အခန်း (၅)
CodeX အဖွဲ့ကို တင်ဆောင်လာသောကားက Company ရှေ့တွင် ရပ်သွားပြီးနောက် အဖွဲ့သားများ ကားပေါ်မှ ဆင်းလာကြသည်။
ရှေ့ခေါင်းခန်းမှ ထိုင်လာသော ဂျီဝန်းက ဦးစွာဆင်းလျက် နောက်ခန်းမှ ထွက်လာမည့် အဖွဲ့သားများကို စောင့်ကြည့်နေ၏။
ဟာအို ထွက်လာတာကိုမြင်တော့ ဟာအိုလက်ထဲမှ အိတ်ကို လှမ်းယူလိုက်သည်။
"ကျေးဇူးပဲ ဟျောင်း"
ဟာအိုက အပြုံးလှလှလေးဖြင့် ဂျီဝန်းအား ပြုံးပြလိုက်၏။
"ဒီနေ့ အရမ်းချောနေတယ်"
ဘယ်သူမှ မကြားအောင် ဟာအိုအနားသို့ ကပ်ခါ ဂျီဝန်းတိုးတိုးလေး ပြောလိုက်သည်။
ဟာအိုက ဂျီဝန်း၏ လက်မောင်းကို လှမ်းထု၍ မျက်စောင်းထိုးလိုက်၏။
"ဟျောင်းတို့ အရင်တက်နှင့် ကျွန်တော်ကော်ဖီ သောက်ချင်လို့ ကော်ဖီဝယ်လိုက်ဦးမယ်"
အနောက်နားမှ ထွက်ပေါ်လာသော မက်သရူး၏ အသံစူးစူးလေးကြောင့် သူတို့နှစ်ဦး အကြည်စိုက်နေရာမှ အာရုံပျက်သွားလေသည်။
"မြန်မြန်ဝယ်ပြီးလာနော်.. ငါတို့ဖို့လဲဝယ်ခဲ့ဦး.."
"အင်းပါ.. ဟိုနှစ်ယောက်ရော ဘာသောက်မှာလဲ"
ဟာအိုကို ပြန်ဖြေပြီးနောက် ဂရူဗင်းနှင့် ရစ်ခီကို လှမ်းမေးလိုက်သည်။
"တော်ပြီ မသောက်တော့ဘူး"
"ရစ်ခီမသောက်ရင် ကျွန်တော်လည်း မသောက်တော့ဘူး"
မက်သရူးကို ပြန်ဖြေပြီးနောက် ဂရူဗင်းနှင့် ရစ်ကီတို့ နှစ်ယောက်သား တွတ်ထိုးကာ အနားမှ ထွက်သွားလေ၏။
"ဟေ့ကောင်တွေ တူတူသွားမယ်.. စောင့်ဦး"
သူတို့နှစ်ယောက်အနောက်မှ ဂျီဝန်း အော်ခေါ်ကာ အပြေးအလွှား လိုက်သွားရသည်။
"မက်သရူး ဟျောင်းစောင့်ပေးရမလား"
အမြဲလိုလို အငယ်များကို ကြင်ကြင်နာနာ ဆက်ဆံတတ်သော ဟာအို၏အမေးကို မက်သရူးပြုံးပြလိုက်ပြီး
YOU ARE READING
I GOT CHU
Fanfictionbinthew fanfic ဒီတခါတော့ ပေါ့ပေါ့ပါးပါးနဲ့ ခပ်ချိုချိုလေးရေးထားပါတယ်။ဖတ်ကြည့်ပေးကြပါဦးနော် ㅤ♡
