👑🍂ကမ္ဘာပျက်ကပ်ကမ္ဘာ၌ နောက်ဆုံးဘော့စ်ဖြစ်လာတဲ့ ဖြတ်သွားဖြတ်လာလေး✨

Chapter ( 1 ) part 1

Unicode:

( သာမန်လူတစ်ယောက်အနေနဲ့ ဘာတွေမှားနေလဲ? )

"တီ တီ"

အိပ်ယာဘေးနားမှ နှိုးစက်နာရီက သုံးစက္ကန့်တစ်ကြိမ်အချက်ပေးသံကြားလိုက်ရပြီးနောက် ရပ်တန့်ခြင်းခံလိုက်ရသည်။

ယခင်နေ့များလိုပင် ရှန်ဂျီ နိုးလာခဲ့သည်။ အိပ်ယာသိမ်းသည်။ မနက်စာအတွက် နွားနို့နှင့်ပေါင်မုန့်ကို ရေခဲသေတ္တာထဲကထုတ်ကာ အေးအေးဆေးဆေးစားနေခဲ့သည်။
 
7 နာရီခွဲအရောက်တွင် သုတေသနအဖွဲ့အစည်း၏ ခပ်သေးသေးရုံးခန်းထဲ၌ ထိုင်နေခဲ့ပြီး ယနေ့အတွက်တွေ့ဆုံရန် ချိန်းဆိုထားသော စွမ်းအင်လူသားတစ်ယောက်နှင့် စတင်ဆွေးနွေးရပေပြီ။

"ဒီလို ဖိနှိပ်ကိရိယာဒီဇိုင်းမျိုးဆိုရင်ရော သဘောကျရဲ့လား?"

ရှေ့မှာထိုင်နေသော အမျိုးသမီးဆီသို့ ရှန်ဂျီက ခရမ်းရောင်ကျောက်ရိုင်းနားဆွဲတစ်စုံကို ပေးလိုက်သည်။

သူမ၏လက်ထဲမှ ခရမ်းရောင်နားဆွဲလေးအားခေတ္တမျှကြည့်ပြီးနောက် ကျေနပ်သွားဟန်ရှိသည်။

"ပါမောက္ခရှန်ရဲ့ ဖန်တီးမှုတွေကတော့ အမြဲကို ကောင်းနေတော့ပါပဲ။ ဒီလိုဒီဇိုင်းမျိုးကို ဒီလောက်မြန်မြန် ပြီးလိမ့်မယ်လို့မျှော်လင့်မထားမိဘူး "

ထိုအမျိုးသမီးသည် သူမ၏နားသို့ သူမကိုယ်တိုင်အပ်ဖြင့် ထိုးဖောက်လိုက်သည်မှာ မျက်ခုံးတစ်ချက်ပင်တွန့်မသွားပေ။  ချက်ချင်းပင် နားဆွဲအား သူမ၏ နားတွင် ဝတ်ဆင်လိုက်သည်။

" မင်းကြိုက်ရင် အဆင်ပြေပါတယ် "ရှန်ဂျီ ကပြုံးကာပြောလိုက်သည်။

အမျိးသမီးအားပေးပြီးနောက်တွင် ရှန်ဂျီက ကော်ဖီတစ်ခွက်မှာလိုက်ပြီး သူ့ထိုင်ခုံတွင်ပြန်ထိုင်လိုက်ပြီးနောက် ကွန်ပျူတာစခရင်ပေါ်တွင် ဒီဇိုင်းရေးဆွဲနေလိုက်သည်။

ရှန်ဂျီ ဒီကမ္ဘာတွင် ဖြတ်သန်းလာခဲ့သည်မှာ ယနေ့ဆိုလျှင် 7 နှစ်နှစ် တောင်ရှိခဲ့ပြီ။

C အဆင့်ပညာရှင်တစ်ယောက်အနေဖြင့် ဤအဖွဲ့စည်းတွင် ရှန်ဂျီ၏တာဝန်မှာ ဖိနှိပ်ရေးကိရိယာပစ္စည်းများ ရှာဖွေသုတေသန ပြုလုပ်ဖို့သာရှိသည်။ အဘယ်ကြောင့်ဆိုသော် သူ့တွင် နည်းပညာပိုင်းနှင့် ပတ်သက်၍ တတ်ကျွမ်းမှု မရှိသောကြောင့်ပင်။သူ၏ အလုပ်မှာ ဖိနှိပ်ရေးကိရိယာပစ္စည်းများ၏ အပြင်ပိုင်းဒီဇိုင်းကို စွမ်းအင်ပိုင်ရှင်လူသားများ၏ တောင်းဆိုချက်များနှင့်အညီ ပြုလုပ်ပေးရခြင်းဖြစ်သည်။ ထိုသူများ ကိရိယာများဝတ်ဆင်သည့်အခါမျိုးတွင် ကူညီပေးရသည်။ အထူးတလည် အာရုံစိုက်ရသည်မျိုးမရှိလှသဖြင့် သူ၏အလုပ်ချိန်များမှာ အားလပ်ချိန်နှင့်ပင် တူသယောင်ယောင်ရှိလေသည်။
 
ထို့ကြောင့် ရှန်ဂျီသည် ဤအလုပ်ကို များစွာသဘောကျလေသည်။