عنب اسود

البارت الثاني

عنب اسود 
البارت الثاني
جمانه السعيدي

عنب....شكد مراح احجيلكم مستحيل اكدر اوصف حياتي

حتى الخدامه احسن مني
على الاقل الخدامه تاخذ فلوس     وتأخذ يوم اجازه 
اما اني   لا   كلشي ممنوع عليه
وشنو جريمتي    موحلوه      
اذا اكعد شويه على التلفزيون   امي نكول كومي
لا تكعدين خلصي شغلج

ماتقبل اخواني يشتغلون اي شي بلبيت
كلشي علبه
يعني  اذا نكعد ناكل   كل شوبه تكول كومي   كومي جيبي فلان شي
كمت ماكعد اكل وياهم اكعد بلمطبخ
وهم مااخلص منها
مرات اشك  اكول يمكن مو امي     
هلكد ما تعاملني بقسوه
هووواي جنت اعاتب رب العالمبن
بعني لو جاي  واحد من الولد اسمر واني طالعه بيضه
جان حياتي كلها تغيرت
جمانه السعيدي

عنب...مااعرف    ..امي على شنو جاي تعاقبني هي خلقت رب العالمبن
اني شبيدي
كل ليله ابجي لمن امل وانام    ومحد حاس بيه  ابد

صار عمري ١٥ سنه   مرحله حساسيه مراهقه ومحبوسه ومحرومه من كلشي
لو شايفين الخير الي عد اهلي   ماتصدكون
خير   خير حقيقي    واني حسره عليه كلشي
واي غلط امي تضربني   تغلط عليه
تحرض اخواني حتى يضربوني   تهيني على الزغيره والجبيره
دمرت نفسيتي تدمير

مره زهقت بيها لان احس نفسي بعد مااكدر اتحمل اكثر

عنب...يمه ليش هيج تعامليني  اني بتج
امي...امشي اعاملج   انتي شنو   حاسبه نفسج
عنب...شمسويه فهميني  ترا هاي خلقت رب العالمين
امي...انجبي  حيوانه   موزين  تاكلين وتشربين   وساكنه هنا
اني المفروض اشمرج 
انتي شايفه خلقتج هاي  
عنب...خلقت رب العالمين
امي...اس  اني كلما اشوفج   اتخبل    انتي  طالعه من بطني
شلون مااعرف
لو اعرف انتي بطني   جان نزلتج  وخلصت منج
من صرتي شمرتج   حتى تموتين واخلص  بس شسوي
البيبيتج    الله يحركها بنار جهنم
ضلت حايره بيج    ولله انتي خلقه  شكل وواحد   يحير بيج

عنب...شلون اكتل نفسي حتى ترتاحين
امي...ولله اسوين فضل   تخلصيني من هاي الخلقه
بمكان مااصابح واماسي بيها

عنب...ماكدرت اتحمل كلامها شنو هاي كمية الكره اني مامسويتلها شي  ليش هيج تكرهني مااعرف
صعدت على السطح وقررت   اكتل نفسي   حتى ارتاح واريحهم  مني
انهاريت فد مره   كعدت ابجي واعاتب رب العالمين
كاعد افكر شلون اتخلص من  هاي الدنيا
جمانه السعيدي
راسا صعدت وراي امي
امي...هااا شعندج صاعده انزلي   يله الملابس  تارسه الحمام
واغسلي الطرمه وياج  والصحيات

نزلتي كدامها    وكامت تشتغل عليه
مو ام هاي مجرمه حرام تنحسب على الامهات

صار عمري عشرين سنه واني مااطلع من الباب اله شي ضروري   والنهار كله اشتغل بلبيت
افتر مثل الناعور