في المستشفى:
ديالا وحولها عبدالله وأفنان وعبدالرحمن فهد
صحت ديالا: وصارت تبكي وتقول انا فين
عبدالرحمن مسكها وهداها قال انتي بالمستشفى بس اهدي
عبدالله وهو زعلان ومعصب طلع برا الغرفه ، لحقته افنان وقالت عبدالله شفيك
عبدالله: افنان روحي من وجهي لا اعصب عليك
افنان: عبدالله تكفى قولي شفيك اهدا لو سمحت ومسكت يده بدون تحس
عبدالله ناظر بيدها الي ماسكه يده وقال اهخ وش سويت انا مين ذا احمد وليه قال زوجتي افنان بعديي !!
افنان: ولله العظيم معرف عنه ولاشي غير انه خوي اخوي ولله
عبدالله:واختي وش عرفها عنه وشفيه ولله العظيم ان ماسكتها وماخليتها تتكلم كانت ببتتكلم ودخل المروح
فهد : ديالا مين ذاك وشسالفه انت وهي
ديالا: صارت تبكي اكثر
عبدالرحمن: نزل راسه وقال بعلمك بس موقته الحين
طلعوا من المستشفى
في البيت ام عبدالرحمن وجدته ام ديالا
اول مادخلوا البيت الحريم قاموا
الجده : بسم الله عليكم شفيكم مختفين وينكم !
ام عبدالرحمن: افنان وش تسوين بالمستشفى
الكل ناظر بافنان وقالت اااءء وشو
ديالا : انا اخذت مغذي انعديت من عبدالرحمن
إم ديالا تعالي يابنتي بسم الله عليك
ديالا : لا بطلع بيتي ولله بنام راسي مصدع
وطلعت ديالا ، وافنان راحت غرفتها عبدالرحمن جلس شوي مع جدته
فهد راح لبيته
اما عبدالله لحق ديالا ومسكها مع يدها وقفل بابا البيت وقال الحين اهرجي لي وش السالفه لا اقتلك
ديالا: طيبببب خلاص فكني !!
عبدالله سحبها وجلسها وجلس قدامها ونطق يلا
ديالا: بدت تبكي وقالت بس انت مو صاحي وبتسوي شي له وبتنجن وتزعل وكلشي
عبدالله وهو يناظرها وخايف يوعدها مايسوي شي وينصدم مايدري كيف يمسك اعصابه
ديالا: طيب احمد خوي عبدالرحمن واحمد طلع وصخ وهو رايح المطبخ لمح زول افنان وخق عليها ورجع المجلس اخذ جوال عبدالرحمن وحفظ صورتها والحين صار يهدد ب عبدالرحمن فيني وفي افنان ويوم سمع صراخنا شكله سمع صوت بنات وركض
بس خلصت بس اسمعني
عبدالله وقف وقال ولله للع.. ماكمل كلامه الا ديالا توقف وتبكي وتضربه وقالت ماعلمت الا لني وثقت فيك ومابتسوي شي يكفي عبدالله ترا تعبت منك صاير تكرهني وماتحبني
عبدالله حضن ديالا وفيه غصه قال انا اسف اني خليتك تفكرين بذا التفكير اسف انك فكرتي اني اكرهك ولله اسف انا احبك ولله وتعرفيني اقرب شخص لي انتي
واسف اني ملكت بدونك لاكن ادري بتبكين وتكرهيني وتكرهين افنان وتزعلين فا خليت عبدالرحمن يتزوجك وبعدين اعلمك وكنت بعلمك يوم قابلتك ورا الحوش بس عبدالرحمن درعم علينا نشبه
المهم اسف ولله بس انتي غصبتيني وعصبتنيني
ديالا: طيب اسمع بكرا قابلني بكوفي بقولك شي
عبدالله وشو ؟
ديالا خطه خطه لحمد
عبدالله تما.. قاطعهم دخول عبدالرحمن قال عشتوو شهلقعده الرمنسيه
ديالا : انقلع ماشبعت من حضن اخوي
عبدالرحمن خير وانا حضني خايس ؟
ديالا لا بس مو زي عبود
وضحك عبدالله قال يلا ان استأذكم وطلع
ديالا ركضت لعبدالرحمن وحضنته قالت اسف على كلامي قبل شوي استهبل ، صار لك شي ؟؟
عبدالرحمن: وشو
ديالا: الهوشه
عبدالرحمن: اها ماعليك مافيني شي ، بدخل انام
ديالا : حتى انا نايمه تعبت
عبدالرحمن : فصخ البلوزه وجلس على السرير
ديالا جلست جنبه وصارت تناظره ودها تنام بحضنه وخايفه ولاكن مستحيه منه
عبدالرحمن ناظرها وضحك قال تبين حضني ؟ وفتح يده
ابتسمت ديالا وتقدمت له وصار راسها بصدره وغفت على طول من التعب
عبدالرحمن الي كان يشم ريحتها ويحبها وخايف عليها وغفى
