عنب اسود
البارت الثالث
جمانه السعيدي
عنب....مرت الايام روتينيه ممله اني بلنسبه اليه لا انتضر شي
ولا عندي هدف ولا حلم
عايشه وبس
عيشة الذل والمهانه عايشه خدامه بيت ابوي
بيت ابوي الناس كلها عايشه بي معززه مكرمه الا اني
شايلة خطيئه مالي ذنب بيها
بعد خمس سنوات من زواج علي طلع بيت وحدا
بيت من بيوت ابوي
ابوي عندا خمس بيوت من غير ببتنا
واربع محلات
كل واحد من الولد لازم محل وواحد ابوي فاتحه
من صار عمري ٣٠ سنه ابوي توفا
انكلبت الناس علينا كلها
اغلب الناس كانو متعجبين من وجودي محد يعرف ابوي عندا بنيه
لان لا اطلع ولا ادخل حزنت على ابوي حيل
هو الوحيد بلبيت كان اسلوبه وياي زين
يسئل عني ويجيبلي ملابس ينطيني مصرف
بعد وفاة ابوي بخمس سنوات عمار ازوج
وحسين طلع بيت وحدا
حسين سكن بيت من بيوتنا
بقا بس عمار وزوجته وامي بلبيت واني بعدني خدامه بهذا البيت
من صار عمري ٤٠ سنه ماتت امي
اثر ذبحه صدريه مالحكنا عليه كانت وفاته سربعه
رغم بعدها قويه بس الموت مايعرف قوي وضعيف
هذا يومها وهذا حدها بهاي الدنيا
جمانه السعيدي
اجذب إذا اكول اتاثرت عليها
امي جانت كلش قاسيه عليه وعمرها ماحسستني تحبني لو تريدني ابد ماحسيت بيوم تخاف عليه
لو حسيت اني بتها طول الفاتحه واني كاعده وعيني على النسوان
مجاي اكدر ابجي مو بيدي رغم اني بتها الوحيده
المفروض انهار لا عندي اخت ولا حبيبه من بعدها
بس اني مو حزينه وجودها مثل عدم وجودها
بلعكس كنت افكر
راح يصير وضعي احسن من بعدها
راح اخلص من اكثر انسانه ضلمتني بهاي الحياة
ابد ما مسامحتها مجاي اكدر اسمحها
شلون اسامحها وهي حولتني إلى خدامه
اسامحها وهي جانت تحرض اخواني عليه حتى يضربوني
اسامحها وهي حانت تفضل الجناين عليه
وتشتريلهن وتعوفني اتحسر
اسامحها وهي بقت ٤٠ سنه تعاقبني على شي مالي ايد بي
تعاقبني على خلقة رب العالمين
مو بيدي كلبي حاقد عليه مااكدر اسامحها ابد
وبعمري مادعيت رب العالمين حتى يغفرله
ما تستاهل الغفران
اريد رب العالمين يعذبها بكد ماعذبتني واذتني
لا تكولون امج
الام تكون حنينه على بتها تتفداها تحاول تساعدها
بس امي غير
من ماتت حتى مارحت وياها للنجف
ولا اربد اعرف وين دفنوها اني امي الحقيقه بيبي
ام ابوي هي الوحيده الي تستاهل اترحم عليه
اما البقيه مااعرفهم ولا الي علاقه بيهم
اني عنب صار عمري ٤٠ سنه اني بلا حياة مستقله
ولا هدف ولا طموح ولا حياة مريحه
كله بسبب اهلي
جمانه السعيدي
من لحظة وفاة امي قررت اتمرد على حياة الخدم
اني مو خدامه
اني انسانه مستقله واذا اخدم اخدم نفسي وبس
خلصت ٤٠ سنه بلخدمه
كافي لهنا وكافي بعد مستحيل اخدم احد
أنت تقرأ
عنب اسود
General Fictionاني التقيت صاحبة القصه بلصدفه يم بنيه صديقه ولمن عرفت اني عندي كروب قصص طلبت مني انشر قصتها اني حيل اتاثرت بهاي القصه
