"📖📖"
*" آخــر سـيجـاره وســـهـــره طــويلـه "*
*" الــبــارت الــثـالـث "*
* فـــــي قـــصـــر ال نـاصـــــر *
دخل سعود حديقة القصر وشاف اخته حور جالسه فيها وماسكه بين يدينها كتاب ومنهمكه بالقراءه
تقدم صوبها وهو مبتسم وجلس جنبها:قوه
حور ابتسمت:الله يقويك
سعود:شقاعده تسوين!؟
حور بابتسامه:على ماتشوف اقرا كتاب
سعود بحنان:عيونك راحت يا اوخيتي
حور:شسوي طفشش بلحالي مالي الا الكتب
سعود:وينها مريم عنك!؟
حور:ماجت اليوم
سعود بتعجب:ليه مو كل يوم وهي مسنتره عندنا بالبيت
حور ضحكت:كلمتها وقالت تعبانه
سعود:زين
سكتت حور وهي تناظر اخوها ماهو طبيعي زي كل ليله كان يدور حراش ويمزح معاها بس اليوم واضح فيه شي
حور بستغراب:سعود وشبلاك!؟
سعود ناظرها وتنهد:وش بلاي ياحور!؟
حور سكرت الكتاب وحست ان اخوها متضايق وهم اللي مالهم غير بعض وحطت يدها على كتفه:فضفض لي ياخوي
سعود بضيقه:ماودي اهرج ياعين اخوك
حور اللي حست في اخوها ضايق بلحيل وقلقت عليه:سعود تكفى قلي وشبلاك وشفيك اليوم!؟
سعود ابتسم يحاول مايقلقها:ابد مافيني شي
حور بتساؤل:صار شي بالشغل!؟
سعود:لا ابد ياعيني
حور:اجل وشفيك!؟
سعود تنهد:مدري شقول ياحور
حور ناظرته:سعود لاتقلقني بربك قلي وشصاير!؟
سعود بضيق:كل مالميت شتاتي تبعثر بنظره
حور بشك:شفتها!؟
سعود:كل العزم اللي جمعته طول هالفتره راح بنظره من عيونها
حور تنهدت:حيل الله اقوى ياخوي
سعود:وش اسوي ياعين اخوك!؟ ، دليني على شي ينسيني ياحور تكفين
حور:صعب تنسى ياسعود انت بس تصبر لين يفرجها الله
سعود بتنهيده مليانه ضيق:لين متى ياحور!؟ ، لين متى بظل على هالحال لاني قادر اوصلها ولاني قادر انساها
حور:طيب انت حكيت معها!؟
سعود:وين احكي معها انتي امهبوله ، كان معها البنات وبعدين حتى لو كانت بلحالها ماني مهرجها ابد ، وشتبيني اقولها وانا مالي حيله عليها
أنت تقرأ
. . *" روايـة : آخـر سـيـجـاره وسـهـره طـويـلـه "*
Mystery / Thrillerجبت لكم روايه تدور احداثها بين قوة العداوه وتيهان العشق أمام عواصف الظروف ، روايه غراميه مليانه تضحيات وحزن وصدود فهل يصمد الحب أمام شدة الظروف؟؟.
