في قبضة الأطلس( الجزء الثاني)

الحلقة الثالثة

البارت الثالث من قصة
في قبضة الأطلس الجزء الثاني
بقلمي انا شيرازا جبر
لاتنسون التصويت والتعليق ؏ الفقرات
(بًسِمً آلَلَهّ آلَرحًمًنِ آلَرحًيَمً)

~~~~~~~~~~~~~~~~~~~~
طبيت جوة كلهم ضلو يباوعلي ابتسمت ورحت يم يارين وكفت وافتريت

:- شلوني باوعتلي

:- أنتِ العروس مو اني

:- اويي حبيبتي

ضحكت. اجت دارين والاغاني عالية كلنة التمينة وضلينة نركص يم يارين بس نريدها تضحك بس صافنة صارت دنيا اليل سمعنة صوت هورنات انخبصنة رحنة اني وداربن نعدل ليارين وترجف

:- اهدي يروحي اهدي

طبو اهل وهب

يارين

من بعد مارحنة للصالون بطريق شفت يزن هو راح واخذ روحي وكلبي ويا بودي احضنة خلصنة من صالون واني اباوع  ؏ امي شلون تركض منا ومنا ومخبوصة رجعنة للبيت وافكر بالعرس شنو راح يصير واموت من رعب والخوف الي يصير بداخلي واجتني أيلا ماشاءالله تجنن كلش حلوة وتنسيقها للملابس والمكياج يموت

شكد حاولن يغيرن مزاجي بس مكدرت اضحك شوي وسمعنة صوت هورنات وهوسة كلبي صارت دكة مليون وخفت اجن البنات يعدلن بية ويهدني دخلو اهلة وهو دخل وراهم مبتسم بفرحة ويباوعلي  كعد بصفي

وهمس باذني :- هاي شطالعة يابة

شاف ايدي ترجف لزمها بايدة وباسها وضل لازمها ؏ كيف واجت امة باستني وضل تصلي ؏ محمد واطت ذهب لوهب ولبسني كلادة وباس  الشامة الي بركبتي

:-  حبها ولك حبها لتخاف من امها

قرب يم اذني :- ابوس لو تتخربطين علينة 

:- لا
خله ايدة ؏ خدي

:- ضحكي عيني ادري بيج مفرحانة بهذا كلة بس لتبينين للعالم هيج والله لااخليهم يتندمون ؏ كل دمعة نزلت من عينج

بقو ياخذون صور ويركصون باوعت للبنات أيلا ودارين يسون الي بايدهن اضحك اجت امة حنتنة  وخلت فوك الحنة الي بايدي فلوس وسدت ايدي وصوت الهلال يطرش وهمة ديطلعون

وهب :-  بليل من يصيرلج مجال اتصلي علية

هزيتلة براسي اي باس كصتي وراح

من ديطلعون شفت ولد عبالك اجنبي

أيلا :- دارين داربننن

دارين :- ها

أيلا :- خايبة شوفي ضيمي

أردفت وهي تضحك :- قصدج ؏  هذا الولد الحلو

أيلا :- حلو ولج غير يموت دباعي العيون الخضر فدوة لامك

دارين :- ولج حرام مو متزوجة

باوعتلها  وأردفت بصحكة :- والله نسيت

متنة من الضحك صعدنة يارين فوك لغرفتها وسبحناها وخلينها تنام لان تعبانة خطية واني هم سبحت ونزلت اشرب مي ونضفنة البيت كلة وكلهم نامو من التعب وراهم باجر هم تعب لازم يفولون نوم بقيت بس اني ادور ؏ أطلس ماهوة ولاشفتة رحت للحديقة ماكو دخلت للصاله مابيها بس كم ولد وابو يارين طلعت جان يطب أطلس