الداده: ماشي ي بنتي انا هلبس دلوقتي و نروح
مريم كانت واقفه و هيا خايفه و قلقانه عليه اووي... و مش عارفه هو حصل اي و قلبها كان حاسس انوا مش كويس..
خرجت الداده من جوه: يله ي بنتي انا لبست
مريم: يله ي داده..
خرجت مريم و الداده و كان السواق مستنيهم تحت ركبوا..
بعد نص ساعه وصلوا و طول الطريق كانت مريم قلقانه جدا.
نزلت من العربيه جري مستنتش الداده..
مريم وصلت للاستقبال: لو سمحتي في واحد جيه مش ساعه في حادثه علي طريق
الموظفه: في حاله ليسه واصله من ساعه في هو في غرفه الطوارئ ممكن تروحي هناك
مريم طلعت تجري و سالت عن غرفه الطوارئ و وصلت هناك.. فضلت تدور علي حسن و كانت واقفه قلقانه و لقت حد بيحط ايده علي كتفها..
...........................
المجهول: العربيه خبطتوا زي ما قولت بس هو في المستشفى دلوقتي
الباشا: تمام ياريت يكون مات و خلصنه منه
المجهول: حسن القناوي مش بسهوله حد يقدر عليه
الباشا: ماشي كلف حد يراقبوا و لو ليسه في المستشفي
المجهول: تمام
الباشا: انا هسافر اسبوع ورايا شغل مهم
المجهول: تمام ي باشا كل حاجه تحت السيطرة و انا هفضل مراقبة لحد ما انت تيجي
الباشا بتحذير: اوعي تخطيطي او تعملي لحد ما انا اجاي
المجهول بخبث : امم ماشي
" اه المجهول دي تبقي بنت مش ولد.. و المجهول ده ليه دور جامد في الروايه هنعرفوا بعدين و هنعرف مين المجهول ده برضو و اللي عاوز يخمن يخمن في العليقات "
..............................
اياد كان خارج رايح الاستقبال و شاف حسن و هو داخل المستشفي و مغمي عليه..
اياد بصدمه : حسن
طلع يجري عليه لحد ما دخل غرفه الطوارئ لانه جاي في حادثه..
اياد: دكتوره هو كويس
الدكتورة: انا هدخل افحصه الاول و ابلغك باي حاجه انتي قريب المريض
اياد: ده صاحب عمري و اخويا
الدكتورة: ان شاءلله هيكون بيخير
في الوقت ده شاف مريم و هيا بتجري و بعدين وقف قرب منها و حط ايدوا علي كتفها..
.............................
اياد: انا اسف هو انتي مرات حسن
مريم بقلق: اه انا
اياد: انا اياد صاحب حسن
جت الداده: اياد ي بني هو فين حسن هو كويس
اياد: هو ليسه داخل جوه و الدكتوره معاه دلوقتي
مريم قعدت علي الكرسي من كتر التوتر و القلق و الكل قعدوا ميتنسيين الدكتوره
بعد نص ساعه خرجت الدكتور الكل قام..
مريم: هو كويس ي دكتوره
الدكتوره: اه الحمدلله الحادثه كانت جامده بس هو دراعه اتجبس و عندوا شويه كدمات و مع الوقت هيكون كويس
اياد: هو هيفوق امته
الدكتوره: انا اديته مسكن عشان الم دراعه و منوم و هيفوق كمان ساعتين
الداده: شكرا ي بنتي
الدكتوره ببسمه: العفو ي طنط.. و مشيت
.............................
دخلت مريم لحسن بعد اصرار منها انها تدخل و تفضل جمبه..
اياد راح يجيب الادويه و يشوف البنت..
و الداده روحت البيت عشان تجيب حاجات تيجي تاني يوم..
قعدت مريم جمب حسن فضلت تبكي..
مريم بدموع: انت عارف انا مكرهتكش مع كل اللي كنت بتعملوا معايا و كنت بحب اقعد اشاكس فيك و اناقر فيك بس انت اللي دايما بتخاليني اعمل كده معاك.... لما ضربتي بالقلم انا ازعلت كتير بس مكرهتكش.. انت تقوم بس و انا هعلمك الادب.. و افضل اعصب فيك و نتخانق
و فضلت تتكلم معاه و تفكروا باول مره شافتوو اللي هو اصلا مش عارفها... و نامت من كتير التعب
................................
عند اياد في الوقت ده جاب الدواء بيتاع حسن بس شاف مريم قاعده جمبه و عرف قد اي هيا بتحبه. و عارف ان حسن بيحبها بس بيكابر و غروؤه مانعه انوا يتكلّم..
راح عشان يشوف البنت و دخل و فضل قاعد جمبها..
اياد بسرحان: انتي طلعتيلي منين انتي و وراكي اي انتي.. انتي مش وراكي حاجه بسيطه..
..............................
في صباح جديد..
يوم جديد علي كل ابطالنا.. في المستشفى في غرفه حسن.
كان حسن صاحي و بيتامل مريم اللي نايمه..
فتحت عنيها ببطي شديد بصت علي حسن لقيته صاحي و فايق..
مريم: انت انت كويس صح
حسن ببتسامه: اه كويس
اياد في الوقت ده دخل: الف حمدالله علي السلامه ي بوص
حسن: الله يسلمك ي صحبي
مريم: الداده بترن عليا.. الووو....اه هو كويس و ليسه فايقت ماشي ي داده... لا انا كويسه.. تمام انا هنتظرك
حسن: الداده عاوزه اي
مريم: الداده كانت بيتطمن عليك و هيا هتيجي دلوقتي
حسن: تمام.. اياد كلم الدكتور انا عاوز امشي من هناا
اياد: تمام هطمن علي حالتك و نمشي
في الوقت ده جت الممرضه..: اياد بيه الانسه اللي انت جبتها فاقت
اياد: ماشي انا جاي
حسن بستغراب: بنت مين
اياد: مش وقته انا هبقي احكيلك بعدين .. الدكتور هيجيلك كمان شويه.
حسن: تمام
اياد مشي... حسن بص لمريم..
حسن: احم احم مريم
مريم بلهفه: انت كويس.. و كانت قريبه منه
حسن مسك ايدها و قال: مريم ان.. انا اسف على اللي حصل مني امبارح.. مكنش ينفع..
مريم و هيا تسحب ايدها: خلاص محصلش حاجه انسي الموضوع..
في الوقت ده جت الداده و معاها الدكتور..
الدكتور ببتسامه : صباح الخير ي حسن بيه
~~~~~~~~~~~~~~~~~~~~~~
عند اياد..
راحت الغرفه و كانت فيها بنت جميله جدا نايمه علي السرير المستشفى و صاحيه..
اول ما دخل اياد بصتله..
البنت بصوت رقيق: انت مين
اياد بص للممرضه: الدكتور هيجي لحظرتك دلوقتي
البنت: انت مين.. و انا مين.. انت تعرفني
اياد قرب منها: انتي مش فاكره حاجه
البنت هزت راسها ب لا..
البنت: انت تعرفني
اياد: ا...
الدكتور جيه في الوقت ده. و بدا يفحص البنت و يسالها شويه اساله..
اياد: هيا كويسه ي دكتور هيا مش فاكره حاجه
الدكتور: بسبب الخبطه علي الدماغ فقدت الذاكره و بقي عندها فقدان ذاكره موقت.. مع الوقت ترجع ليها
اياد: هتاخد فتره قد اي
الدكتور: والله ممكن تاخد يوم او اسبوع او شهر او سنين دي حاجه بايد الله
اياد: و نعمه بالله.. هيا تقدر تخرج امته
الدكتور: انهارده ممكن تخرج بس العنايه مهمه جدا و تاخد الاظويه في مواعدها.
اياد: شكرا ي دكتور
الدكتور: العفو ده واجبي
~~~~~
اياد راح للبنت..
اياد اتنهد: بصي انا معرفش حاجه عنك و اعرفك انا امبارح كنت معدي الطريق و شوفتك و عربيه خبطتك
البنت: يعني انا ماليش حد دلوقتي
اياد: متخافيش انا هساعدك لحد ما ترجعي لاهلك
البنت: بجد شكرا ي
اياد: انا اسمي اياد ... و احنا لازم نسميكي اسم لحد ما نعرف اسمك الحقيقي
البنت ببتسامه: ماشي مسميني
اياد: ام فتحي ههههه
البنت: ايه!؟
اياد: ملاك حلو
البنت: امم. حلو اووي
اياد: طيب كويس ي ملاك.. انا هخرج اجيبلك هدوم و تجهزي و نمشي انهارده..
ملاك ببتسامه و اعجاب واضح : ماشي
~~~~~~~~~~~
كان قاسم طول الوقت بيهتم ب غزل و غزل كانت خلاص حبيته و هو برضو بس هو كبريائه مانعه...
قاسم قاعد و ماسك اوراق في ايده..
قاسم: غزل اخدتي دواكي
غزل: لا ليسه
قاسم قام و جاب الدواء.. خودي دواكي
غزل: قاسم..
قاسم: نعم
غزل: كنت عاوزه اقولك حاجه
قاسم: خودي دواكي الاول و بعدين قولي اللي انتي عوزاه
غزل اخدت الدوا بيتاعها.
قاسم بهتمام: قولي بقاا كنتي عاوزه اي
غزل: كنت عاوزه اروح اشوف اهلي من ساعه ما اتجوزت و انا مروحتش ليهم
قاسم: ماشي بكره نروح نزورهم
غزل بتوتر: احم اقصد اقعد مع اهلي كام يوم
قاسم بضيق: ت.. تقعدي فين يختي
غزل: اقعد يعني معاهم كام يوم و كده و ماما قالتلي اني
قاسم بغضب مكتوم: بصي بقاا زياره ماشي بس انك تباتي بره البيت ده اللي مستحيل مرات قاسم العوازم تفضل بره ده اللي مستحيل
غزل: ليه
قاسم بغضب : عشان انا مش هقدر انك تبعدي عني يوم واحد فاهمه.. عمرك ما تفكري تبعدي عني ي غزل انتي من يوم اللي اتكتبي علي اسمي بقيتي ملكي..
غزل بتوهان : بتحبني ي قاسم
قاسم: انا مش بحبك
غزل بصدمه:....
يتبع ♥♥✨
ياتري مين البنت دي و اي حكايتها.. تتوقعوا تبقي مين البنت دي
و حسن و مريم هيعملوا اي...و يتري مين المجهوله دي و الباشا عاوز ينتقم من العلتين ليه.. و قاسم هيعترف بحبه ل غزل ولا هيرفض مشاعره و يخالي كبرياءه يهزم مشاعره ده كلو هنعرفوا في البارت الجاي
#آلكآتبــه آلصـغـيره
