وقاد الاصهب

8

ــــــــــــــــــــــــــــــــــــــــــــــــــــــ الاصُهب
﷽

عذراء الزبيدي
بقلمي : روايه وقاد الاصُهب

چويت كلبي واريد انساك بس فني

لطفاً لا تنسون التصويت والتفاعل بين الفقرات

سدن

كاعده قريب من بابا وعمي جواد لتفتت من صرخ بابا
بصوت عالي رافع ايده على وجهه لعمي جواد
فاضل : ولكككككككك جواد شلون هيج تحجي
جواد : اني مو جاااااااهل فاضل اريد حقي

فاضل : شنووو انتَ بوعيك شلووووون اتريد تورث
البيت وامي بعدهاااا بالوجود
جواد : اني اريد اضمن حقي من هسه شنو ياكدلي
ماراح تاخذ حقي مني وتطردني من اتموت امي

سدن : اتقدم بابا على جواد وضربه راشدي بقوه
صاح بغضب
فاضل : ولكككككككككككك س..... كلشي مايغزر
بيك منطيك دم كلبي
جواد : اني مو جاهاااااااهل كدامك شوكت ماعجبك
تضربني فاضل اكسر ايدك مرااااااا ثانيه إذا رفعتها عليَّ

سدن : اتقدم بابا يضرب بي بوكسيات وجواد اتخبل
يصرخ بصوت عالي دفع بابا بقوه ركض لغرفته طلع
بركان هايج من العصبيه شهكت بصوت عالي من شفت
عمي جواد رافع اسلاحه على بابا ركضت بيبي عليَّ
اتحاول تاخذه منَّ وبحركه سريعه منَّ وي دفعت بيبي
ايد جواد ثارت صوت طلقه نزلت ادموعي صرخت
مفزوعه من شفت بابا كتفه ينزف ركضنه عليَّ من
صاح متئلم دقائق مرت علينه وفقد بابا وعيه

صرخت لازمه وجهه باايدي بدموع تنزل شهكات عاليه
لاااااااااا بابا فدوه افتح عيووووونك بابا فدووووه
اصرخ واهز بي فزيت على صوت عمي فراس
من دخل ايهم وماما يحاولون يصحو اخذو لسياره
لتفتت على جواد بعده بمكانه مااتحرك ولا خطوه

ركضت لغرفه على جهازي اتصلت على اصُهب
ابجي وأشهك اول مافتح خط حجيت

_ الووو اصُهب الوووو
_ شبيج بويه شبيج تبجين ؟؟
_ بابا انضرب طلقه بعده يحجي سمعت صوت خالي
عدنان نهيت الاتصال ونزلت اركض

عدنان : سدن اني راح اخذ امج لمستشفى
سدن : اروووح وياكم خالي فدوه
عدنان : لا خالي منو يبقى يم خواتج
سدن : فدوه خالي والله كلبي راح يوكف اخذني وياكم
هز راسه ب معنى اي ركضت لبست بشت وشال
طلعت اركض همه صاعدين قبلي بالسياره صعت
بالكشن الوره يم ماما حرك السياره ادموعي ابد
مانشفت ماما تبجي بهمس ركن السياره مقابيل
المستشفى نزلنه نركض خالو سئل كالو بالطابق
الثاني صعدنا شفت عمي فراس وأيهم ركضت عليَّ