(لاتنسون الكومنت والتصويت)
6/1/2023
كان يوم سى لااسيل يوم خطوبتها من "فواز" ماهي قادره تستوعب شى كانت قاعده على السرير ومنهاره من كل شى قاعد يصير لها إلا بنص الانهيار تدخل عليها امها وتقول
مريم :قومي تسبحي يلا ترا الساعه ٢!
تقوم "اسيل "من السرير وتطلع لها ملابسها وتروح لدوره المياه تتروش وكانت فقط تطالع بالجدار تحاول تستوعب انه بتنخطب له وبترجع لنقطه الصفر قررت تطلع من دوره المياه بعد ماحست انها طولت وراحت لبست بجامه مريحه وراحت للتسريحه حقتها وبدت تحط كريمات العنايه وماكن في بالها ميكب يكون اوفر
4:30
تلبس "آسيل " لبسها الي كان عباره عن فستان طويل احمر مفتوح من ورا وعليه شرطتين كرستال ملفوفه على شكل اكس وشعرها الي سشورته وخلته مفرود ولبست كعب سان لوران وتعطرت من عطرها وشافت شكلها بالمرايه وكانت تحاول تسطنع الابتسامه وقامت نزلت تحت وكانو خواته الثلاثه موجودين
"عزيزه، نرجس،عايشه"
وراحت سلمت عليهم وجلست وكانو يسولفون إلا هي الي كانت ساكته وتطالع بصمت إلا يدخل ذاك الولد الصغير لابس ثوب وكانت ملامحه تشبه ابوه كانت تطالع في "هياف" الي يركض لعمته ويقول لها باذنها
بابا يقول يبغاك
وبالفعل تروح عزيزه لفواز الي قاعد بالمجلس وتقول
عزيزه:هلا فواز شبغيت؟
فواز:خلي اسيل تجي بشوفها
وبالفعل تطلع من المجلس متوجهه لااسيل وتقول
يلا اسيل قومي فواز يبغاج
بالفعل تقوم مع عزيزه وتروح لفواز الي كان قاعد بالمجلس وينتظرها واول مادخلت قفلت الباب عزيزه وقامت اسيل جلست بس بعيده عن فواز الي كان يناظرها وقرر يقوم يجلس عندها يمسك دقنها ويرفع راسها الي كانت منزلته ويقول
اخيرا
ماردة عليه وكانت بتقوم إلا يسحب يدها ويقول
وين رايحه ؟
ترد عليه وماكنت تطالع فيه
اتوقع انك شفتني صح؟ خلاص بطلع
يمسكها يقرّبها منها بزياده ويقول
بس أنا ماشبعت منج
توتر وقررت تقول
فواز وخر عني لو سمحت اتوقع أنا ماسمحت لك تقرب مني وثانيا عندي شروط بقولها لك
يبتسم ابتسامة سخريه ويرجع ظهره على ورا ويحط رجل على رجل ويقول
تفضلي أستاذه اسيل تكلمي
