عنب اسود
البارت الرابع
جمانه السعيدي
عنب...كاعده واسمعهم يبيعون بيه ويشترون
وواحد يشمرني على الثاني
وكأني شي زايد وماله قيمه وواحد يكل للثاني مااريدها
زوجتي متقبل
زوجاتهم ماتريدني هما اخواني ماعدهم رائي
اهم شي رائي زوجاتهم
ماعندي عتب عليهم
عتبي على الأم الي ربت اتلث زلم
وماعلمتهم شلون يحبون اختهم الوحيده
هي اصلا مجانت تحبني و اول مااجيت للدنيا شمرتني
على بيبي
شلون هسه اربد اخواني الي هي ربتهم يحبوني
اربد اعرف النهايه شنووو
ووين راح ياخذني زماني
لو اهلي فكر جانت كلت حقهم العيشه صعبه
بس خيرهم تارس الدنيا واني بيت اهلي عايشه بس هذا البيت مايلمني
كل هذا الخير والبيوت واني ماعندي مكان اعيش بي مرتاحه
جمانه السعيدي
عقلي سرحان وافكر سمعت علي كال هاي هي
حسين...من باجر انلبش
عمار...اي هذا خوش حل تاخذ الاستقبال وانكطعه
بحايط ونبنيلها مطبخ زغير مترين وصحياة برا وهاي
هي
عنب...قررو يعزلوني وحدي وكانما بيه مرض معدي
عندي ٣ اخوان واملاك ابوي تارسه الدنبا
راح يحبسوني بغرفه وحدي
محد يريدني مااقول بس حسبي الله ونعم الوكيل عليكم
الله يطلع حوبتي منكم
طلعو اخواني بعد ماقررو مصيري بدون مايسئلوني شنو اريد
منى...هاا خير انحلت
عمار. .هاي هي انحلت راح نعزله وحدها وبابها وحد
منى...اذا يجون عمال البيت يصير هوسه اني اخذ جهالي واروح بيت اهلي
منا لمن تخلصون ماليه خلك العمال والدوخه
راحت منى البيت اهله واني بقيت وحدي بلبيت
ثاني بوم عمار نزل طابوك ومواد بناء
بنا مطبخ زغير مترين بتمرين وصحياة كطع البيت بحايط
وخله باب فرده وحده بلشارع
هذا الحبس الجديد عزلوني اخوتي وعزوتي مايردوني
محد يريدني
اني من انولدت محد يريدني
شهر وكمل كلشي
لان بناء بسيط حايط وصحياة ومطبخ زغير
جمانه السعيدي
رحت نضفت البيت كنت كلش ضايجه
راح اسكن وحدي يعني اذا اتمرض او اتعب محد يسئل عني
ميخالف ايجوز احسن اليه يمكن ارتاح وحدي
أنطوني غراض غرفة امي تلفزيون وثلاجه زغيره
وجربايه وكنتور اربع ابواب
وبرده وفراش للغرفه وكم مندر وبطانيات ثنيبن
وكم جدر للمطبخ وقنينة غاز
خلاص راح اعيش وحدي
بقا شي مهم محتاجه مصرف
شلون راح اعيش بدون مصرف
اجاني عمار
عمار...جيبي اورافج اقدملج على الرعاية الاجتماعيه
انتي جبيره ومعوفه اكيد راح ينطونج راتب
أنت تقرأ
عنب اسود
Ficção Geralاني التقيت صاحبة القصه بلصدفه يم بنيه صديقه ولمن عرفت اني عندي كروب قصص طلبت مني انشر قصتها اني حيل اتاثرت بهاي القصه
