الغرق في الماضي وساعه الزمن

لليله مشؤمه

انا اسمي فريده وانهارده هحكيلكم حكايتي واللي مستحيل تصدقوها بس اهي فعلا حصلت وحكايتي ما بين الذهول والغرابه والتضحيه حكايتي بتتكلم عني وعن عيلتي وعن قاتل عاوز يوصل للساعه........ ايوه الساعه...... الساعه اللي
غيرت مجره حياتى كله بضغط زر بس مش هنكر ان بفضل الساعه دي انقذت عيلتي من الموت مش هفسد عليكم الاحداث خليكم مع حكايتي

انا هبتدي معاكم يوم ما كنت في الثانوي كنت معجبه بولد ومش عارفه اذا كان بيحبني هو كمان او لا بس حاسه انه مش واخد بالو مني اصلا، الولد ده ساكن جمبنا يعني جيران بس ولا مره اتجرأت اتكلم معاه وحسيت ان انا شخص مجهول بالنسباله فا طنشتو وقولت اركز في تعليمي واخلص الثانويه والحمد الله زاكرت واجتهد وجبت مجموع كويس ودخلت كليه خاصه بمجال التكنولوجيا وفعلا جبت درجه عاليه وبمتياز واتخرجت وعيلتي كانت فخوره بيا اوي واحتفلو بيا وجه اليوم اللي غير مجره حياتي كلها
بابا كان عاوز ياخدنا رحله تخييم بمناسبه تخرجي  وكنت طايره من الفرحه بس لحظه اتبعتلي رساله ايوه زي ما بقولكم كده رساله من اشاب اللي كنت بحبه في ايام الثانويه ودع كان محتوى الرساله ༺ازيك يا فريده انا اترددت كتير اني ابعتلك بس محتاج اقابلك انهارده الساعه خمسه في مدرسه الثانوي لحفله لم الشمل متاخريش انا هستناكي ༻ حفله لم الشمل وكمان هو هيكون هناك طب ازاي وبابا والرحله طب هقول لبابا اي انا مش هكدب عليكم كنت لسه بحبو وفرحت اوي بالرساله وانو قال انو هيستناني اخدت قرار اني هروح حفله لم الشمل ومش هروح رحله التخييم وبما ان بابا وماما واخويا رايحين فا مش مهم انا كمان اروح اقنعتهم ان الحفله مهمه واني لازم اروحها وكده كده رحله التخييم دي اسبوع هخلص الحفله انهارده وهحصلكم على الغابه بكره وفعلا اقتنعو وجهزت وخرجت وروحت على المدرسه لقيت الشله كلها متجمعه وشوفتو عنيا كانت بتطفح فرشات حرفيا ولقيت زق الكرسي اللي جمبو على اني اروح واقعد جمبو اتحمست جدا واخدت الخطوه وروحت قعدت جمبو وقعدنا احتفالنا وفي نص الاحتفال لقيت مكالمه من بابا

فريده: الو ايوه يا بابا

الاب:  ايوه يل حبيبتي احنا اتحركنا ودلوقتي حاليا على الجسر بتاع النهر بس نسيت الساعه بتاع جدك الذهبيه

فريده بضحك: هه قصدك الساعه اللي ورثتها من اجداد اجدادك

الاب: ايوه هي هاتيه ضروري مينفعش اسيبها في البيت واخرج انا استعجلت ونسيتها قابليني عند الجسر وهاتيها معاكي

فريده: دلوقتي يا بابا دي الحفله لسه يدوب بدأت

الاب: معلش يا فريده هاتيها وابقى ارجعي تاني 

فريده: حاضر يا بابا

وقومت فعلا واخدت شنطتي وجيت امشي وقفني صوت يوسف وهو بينادي عليا لفيت ولسه هروح اتجاهو وقفت فجأه لما شوفت بنت جريت عليه وبتقولو يويو واحشتني اوي وهو اتفاجأ جدا وعنيه لمعت وبيقول نورا اي المفاجأه اللي تجنن دي واخدها في حضنو انا اتصدمت يعني يوسف مرتبط ملحقتش اكمل صدمتي وافتكرت بابا ومشيت بسرعه علشان الحق اديلو الساعه لانو في انتظاري وقفلت في دماغي صفحه يوسف للابد وروحت البيت وفتحت الخزنه وخرجتها

فريده: يا ترى ازاي ساعه قديمه زي دي ملهاش لزمه وحتى مش شغاله بابا محتفظ بيها اوي كده وكمان شايلها في الخزنه مش مهم لازم اروح ومتأخرش على بابا

وركبت تاكسي يوديني عند الجسر بس التاكسي عطل في الطريق ولحسن حظي كان فاضل حبه صغيره على الجسر فا نزلت من التاكسي واخدتها مشي ولما وصلت عند الجسر كانت اكبر صدمه شوفتها في حياتي لقيت عيتلي كلها مقتوله صرخت ووقعت على الارض ومش مستوعبه اللي حصل قومت وجريت على اهلي اشوفهم بس لقيت ظل باين قدامي ببص ورايا لقيت شخص مقنع ولابس اسود في اسود وماسك سكينه وعليها دم اهلي وكان هيضربني بالسكينه لولا اني اخدت بالي من الظل بتاعو قومت بسرعه وجريت والي استغربتو انو بيصرخ ويقولي هاتي الساعه وقتها مفهمتش هو عاوزها لي بس مردتش ادهالو وجيت اهرب منو جابني شعري وضربني بالسكينه في ظهري ومن الطعنه الساعه وقعت من ايدي في النهر المقنع صرخ وقال لاااااا وانا وقعت في النهر ورا الساعه وقبل ما عيني تغمض لقيت الساعه اتفتحت لوحدها ونورت وبدأت العقارب بتاع الساعه تتجنن وكل عقرب يجري في اتجاه وفجأه حصل نور جامد اوي في النهر وغمضت عيني من التعب واستشهدت والظلمه بقت في كل حته معداش كام دقيقه من الفراغ اللي كنت فيه وابتديت اسمع صوت ماما من بعيد بينادي عليا

ام فريده: فريدع يا فريده...... بت يا فريده

وفجأه لقتني صحيت من النوم

فريده بصدمه : ماما انتي عايشه وانا ظهري والطعنه ووو بابا واخويا فين

وطلعت اجري اش فهم ولقيتهم كويسين

ام فريده: مالك يا بت في اي اتجننتي ولا اي ولا بتعملي كده علشان متروحيش المدرسه

فريده: مدرسه مدرسه اي انا اتخرجت خلاص من الكليه

ام فريده: ههه كليه مره واحده انتي لسه في تالته انجزيالبسي وامشي علشان متتاخريش

فريده: اي يعني اي لسه في تالته

جريت على النتيجه ولقيت فعلا تاريخ اليوم قبل اربع سنين من الحاضر بتاعي يعني انا في الماضي
جريت على الخزنه وفتحتها واخدت الساعه ولقيت ورقه جوا علبه الساعه فتحتها ولقيت مكتوب فيها ༺الساعه قادره على ارجاع الماضي واي تغيير يحدث في الماضي سيتأثر المستقبل فقد امامك ثلاث محاولات لانقاذ عائلتك وانتبهي من اي حدوث للتغيير بالماضي ༻

فريده: اي يعني انا رجعت بالزمن يعني كل الكلام ده حصل بجد اي الجنان ده علشان كده بابا كان عاوز الساعه دلوقتي قدامي مهمه ومهمه صعبه اوي كمان واللي هيا مين القاتل المتخفي ورا القناع

ده اللي فريده هتحاول تكتشفه والاحداث هتعرفنا هو مين مع الوقت انتظرو البارت التاني