"📖📖"
*" آخــر سـيجـاره وســـهـــره طــويلـه "*
*" الــبــارت الـسـادس "*
وصل هداش للقصر واول مادخل للديوان شاف جده كان جالس ويهز رجلينه وواضح انه يفكر وابوه وعمه ابو مطلق جالسين بصمت والعيال جالسين بزاويه مع صقر ويتهامسون
هداش:السلام عليكم
الكل:وعليكم السلام
الجد متعب بحده:وين كنت!؟
هداش:كلمني محسن خويي ورحت شوي وهذاني جيت
الجد متعب:متأكد انك تقول الصدق!؟
هداش بتوتر:افا عليك ياجدي بهالعمر وتتوقعني اكذب
ناظره جده وسكت وهداش ناظر صقر اللي قاله تعال اجلس وراح عندهم وهو مستغرب:وشذا الهدؤ
صقر:الدنيا قايمه وقاعده وانت وين كنت!؟
هداش:فكنا من هالسؤال الحين علموني وشصار بغيابي
هتان:لو كان يهمك ماكان طلعت لأخوياك والوضع متكركب
هداش:ياخوي جتني شغله ضروريه لاتمغثون الواحد
تركي:ياعيال انا اول مره اشوف جدي كذا ، والله ماهقيت ان فيه كل ذي القسوه
صقر بندم:اخخ ليتني طلعت وراهم وعرفت وين راحوا ، والله خايف يصير لهم شي
رايد:الحين امها قالت انها مريضه طيب لو يعني لاسمح الله توفت وين بتروح البنت!؟
راكان:اهب علينا والله اطلعت مافينا نخوه نساعد البنت
هداش:الحين ماعاد يفيد الندم ، علموني شلون نقنع جدي!؟
صقر:ابوي اذا صمم على شي ماعاد نقدر نرده عنه
هداج:ياخي اسكتوا شوي ازعجتونا بذي السالفه
هداش:تهقون لو احكي مع جدي يوافق!؟
صقر:الافضل ماتتدخل بذا الموضوع ياهداش
هداش تنهد وسكت
.
* عـــنــد الـــحـــريــــم *
جالسه الجده نوره بصمت وماغير دموعها اللي تنزل وتمسحهم وقلقانه حيل لأن هداش ماطمنها اذا سوا اللي تبيه ولالا
ام رايد:يمه الله يهديك وش له البكى الحين استهدي بالله
الجده نوره:راح فلذة كبدي ، غالب قطعه مني وفقدتها
ام تركي:بس مايصير تزعلين الحين ، خلاص هو كان غايب عننا سنين وادعيله بالرحمه
الجده نوره:الضنى غالي وانتو تعرفون
ام رايد:بس يايمه الحين مايفيدك هالبكى هو راح والله يرحمه وماعاد لنا الا اننا نعوض بنته عن حنانه
أنت تقرأ
. . *" روايـة : آخـر سـيـجـاره وسـهـره طـويـلـه "*
Bí ẩn / Giật gânجبت لكم روايه تدور احداثها بين قوة العداوه وتيهان العشق أمام عواصف الظروف ، روايه غراميه مليانه تضحيات وحزن وصدود فهل يصمد الحب أمام شدة الظروف؟؟.
