون ويطقطقون ودايم اذا سلم عليها يلف يدها وتبكي ديالا وعلاقتهم حلوه عمره ٢٨ وعنده ولدين احمد وتركي )
نايف حنون مره وهادي ونادر تشوفه عمره ٣٧ عنده بنت صف خامس
فهد مو مره قريبه منه يعني حدهم سلام وكم سالفه كذا اكبر واحد من خوالها وعمر ٤٣ عنده بنت عمرها ٢٣ اسمها رنيم واريام عمرها ١٨ واخوهم احمد الثاني عمره ٢٠ واختم الصغيره روضه
..
البارت قصير معليش بس كتبته على السريع 🙏🏻
ان شاءالله اعوضكم ببارت اطول بعد الختبارات
