I GOT CHU

Part 1

အခန်း (၁)

"ဆော့မက်သရူး အရမ်းချစ်ဖို့ကောင်းတယ်!!!"

လူအုပ်ကြားထဲမှ ထိုးထွက်လာသော အသံကြောင့် မက်သရူး ပြုံးမိသွားသည်။ သူနှင့် ရင်းနှီးပြီးသား ဖြစ်သော The Star-nim ၏အသံ။ တနည်းပြောရရင် သူ့ရဲ့ fansite တွေထဲမှတစ်ခု။ ထူးခြားတာကတော့ fanboy ဖြစ်နေခြင်းပင်။

မက်သရူး​၏ fan sign event မှန်သမျှနှင့် activity မှန်သမျှကို မက်သရူး debut သည့်အချိန်မှစ၍ ယနေ့အထိ တစ်ခုမကျန် လိုက် support ပေးနေသော fansite တစ်ခုမို့ မက်သရူးလည်း သတိထားမိနေခြင်းဖြစ်သည်။

လေဆိပ်ထဲဝင်လိုက်သည်နှင့် ဘေးနားမှ လိုက်ပါလာသော reporter-nim တို့အား မက်သရူး ပြုံးပြကာ နှုတ်ဆက်လိုက်​၏။

ခေါင်းမူးနေသည့်ကြားမှ အားတင်းကာ မက်သရူးအစွမ်းကုန်ပြုံးထားရသည်။

"ဆော့မက်သရူး ဟာ့ထ်ထုလုပ်ပြပေးပါဦး"

"မက်သရူးအရမ်းချောတယ်"

ဆူညံစွာအော်ဟစ်နေသော fan များ​၏ အသံက တဖြည်းဖြည်း အနောက်တွင်ဝေး၍ ကျန်ခဲ့လေ​၏။

လေယာဉ်ပေါ်သို့တက်ရန် စောင့်ဆိုင်းနေရသောအချိန်တွင် ဘေးနားမှာရှိသော manager က မက်သရူးမျက်နှာမကောင်းဖြစ်နေသည်ကို သတိထားမိသွားပြီး

"မက်သရူး ခေါင်းမူးနေသေးတာလား"

"အင်း နည်းနည်းပါ.. ရပါတယ်.. လေယာဉ်ပေါ်ရောက်လို့ အိပ်လိုက်ရင် သက်သာသွားမှာပါ"

ဘေးတွင်ထိုင်နေသော ဟာအိုဟျောင်းက မက်သရူးပုခုံးလေးများကို  ကြင်နာစွာ လာဖက်ကာဖြင့်

"မက်သရူး ရှူဆေးရှူမလား ငါ့မှာပါတယ်"

"ရတယ်ဟျောင်း လူတွေလည်းရှိနေတော့....ပြီးတော့ အလကားနေရင်း fan တွေစိတ်ပူသွားဦးမယ်"

မက်သရူးတို့နှင့် ရှေ့ခပ်လှမ်းလှမ်းတွင်တော့ ရစ်ခီနှင့် ဂရူဗင်းတို့က အပြန်အလှန်စနောက်နေကြသည်။

သူတို့အဖွဲ့​၏ leader ဖြစ်သော ဂျီဝွန်းဟျောင်းကတော့ manager များနှင့် စကားပြောနေလေ​၏။

မက်သရူးတို့ CodeX အဖွဲ့တွင် မက်သရူးအပါအဝင် ဂျီဝွန်း၊ ဟာအို၊ ဂရူဗင်း နှင့် ရစ်ခီ ဆိုသည့် အဖွဲ့ဝင် ၅ယောက်ပါဝင်လေသည်။