Hindi ko alam kung bakit, pero palagi akong napapatingin sa relo tuwing 7:11. Parang may koneksyon ang numerong 'yun sa buhay ko, pero 'di ko pa ma-figure out. Si Bea, yung matalik kong kaibigan, laging pinagtatawanan ako.
"Ang weird mo talaga, Sam. Bakit ba obsessed ka sa oras na 'yan?" tanong niya habang naglalakad kami sa may 7-Eleven, naghahanap ng snacks.
"Di ko nga rin alam," sagot ko, "Pero parang may ibig sabihin."
Pagdating namin sa store, nakita ko siya—si Enzo. Matangkad, simple ang bihis, pero palaging may aura na parang wala siyang problema sa mundo. Nakatingin siya sa akin, tapos ngumiti. Ewan ko ba, pero parang may kilig akong naramdaman kahit ‘di ko pa siya kilala.
"Uy, nakita ka na naman ng crush mo," bulong ni Bea sabay siko sa akin.
"Shut up!" sagot ko, pero napangiti rin ako. Napansin ko, halos 7:11 na ng gabi. Coincidence? Hindi ako sigurado.
Habang pumipili kami ng drinks, lumapit si Enzo sa amin. "Sam, di ba?" tanong niya, kunwari inosente, pero obvious na alam niya ang sagot.
"Uh, yeah. Enzo, right?" sagot ko, nagpapakalmang hindi ako kinikilig.
"Favorite mo ba ang 7-Eleven o ganun lang talaga kadalas tayo magkita dito?" tanong niya, sabay ngiti. Ang lakas ng dating.
Napatingin ako kay Bea na nagtatawa na lang sa gilid. "Uh, siguro nga. Parang lagi kitang nakikita dito," sagot ko, nagtatago ng ngiti.
"Well, next time, baka gusto mo namang sabay tayo? I'm usually here around this time," alok ni Enzo, kaswal na kaswal.
Nagkatinginan kami ni Bea, sabay hagikhik. "Sure," sabi ko, "7:11 na, right?"
Ngumiti si Enzo at tumango. "Perfect timing."
And just like that, ang 7:11 ay hindi na lang basta oras para sa akin, ito na ang simula ng kwento namin ni Enzo.
Inspired by 711 by Toneejay
BINABASA MO ANG
A Playlist of Life
Non-FictionWhich song comes to your mind when you remember your last or the biggest love of your life, the deepest regret, or the fulfilling moment of achievement? "A Playlist of Life" a collection of short stories that demonstrate that there is music in life...
