1 December 2022
Sana kahit gaano ako kagulo,
Tayo pa rin hanggang dulo.
Sana kahit man lang sa 'sang kanta,
Matupad ang ating panata.
Sana kayanin kong maniwala,
Ika'y hindi mawawala.
Sana 'di lang sa una masaya,
Walang susunod na salitang "malaya."
Sana kapag hindi na ako,
Hindi ako mapako.
Sana piliin ako sa araw-araw,
Hindi kung kailan lang maisipang dumalaw.
Sana lahat ng aking "sana,"
Hindi mapunta sa "wala na."
BINABASA MO ANG
Mga Tulang Ulan Sa Tag-init
PoetryAng "Mga Tulang Ulan Sa Tag-init" ay isang koleksyon ng mga tula na naglalaman ng mga damdaming umaagos at pumapaimbulog, na tila patak ng ulan sa mainit na tag-init. Sa bawat pahina, matutunghayan ang mga kwento ng pag-asa, pag-ibig, at pagninilay...
