الغرق في الماضي وساعه الزمن

اكتشاف ما يجهله الحاضر

لبست وجهزت وطلعت على المدرسه الثانويه بس اخدت الساعه معايا علشان اعرف القاتل هيهجم عليا في وقتنا ده ولا هو معرفش موضوع الساعه الا في المستقبل وصلت المدرسه وانا داخله قابلت صاحبتي من ايام الثانويه اللي في المستقبل اتجوزت وسافرت مع جوزها وبعدها معرفتش حاجه عنها او بمعنى اصح انقطعت اخبارها جريت عليا واخدتني بالحضن وبتقولي

سلمى: واحشتيني اوي يا ست فريده هي اه الاجازه كانت قليله بس واحشتيني

فريده: وانتي كمان واحشتيني يا سلمى روحتي فين مع جوزك يا زفته وانقطعت اخبارك عني

سلمي: اي؟!

فريده وبعد ما اخدت بالها من الكلام اللي قالتو: اي انتي؟ يلا اتاخرنا احنا لازم ندخل

وسبتها وجريت قبل ما اقع بلساني تاني 

وانا داخله سمعت شله بنات بتتكلم بس قالو اسم وقفني مكاني

واحده من البنات: شوفتو اللي حصل مع يوسف

بنت تانيه: مين يوسف تقصدي

البنت: يوسف الحمد اشهر طالب في المدرسه

البنت التانيه: ااه اي اللي حصل احكيلنا بسرعه

البنت: مامته عملت حادثه وماتت انهارده

البنات: يا عيني ربنا يصبره

انا سمعت الكلام ده ووقفت اتصدمت يوسف اللي انا معجبه بيه مامتو اتوفت طب وانا معرفتش ازاي اي ه اليوم ده في الماضي وكنت تعبانه وغبت من المدرسه علشان كده معرفتش بس لي معرفتش بعدها وازاي حاجه زي دي معرفهاش انا لازم اشوفو

فريده: سلمي..... يابت

سلمى: نعم يا فريده

فريده: معاكي رقم يوسف الحمد

سلمى: اشهر طالب في المدرسه وده انا يبقى معايا رقمو ازاي

فريده: خلاص مش مهم

سلمى: وانتي عايزاه لي بقى يا ست فريده

فريده: خليكي في حالك يا سلمى ومتبقيش حاشره نفسك في كل حاجه يلا اسيبك انا لان ورايا حصه لازم اخدها

سبتها ومشيت وانا كل تفكيري في يوسف وحالته دلوقتي بس برضو صورتو وهو حاضن البنت اللي اسمها نورا مش مفرقاني بس طنشت وروحت على بيته جيت اخبط على باب بيتو اتحرجت وحسيت ان انا مش لازم اكون موجوده هنا وقبل ما اخبط سمعت صوت نورا جوا وبتعيط وروحت ناحيه الشباك اللي بره ولقيت نورا حاضنه يوسف وهما الاتنين بيعيطو بحرقه استغربت قربهم الشديد كده من بعض واثار فضولي اعرف مين هي نورا دي وهل هما مرتبطين من وقت ما كنت بحبه من اربع سنين يعني انا اصلا مكنش ليا فرصه اني ابقى معاه فوقت من تفكيري واخدت بعضي ومشيت وروحت البيت وحاولت اعرف ازاي هرجع المستقبل تاني بس السؤال هنا هل لو رجعت المستقبل قبل ما اغير اللي حصل هرجع ميته واهلي ميتين ولا اي اللي هيحصل  نمت من كتر التفكير في الموضوع وصحيت تاني يوم وانا مقرره اعرف حوار الساعه كله جهزت واخدت شنطتي وحطيت فيها كل حاجه اعتقد اني هحتاجها وروحت الغابه تحديدا بيت جدي القديم جدي بيحب الطبيعه جدا فا بنى بيته في الغابه ولما مات البيت اتقفل من غير اي حاجه ما تنقص فيه فا توقعت اني ممكن الاقي اي حاجه عن الساعه دي هناك وصلت البيت وفتحتو بالمفتاح اللي اخدتو من خزنه بابا ودخلت البيت كان قديم اوي والخشب كان بيزيق من كتر ما البيت قديم وصوت الخشب كان اعلى من صوت خطوات رجلي حرفيا دخلت ودورت في الدور الاول ملقتش اي حاجه وروحت الدور التاني ودورت لقيت صور لجدي مع جددتي والساعه موجوده في صور وصور لا وبعض الصور غريبه ما بين الحاضر بتاعهم والماضي وفهمت ان جدي برضو استخدم الساعه زمان بس استخدمها في اي مش عارفه بس اي اللي هناك ده مش ده كتاب قديم لما مسكتو اكتشفت انو مزكرات جدي وكاتب فيها كل حاجه تقريبا عن الساعه والمغامرات اللي حصلت معاه في الماضي والحاضر وقولت اخده وامشي قبل ما الجو يليل وانا نازله السلم الخشب كان قديم اوي اتكسر ووقعت من الدور التاني لادور الاول واغمى عليا ولقيت نفسي في مكان كلو ظلمه عباره عن فراغ وشوفت جدي

فريده بصدمه : جده

الجد بعتاب: لي استخدمتي الساعه يا فريده

فريده: انا مستخدمتهاش ومعرفش رجعت بالماضي ازاي

الجد: الساعه بتشتغل بنقطه دم من مالكها ارجعي للمستقبل بدون ما تغيري حاجه في الماضي تندمي عليها

فريده: بنقطه دم من مالكها يعني لما القاتل طعني بالسكينه ووقعت في النهر مع الساعه دمي جه على الساعه ورجعني بالزمن

الجد: انتي فاكره ان الساعه رجعتك لليوم ده بالذات لي اليوم ده هو سر رجوعك للماضي دوري كويس وهتكتشفي الحقيقه

فريده: انا.... انا مش فاهمه اي حاجه

الجد: هتفهمي كل حاجه لوحدك بس خلي بالك ༺الساعه استعمالها في الخير اللي هيستعملها في الشر وبأنانيه هيتعكس المفعول ومصيره هيبقى مجهول ༻

فريده: يعني اي

وقبل ما افهم اي حاجه فوقت ولقيتني لسه على الارض والدنيا ليلت عليا وانا لوحدي في الغابه وفجأه سمعت صوت خلى الدم يوقف حسيت ان دي نهايتي مسكت خشبه من خشب السلم اللي اتكسر وابتديت اشجع نفسي واتجه نحيه الصوت لحد ما وصلت للباب ولسه هضرب الشخص ده وقفني صوته

يوسف: اهدي يا فريده انا يوسف

يوسف جاي لي البيت وهل جاي لحاجه معينه ولا جاي يساعد فريده طيب لو جاي يساعد فريده عرف انها موجوده هنا ازاي وفريده هتعمل اي في الكلام اللي جدها قالو وكان يقصد بيه اي كل ده هنعرفه في البارت التالت