SAKURA 🌸 [ OnHold ]

6th Blossoming 🌸

"ෆොරන්සික් එකෙන් report එක ආවද සමිධ?"

"ඔව් උත්පලා.."

"ඔයා කිව්වා හරි.. ඒකෙන් අපිට ලොකු සාක්ෂියක් හම්බවුණා.."

උත්පලාට ලාවට හිනාවක් ආවා.. මුලින් කට්ටිය එච්චර ගණන් ගන්නේ නැතුව හිටියත්, තමන්ගේ අනුමානය අස්සෙන් හැමෝගෙම ඇස් ඉස්සරහට පැනපු සාක්ෂිය ගැන උත්පලා ආඩම්බර වුනා.. උත්පලාට මේවා විසඳලා ලොකු පලපුරුද්දක් තියෙන නිසා ගොඩක් දේවල් අනුමාන කරන්න පුළුවන් හැකියාව වැඩියි..

"ම්ම් ඒකනේ මං කිව්වේ.. ඉතින් මොකද උනේ? මොනවද ෆොරන්සික් එකෙන් ආව රිපෝට් එකෙ තිබ්බෙ.."

"ඒ කඩදාසි කොලේ, රයිසින් කියන විෂ අඩංගු වෙලා තියෙනවා.."

"ම්ම්.. ඔයාලා දන්නවද ඔය රයිසින් කියන විෂ ගැන?"

"හරියටම දන්නේ නම් නැහැ.. ඒත් ඕකෙන් මිනීමැරුමක් කරලා ඒක මිනීමැරුමක් කියලා හොයාගන්න බැරි වෙන විදියට, හරි දරුණු විදිහට ඒ මනුස්සයව මරල දාන විදිහේ විෂක් නේද ඕක.."

" ඔව්. රයිසින් කියන්නෙ ඉතා දුර්ලභ, ප්‍රබල, සහ මාරාන්තික විෂක්. ඒ විෂ හදන්නෙ, කුමුකුඹු (castor) බීජ වලින් තෙල් නිෂ්පාදනයේදී, රයිසින් විෂ සහිත අවශේෂයක් ලෙස ඉතිරිවෙනවා. රයිසින් කුඩා ප්‍රමාණයක් මිනිස් ශරීරයට ඇතුළු වුනත් ඒක මාරාන්තිකයි..
රයිසින් වලින් සෛලවල ප්‍රෝටීන නිෂ්පාදනය අක්‍රිය කරලා, සෛල මරන්න පටන් ගන්නවා..
සෛලවල ප්‍රෝටීන නිෂ්පාදනය නතර වීම නිසා, සෛල ක්‍රියාකාරීත්වය කඩා වැටිලා, ජීවය පවතිනු ලබන අවශ්‍ය සෛල ක්‍රියාකාරීත්වයන් නතර කරනවා..
ඒ ක්‍රියාවලිය අධිවේගීව ශරීරයේ මුළු පද්ධතියම ක්‍රමිකව කඩාකප්පල් කරනවා..

ආහාර එක්ක ශරීරයට ඇතුළු වුනාට පස්සෙ වමනය, උණ, අධික වේදනාව ඇතිවෙනවා..

රයිසින් හුස්ම හරහා ඇතුළු වුනොත්, හුස්මගැනීමේ අපහසුතා, උණ, සහ හෘද රෝගී තත්ත්ව එනවා..
ශරීරයට ඇතුළුවෙන විෂ ප්‍රමාණෙ අනුව මිය යන්න පැය 36-72 ක් ගතවෙන්න පුලුවන්.."

"එතකොට මේ විෂට, ප්‍රතිවිෂක් එහෙම නැත්ද ?"

"නැ.. ඒක තමයි භයානකම දේ..."