وقاد الاصهب

20

ــــــــــــــــــــــــــــــــــــــــــــــــــــــــــــــ الاصهب

﷽

عذراء الزبيدي
بقلمي روايه : وقاد الاصهب

"لاَ إريِدٌ انْ اشَھدٌ غيِابكَ ، اريِدُ انْ اغَيِب مَعهَ..!"

لطفاً لا تنسون التصويت والتفاعل بين فقره وفقره

༺ اسيل ༻

مرت الايام وابويه وضعه أتحسن والبيت عباره عن هدوء
احتواء حب حنيه كلشي موجود بهل الفتره تصرف ابويه
ويانا هل الايام كلش مريح وخلاني اسجد لربي كل يوم
حسيت هاهيًَّ خلصنه من عمي حافظ وما راح يدخل
ويتحكم باابويه بس للاسف صار العكس وهذا الهدوء
الجآن فعلاً هدوء ما قبل العاصفه

كاعده يم امي بالصاله رفعت ايدي على كلبي مخروعه
من سمعت صوت اسر صوته العالي المبحوح الغاضب
طلعت من الصاله اوكف قريب من باب المضيف اسمع
صوت اسر يردف بحده

اسر : وحك خدر زينب مااطلع منا اله وآنه مالج عليها

اسيل : اردف شخص بصوت يعلو صوت اسر ماكدرت
أميز هذا الصوت واعرفه لـمنو

_ هسه ابو اصهب يدخل لهل بيته ويسئل بنته إذا البنت
موافقه انه اجيب السيد وتملج عليها

اسيل : اسارعت نبضات كلبي ورجفت روحي قبل جسمي
ركضت ارجع لصاله اكعد وبكلبي طايره من الفرح هاهيَّ
راح اصير لـ اسر بعد تعب اسنين دخل ابويا يوكف بصفي
لزمني من ايدي بقوه حسيتها راح تنخلع بلعت ريك خايفه
اردف بحده

ابو اصهب : راح اسئلج كدام ابن عمج اموافقه على اسر
لو لا واذا كلتي موافقه قسم بالله ازفه الج بتابوت

اسيل : اجمعت الدموع بعيوني وزادت رجفتي عجزت
اردف بحرف هزيت راسي بمعنى اي عافني يطلع
لزمت كلبي وشهكت بصوت عالي لتفتت وادموعي تنزل
على خدي من لزمت امي راسي اتهديني دخل ابويه
وياه اسر اردف ابويه يسئلني

ابو اصهب : بويه اسيل ابن عمج اسر كل مره يجيني
عليج وآنه كتله الشور شورها بنيتي انتِ موافقه عليَّ

اسيل : لتفتت على اسر واكف بشموخ رافع راسه مبتسم
متاكد واثق اني مااخذله وراح اوافق اخذت نفس وزفرته
استجمع قوتي المبعثره اردفت بصوت واضح
_ لا بويه انه مااريد ابن عمي واتمنى ماايفتح هل الموضوع
مره ثانيه لان جاوبي نفسه