. . *" روايـة : آخـر سـيـجـاره وسـهـره طـويـلـه "*

البارت العاشر

"📖📖"

*" آخــر سـيجـاره وســـهـــره طــويلـه "*

            *" الــبــارت الـعـاشـر "*

طلع الجد متعب من الديوان ورجع للجلسه وهو مصدوم من اختيار هداش وبنفس اللحظه كان مقهور انه اختار شادن اللي هو مايواطنها ولا كان يتمناها لهداش

ابو هداش بستغراب:خير يبه وش يبي منك هداش!؟

الجد متعب:ماهوب وقت هالسوالف الحين

مطلق يهمس لهداج:وشفيه هداش ماكان على بعضه اتهقى وش السالفه!؟

هداج:والله ياخوك مدري وش علمه بس هداش مايصير كذا الا اذا براسه شي

مطلق:الله يجيبها زينه

راكان لمح هداش وهو كان مار وشكله ناوي يطلع من المزرعه وناداه:هداااش وين رايح

هداش تجاهله وهو اصلا ماسمعه لأنه كان سرحان ولاعبه فيه الهواجيس

رايد بقلق:هداش ماهوب طبيعي

وقف صقر واللي هو مايحب يشوف هداش بهذي الاوضاع ومن ناحيه ثانيه كان قلقان عليه ومايدري وش سالفته

ركض صوب هداش ومسكه من كتفه:علامك وين رايح انت!؟

هداش بعصبيه:اتركني

صقر بصدمه:وشبلاك ياولد!؟؟؟

هداش بضيق:خلني لحالي تكفى مالي خلق اتحاكى مع احد

صقر:لا والله مانيب تاركك

وطلع معاه وركبوا بسيارة هداش ومشى وهو مسرع

صقر:ناوي تذبحنا انت!؟ خفف السرعه يامهبول

هداش بعدم فهم:ليه مايبي يزوجني ياها لييييه!؟؟

صقر رفع حاجب:منهي اللي مابيزوجونك ياها!؟؟؟

هداش:شادن

صقر اطلق تنهيده طويله:اخخخ كل هذا علشان شادن

هداش ناظره:انا ابيها والله لو تصير لغيري حرام اني ماخليها تتهنى

صقر:هداش اعقل شبلاك ماخبرتك كذا

هداش:ياصقر انا حبيتها ، والله حبيتها من اول ماجت لين هاليوم وانا كل يوم تزيد مشاعري لها ، والله لو اشوف احد حولها اثور

صقر ناظره وابتسم:اثرك تعرف تحب

هداش تنهد:مب وقت مسخرتك الحين

صقر:طيب منهو مايبي يزوجك ياها ، قصدك ابوي!؟؟

هداش:ايه ، انا ماادري ليش للحين يكرهها

صقر:طيب وليه معصب انت تدري ان ابوي يحبك واكيد ماراح يزعلك وبيزوجك اللي تبيها

هداش:هو قلي ماني مزوجك بنت الاجنبيه